സംസഥാനത്ത് കോവിഡ് വ്യാപനം വലിയ രീതിയില്‍ കൂടി വരുകയാണ്. ഇന്ന് ഇരുപത്തിനായിരത്തിന് അടുത്ത് പ്രതിദിന കേസുകള്‍ ആണ് റിപ്പോര്‍ട്ട് ചെയ്തത്. അതില്‍ എറണാകുളം ജില്ലയില്‍ ആണ് ഇന്ന് ഏറ്റവും കൂടുതല്‍ കേസുകള്‍ റിപ്പോര്‍ട്ട് ചെയ്തത്. ഈ സാഹചര്യം കണക്കിലെടുത്ത് എ​റ​ണാ​കു​ള​ത്ത് പ്രാ​ദേ​ശി​ക ലോ​ക്ഡൗ​ണ്‍ പ്ര​ഖ്യാ​പിച്ചു. ജില്ലയില്‍ മൂന്ന് പഞ്ചായത്തുകളില്‍ ആണ് ലോക്ക് ഡൗണ്‍ പ്രഖ്യാപിച്ചിരിക്കുന്നത്. എറണാകുളം ജില്ലയിലെ കണ്ടെയ്ന്‍മെന്റ് സോണുകളില്‍ ആണ് ഇവ.

അടച്ചിടുന്നത് എടത്തല, വെങ്ങോല, മഴുവന്നൂര്‍ പഞ്ചായത്തുകളിലെ മുഴുവന്‍ വാര്‍ഡുകള്‍ ആണ്. ഈ ഉത്തരവ് ബുധനാഴ്ച വൈകിട്ട് ആറ് മണി മുതല്‍ പ്രാബല്യത്തില്‍ വരും. ജില്ലയില്‍ കണ്ടെയ്ന്‍മെന്റ് സോണ്‍ ആക്കുന്നത് 113 വാര്‍ഡുകളാണ്.കൊച്ചി കോര്‍പ്പറേഷനിലെ 8, 22, 27, 26, 60 എന്നീ അഞ്ച് ഡിവിഷനുകള്‍ ഉള്‍പ്പടെയാണിത്. ഏഴു ദിവസത്തേക്കാണ് ലോക്ഡൗണ്‍ നടപ്പാക്കുക. ഇ​ന്ന് 3,212 പേ​ര്‍​ക്കാ​ണ് ഇന്ന് എറണാകുളം ജില്ലയില്‍ രോഗം സ്ഥിരീകരിച്ചത്.