മലയാള സിനിമാപ്രേമികളുടെ കാത്തിരിപ്പിന് വിരാമം; ജഗതി സിനിമയിലേക്ക് തിരിച്ചുവരുന്നു... ചിത്രീകരണം പുരോഗമിക്കുന്നു
മലയാളികളുടെ പ്രിയപ്പെട്ട നടന് ജഗതി ശ്രീകുമാര് വീണ്ടും മലയാള സിനിമയിലേക്ക് തിരിച്ചുവരുന്നു. സംവിധായകന് കുഞ്ഞുമോന് താഹ കഥയെഴുതി സംവിധാനം ചെയ്യുന്ന 'തേന് മഴ തേന് മഴ' എന്ന ചിത്രത്തിലൂടെയാണ് ജഗതിയുടെ നീണ്ട നാളത്തെ ഇടവേളക്ക് ശേഷം സിനിമയിലേക്ക് വരുന്നത്.
കറിയാച്ചന് എന്ന ശക്തമായ കഥാപാത്രത്തെയാണ് ചിത്രത്തില് ജഗതിയുടേത്. ജഗതിയുടെ വീട്ടില് വെച്ച് ചിത്രത്തിന്റെ പ്രധാന ഭാഗങ്ങള് സംവിധായകന് കഴിഞ്ഞ ദിവസം ചിത്രീകരിച്ചു.
രാജേഷ് കോ ബ്രോ അവതരിപ്പിക്കുന്ന ഉലുവാച്ചി എന്ന കഥാപാത്രത്തിന്റെ പിതാവിന്റെ വേഷമാണ് ജഗതി ചെയ്യുന്നത്. ശരീരഭാഷ കൊണ്ട് ശക്തമായി തന്നെ കറിയാച്ചന് എന്ന കഥാപാത്രത്തെ ജഗതി അവതരിപ്പിച്ചിട്ടുണ്ടെന്നാണ് സംവിധായകന് പറഞ്ഞത്.
കൊല്ലം വയനാട് തിരുവനന്തപുരം എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകള്. ഗലീഫ കൊടിയില് നിര്മിക്കുന്ന ചിത്രത്തിന് തിരക്കഥ, സംഭാഷണം കുഞ്ഞു മോഹന് താഹ, എ വി ശ്രീകുമാര് എന്നിവര് ചേര്ന്നാണ് ഒരുക്കിയിരിക്കുന്നത്.
ജഗതി ശ്രീകുമാര്, കോബ്ര രാജേഷ്, മാള ബാലകൃഷ്ണന്, പി ജെ ഉണ്ണികൃഷ്ണന്, സൂരജ് സാജന്, ആദര്ശ്, ലക്ഷ്മി പ്രിയ, സ്നേഹ അനില്, ലക്ഷ്മി അശോകന്, സൈഫുദ്ദീന്, ഡോക്ടര് മായ, സജിപതി, കബീര്ദാസ്, ഷറഫ് ഓയൂര്,
അശോകന് ശക്തികുളങ്ങര കണ്ണന് സുരേഷ്, രാജി തിരുവാതിര, പ്രീത പനയം, ശ്യാം, രാജേഷ് പിള്ള, സുരേഷ് പുതുവല്, ബദര് കൊല്ലം ഉണ്ണി സ്വാമി പുഷ്പ ലതിക ബേബി സ്നേഹം ബേബി പാര്വതി എന്നിവരാണ് ചിത്രത്തിലെ അഭിനേതാക്കള്.
https://www.facebook.com/Malayalivartha