കൊവിഡ് വ്യാപനം; ഓഫീസുകളുടെ പ്രവര്ത്തനത്തിന് കൂടുതല് നിയന്ത്രണങ്ങള്; നാളെ മുതല് 25 ശതമാനം ജീവനക്കാര് മാത്രം ഓഫീസുകളില് എത്തിയാല് മതിയെന്ന് സര്ക്കാര് ഉത്തരവ്
കൊവിഡ് രൂക്ഷമാകുന്ന പശ്ചാത്തലത്തില് ഓഫീസുകളുടെ പ്രവര്ത്തനത്തിന് കൂടുതല് നിയന്ത്രണങ്ങള് ഏര്പ്പെടുത്തി സര്ക്കാര്. നാളെ മുതല് 25 ശതമാനം ജീവനക്കാര് മാത്രം ഓഫീസുകളില് എത്തിയാല് മതിയെന്നാണ് ഉത്തരവ്. മറ്റുള്ളവര്ക്ക് വര്ക്ക് ഫ്രം ഹോം ഏര്പ്പെടുത്തണം. സര്ക്കാര്, സ്വകാര്യ സ്ഥാപനങ്ങള്ക്ക് ഉത്തരവ് ബാധകമായിരിക്കും.
സംസ്ഥാനത്ത് കൊവിഡ് വ്യാപനം കൂടുതലുള്ള ജില്ലകളില് ലോക്ഡൗണ് വേണ്ടി വരുമെന്നാണ് മുഖ്യമന്ത്രി ഇന്ന് അറിയിച്ചത്. ചൊവ്വാഴ്ചമുതല് സംസ്ഥാനത്ത് കര്ക്കശ നിയന്ത്രണങ്ങള് ഏര്പ്പെടുത്തും. സംസ്ഥാന കേന്ദ്ര സര്ക്കാര് ഓഫീസുകളുടെ പ്രവര്ത്തനം അവശ്യ സര്വ്വീസിന് മാത്രമായി പരിമിതപ്പെടുത്തും. അവശ്യ വസ്തുക്കള് വില്ക്കുന്ന സ്ഥാപനങ്ങള് തുറക്കും.
ഹോട്ടല്, റസ്റ്റോറന്റുകളില് നിന്ന് പാഴ്സല് മാത്രം നല്കും. സുഗമമായ ചരക്കു നീക്കം ഉറപ്പാക്കും. പൊതുഗതാഗതത്തിന് തടസ്സമില്ല. ഇരുചക്രവാഹനങ്ങളില് ഒരാള് മാത്രമേ പാടുള്ളു. കുടംബമാണെങ്കില് രണ്ടുപേരാകാം. പക്ഷെ ഇരട്ട മാസ്ക് വേണം. ബാങ്കുകള് കഴിയുന്നതും ഓണ്ലൈന് ഇടപാട് നടത്തണം. ഉച്ചയ്ക്ക് ഒരു മണി വരെ മാത്രം പ്രവര്ത്തിക്കും. ആള്ക്കൂട്ടം അനുവദിക്കില്ല.
https://www.facebook.com/Malayalivartha