കൊവിഡ് വ്യാപനം തടയാന് മുന്കരുതലുമായി.... സംസ്ഥാനത്ത് ഇന്നു മുതല് 9 വരെ ലോക്ക് ഡൗണിന് സമാനമായ നിയന്ത്രണങ്ങള്....
കൊവിഡ് വ്യാപനം തടയാനുള്ള മുന്കരുതലെന്ന നിലയില് ഇന്നുമുതല് ഞായറാഴ്ച വരെ സംസ്ഥാനത്ത് ലോക്ക് ഡൗണിന് സമാനമായ നിയന്ത്രണങ്ങളുണ്ടാകും. ശനി,ഞായര് ദിവസങ്ങളില് ഏര്പ്പെടുത്തിയ നിയന്ത്രണങ്ങള് കൂടുതല് കര്ക്കശമാക്കിയാണ് നടപ്പാക്കുന്നത്.
കൊവിഡ് വ്യാപനം കുറഞ്ഞാല് ഇളവ് നല്കും. അല്ലെങ്കില് വരുന്ന ആഴ്ച മുതല് കൂടുതല് ശക്തമാക്കേണ്ടിവരുമെന്ന് മുഖ്യമന്ത്രി വാര്ത്താസമ്മേളനത്തില് സൂചിപ്പിച്ചു.
നിയന്ത്രണങ്ങള് ലംഘിക്കുന്നവര്ക്കെതിരെ ദുരന്തനിവാരണ നിയമപ്രകാരം കേസെടുക്കും. സംസ്ഥാന, കേന്ദ്ര സര്ക്കാര് സ്ഥാപനങ്ങള്, സ്വയംഭരണ സ്ഥാപനങ്ങള്, അവശ്യസേവന വിഭാഗങ്ങള്, കൊവിഡ് പ്രതിരോധ പ്രവര്ത്തനങ്ങളില് ഏര്പ്പെട്ടിരിക്കുന്ന ഉദ്യോഗസ്ഥര്, വ്യക്തികള് തുടങ്ങിയവര്ക്ക് പ്രവര്ത്തിക്കാം
അല്ലാത്ത സ്ഥാപനങ്ങളില് അത്യാവശ്യം വേണ്ട ജീവനക്കാര് മാത്രം. ഇത്തരം സ്ഥാപനങ്ങളില് ആവശ്യത്തിലധികം ജീവനക്കാര് ഉണ്ടോയെന്ന് സെക്ടറല് മജിസിട്രേറ്റുമാര് പരിശോധിക്കും.
അനാവശ്യമായി പുറത്തിറങ്ങരുത്, അടച്ചിട്ട സ്ഥലങ്ങളില് കൂട്ടം കൂടരുത്, അത്യാവശ്യമല്ലാത്ത യാത്രകള് തടയും, ഓട്ടോ, ടാക്സി, ചരക്ക് വാഹനങ്ങള് അത്യാവശ്യത്തിനു മാത്രം. ജോലിക്കു പോകുന്നവര് തിരിച്ചറിയല് കാര്ഡ് കാണിക്കണം.
ദീര്ഘദൂര ബസ്, ട്രെയിന്, പൊതുഗതാഗതം അനുവദിക്കും.വ്യാപാരം ഹോട്ടലുകള്ക്കും റസ്റ്റോറന്റുകള്ക്കും ഹോം ഡെലിവറി മാത്രം. പാല്, പച്ചക്കറി, പലവ്യഞ്ജനം, മീന്, മാംസം വില്ക്കുന്ന കടകള് തുറക്കാം. പരമാവധി ഡോര് ഡെലിവറി നടത്തണം.
പച്ചക്കറി, മീന് മാര്ക്കറ്റുകളില് കച്ചവടക്കാര് 2 മീറ്റര് അകലം പാലിക്കണം; വീടുകളിലെത്തിച്ചുള്ള മീന് വില്പ്പനയാകാം. 2 മാസ്ക്കുകളും കഴിയുമെങ്കില് കൈയുറയും ധരിക്കണം. കള്ളുഷാപ്പുകള്ക്കും പ്രവര്ത്തിക്കാം
തുണിക്കടകള്, ജുവലറികള്, ബാര്ബര് ഷോപ്പുകള് തുറക്കാന് പാടില്ല . ബാങ്കുകള്രാവിലെ 10 മുതല് ഉച്ചയ്ക്ക് ഒരു മണിവരെ മാത്രം.
"
https://www.facebook.com/Malayalivartha