കുറച്ച്‌ വിഷമത്തോടെയാണെങ്കിലും ചതുര്‍മുഖം കേരളത്തിലെ തിയറ്ററുകളില്‍ നിന്ന് താല്‍ക്കാലികമായി പിന്‍വലിക്കാന്‍ ഞങ്ങള്‍ നിര്‍ബന്ധിതരായിരിക്കുകയാണ്; ആരാധകരെ ഞെട്ടിച്ച് മഞ്ജു വാര്യരുടെ ഫേസ്ബുക്ക് കുറിപ്പ്
മഞ്ജു വാര്യരുടെ പുതിയ ചിത്രം 'ചതുര്‍മുഖം' കേരളത്തിലെ തിയേറ്ററുകളില്‍ നിന്ന് താല്‍ക്കാലികമായി പിന്‍വലിക്കുന്നു. മഞ്ജു വാര്യര്‍ തന്നെയാണ് ഈ കാര്യം പറഞ്ഞത് . സംസ്ഥാനത്തെ കൊവിഡ് വ്യാപനത്തിന്റെ പശ്ചാത്തലത്തിലാണ് ഇത്തരത്തിൽ ഒരു തീരുമാനം എടുത്തിരിക്കുന്നത് . ഫേസ്ബുക്ക് കുറിപ്പിലൂടെയാണ് താരം ഇക്കാര്യം അറിയിച്ചത്. ഫേസ്ബുക്ക് പോസ്റ്റിന്റെ പൂര്‍ണ്ണരൂപം ഇങ്ങനെ ;
പ്രിയപ്പെട്ടവരേ,
ചതുര്‍മുഖം റിലീസ് ആയ അന്ന് മുതല്‍ നിങ്ങള്‍ തന്ന സ്നേഹത്തിന് നന്ദി. ഞങ്ങളുടെ പ്രതീക്ഷകള്‍ക്കും മുകളിലായിരുന്നു കുടുംബപ്രേക്ഷകരില്‍ നിന്നും ലഭിച്ച സ്വീകരണം. റിലീസ് ചെയ്ത് ഭൂരിഭാഗം തിയറ്ററുകളിലും ചതുര്‍മുഖം നിറഞ്ഞ സദസ്സില്‍ പ്രദര്‍ശിപ്പിച്ചു കൊണ്ടിരിക്കെയാണ്.
നമ്മുടെ നാട്ടില്‍ കൊവിഡിനെതിരെയുള്ള ജാഗ്രത ശക്തമാക്കേണ്ട ആവശ്യം ഉണ്ടായിരിക്കുന്നത്. അതു കൊണ്ട് കുറച്ച്‌ വിഷമത്തോടെയാണെങ്കിലും ചതുര്‍മുഖം കേരളത്തിലെ തിയറ്ററുകളില്‍ നിന്ന് താല്‍ക്കാലികമായി പിന്‍വലിക്കാന്‍ ഞങ്ങള്‍ നിര്‍ബന്ധിതരായിരിക്കുകയാണ്.
രോഗവ്യാപനം നിയന്ത്രണവിധേയവും പൊതുഇടങ്ങള്‍ സുരക്ഷിതവുമാവുന്ന സാഹചര്യത്തില്‍ ചതുര്‍മുഖം നിങ്ങളിലേക്ക് തിരിച്ചു കൊണ്ടു വരുന്നതായിരിക്കും. സര്‍ക്കാര്‍ നിഷ്ക്കര്‍ഷിച്ചിരിക്കുന്ന മാനദണ്ഡങ്ങള്‍ പാലിക്കുക, സുരക്ഷിതരായിരിക്കുക.
സ്നേഹത്തോടെ
നിങ്ങളുടെ സ്വന്തം
മഞ്ജുവാര്യര്‍.
സണ്ണി വെയ്ന്‍ എന്നിവരെ പ്രധാനകഥാപാത്രങ്ങളാക്കി കമല ശങ്കറും സലില്‍.വിയും ചേര്‍ന്ന് സംവിധാനം ചെയ്ത ടെക്‌നോ-ഹൊറര്‍ ചിത്രമാണ് ചതുര്‍മുഖം . തന്‍റെ മരണത്തിന് ഉത്തരവാദികളായവരെ തിരഞ്ഞ് പിടിച്ച് കൊല്ലുന്ന പ്രതികാര ദാഹിയായ യക്ഷി എന്ന ക്ലീഷേ ചിന്തയേയും പ്രേതത്തെ ഒഴിപ്പിക്കുന്ന പതിവ് കാഴ്ചകളേയും പടിക്ക് പുറത്ത് നിര്‍ത്തിയിരിക്കുന്നു എന്നതിലാണ് 'ചതുര്‍ മുഖം' വ്യത്യസ്തമാകുന്നത്.
ചിത്രത്തിലെ നായിക കഥാപാത്രമായ തേജസ്വനിയായി മഞ്ജുവാര്യര്‍ എത്തുമ്പോള്‍ വില്ലന്‍ കഥാപാത്രമാകുന്നത് ലിസ എന്ന ബ്രാന്‍ഡിലുള്ള ഒരു മൊബൈല്‍ ഫോണാണ്. സ്മാര്‍ട്ട് ഫോണ്‍ ശരീരത്തിന്‍റെ ഒരു ഭാഗമായി കാണുന്ന ജീവതത്തെ സോഷ്യല്‍ മീഡിയയിലെ തുറന്ന പുസ്തകമാക്കി മാറ്റിയ വ്യക്തിയാണ് തേജസ്വനി.
https://www.facebook.com/Malayalivartha
