സ്വന്തം ഓട്ടോറിക്ഷ ആംബുലൻസാക്കി മാറ്റി ഒരു ഡ്രൈവർ; ഓക്സിജൻ സിലിണ്ടർ നിറയ്ക്കാൻ അദ്ദേഹത്തിന് ദിവസവും 600 രൂപയുടെ ചെലവ്
കൊവിഡ് 19 രാജ്യത്തെ ഗുരുതരമായി ബാധിക്കുമ്പോൾ നല്ല മനസ്സുമായി ചില മനുഷ്യർ. ഭോപ്പാലിൽ നിന്നുള്ള ഓട്ടോ ഡ്രൈവറാണ് ഈ അവസ്ഥയിലും മറ്റുള്ളവരെ സഹാഹിക്കാൻ തന്റെ ഓട്ടോയെ ആംബുലൻസാക്കി മാറ്റിയിരുക്കുന്നത്.
ഭോപ്പാലിൽ നിന്നുള്ള ഓട്ടോ ഡ്രൈവറായ ജാവേദ് ഖാനാണ് തന്റെ ഓട്ടോയിൽ കൊവിഡ് രോഗികൾക്ക് സൗജന്യ സവാരി വാഗ്ദാനം ചെയുന്നത്. കഴിഞ്ഞ മൂന്ന് ദിവസത്തിനുള്ളിൽ ജാവേദ് 10 പേരെയാണ് ഇതുപോലെ ആശുപത്രിയിൽ എത്തിച്ചത്...
രണ്ടാമത്തെ കൊവിഡ് തരംഗത്തെ തുടർന്ന് ജനങ്ങൾ ബുദ്ധിമുട്ടുകയാണ് എന്ന് മനസ്സിലാക്കിയ ജാവേദ് തന്നാൽ കഴിയുന്നത് ജനങ്ങൾക്കായി ചെയ്യണം എന്ന് തീരുമാനിക്കുകയായിരുന്നു.
തുടർന്ന്, അദ്ദേഹം തന്റെ ഓട്ടോറിക്ഷയെ ഒരു മൊബൈൽ ആംബുലൻസാക്കി മാറ്റുകയായിരുന്നു. കൂടാതെ രോഗികൾക്ക് ആവശ്യമായ ഓക്സിജൻ, സാനിറ്റൈസർ, മരുന്നുകൾ എന്നിവയും അദ്ദേഹം തന്റെ ഓട്ടോ ആംബുലൻസിൽ കരുതുന്നുണ്ട് .
18 വർഷമായി താൻ ഓട്ടോ ഓടിക്കുന്നു, തന്റെ കുടുംബത്തിൽ മറ്റാർക്കും ഈ അസുഖം ഉണ്ടായിട്ടില്ല, കോവിഡ് മൂലം ഒരുപാട് ആളുകൾ മരിക്കുന്നതിൽ വിഷമമുണ്ടെന്നും അതിനാളാണ് താൻ തനിക്ക് സാധിക്കുന്ന ചെറിയ പ്രവർത്തികൾ ജനങ്ങൾക്ക് വേണ്ടി ചെയുന്നത് എന്നും ജാവേദ് പറയുന്നു .
തന്റെ ഭാര്യ സ്വർണലോക്കറ്റ് വിറ്റിട്ടാണ് മരുന്നും മറ്റും വാങ്ങാൻ ആവശ്യമായ പണം നൽകിയത്. ഓക്സിജൻ സിലിണ്ടർ നിറയ്ക്കാൻ ദിവസവും 600 രൂപ ചെലവുണ്ട്.
പക്ഷേ, ഓക്സിജന് ഉയർന്ന ഡിമാൻഡ് ആയതിനാൽ 4 -6 മണിക്കൂർ കാത്തിരിക്കേണ്ടി വരുന്നു. സാമൂഹ്യ സേവനത്തിൽ ഏർപ്പെട്ടിരിക്കുന്ന നിരവധി ഗ്രൂപ്പുകൾക്ക് തന്റെ ഫോൺ നമ്പർ നൽകിയിട്ടുണ്ടെന്നും അദ്ദേഹം പറഞ്ഞു.
https://www.facebook.com/Malayalivartha