നിയമസഭാ തെരഞ്ഞടുപ്പില്‍ കോണ്‍ഗ്രസ് നല്ല അസല്‍ പരാജയം ഏറ്റുവാങ്ങിയതിന് പിന്നാലെ ചില സംസ്ഥാന കോണ്‍ഗ്രസ് നേതാക്കള്‍ ബി ജെ പിയില്‍ ചേരുമോ എന്ന ഭയത്തില്‍ ഹൈക്കമാന്റ്.

ബിജെപിയുമായി അടുപ്പം പുലര്‍ത്തുന്ന നേതാക്കളുടെ പട്ടിക ഹൈക്കമാന്റ് തയ്യാറാക്കി കഴിഞ്ഞു. ഇവരില്‍ ജന സമ്മതിയുള്ളവരെ കോണ്‍ഗ്രസിന്റെ താക്കോല്‍ സ്ഥാനങ്ങളില്‍ നിയമിക്കാനാണ് ആലോചന.അതിന് വേണ്ടിയാണ് ഉമ്മന്‍ ചാണ്ടിയെ പോലെ ചെന്നിത്തലയെയും ഡല്‍ഹിക്കും നാടുകടത്തുന്നത്.

കോണ്‍ഗ്രസ് നേതാവ് കെ.സുധാകരതെതിരെ ബി ജെ പി ബന്ധ ആരോപണം മുമ്പ് വന്നിരുന്നു. അദ്ദേഹം ഇപ്പോഴത്തെ കോണ്‍ഗ്രസ് രാഷ്ട്രീയത്തില്‍ തീര്‍ത്തും അസ്വസ്ഥനാണ്

.എത്രയും വേഗം സുധാകരനെ പിസിസി അധ്യക്ഷനാക്കാനാണ് ആലോചന.ഇല്ലെങ്കില്‍ ചിലപ്പോള്‍ സുധാകരന്‍ കളം മാറ്റി ചവിട്ടിയേക്കുമെന്ന ഭയം പാര്‍ട്ടിക്കുണ്ട്. ചെന്നിത്തലയെ പ്രതിപക്ഷ നേതൃ സ്ഥാനത്ത് നിന്നും നീക്കണമെന്നതാണ് സുധാകര പക്ഷത്തിന്റെ പ്രധാന ആവശ്യം.

നിയമസഭാ തെരഞ്ഞെടുപ്പിലുണ്ടായ കനത്ത പരാജയത്തിന് പിന്നാലെ പ്രതിപക്ഷ നേതാവ് സ്ഥാനത്ത് നിന്നും രമേശ് ചെന്നിത്തലയെ വൈകാതെ മാറ്റുമെന്നാണ് സൂചന . സംസ്ഥാന രാഷ്ട്രീയത്തില്‍ നിന്നും ദേശീയ രാഷ്ട്രീയത്തിലേക്ക് ചെന്നിത്തലയെ കൊണ്ടു വരാനാണ് എഐസിസി നേതൃത്വം ആലോചിക്കുന്നത്. സംസ്ഥാനങ്ങളുടെ ചുമതലയുള്ള എഐസിസി ജനറല്‍ സെക്രട്ടറിയായോ കോണ്‍?ഗ്രസ് പ്രവര്‍ത്തക സമിതി അം?ഗത്വം നല്‍കിയോ ചെന്നിത്തലയെ ദേശീയ നേതൃത്വത്തിലേക്ക് കൊണ്ടു വരാനാണ് പാര്‍ട്ടി തലപ്പത്തെ ആലോചന. എന്നാല്‍ ഒരു മടയില്‍ രണ്ട് പുലികള്‍ എന്നതുപോലെ കെ.സി. വേണുഗോപാലും ചെന്നിത്തലയും ഡല്‍ഹിയില്‍ ഒരുമിച്ച് പോകുമോ എന്ന സംശയവും ഹൈക്കമാന്റിനുണ്ട്.

മുമ്പ് എ.കെ. ആന്റണിയെ ഇതേ മട്ടിലാണ് ഡല്‍ഹിക്ക് കൊണ്ടുപോയത്.പിന്നീട് അദ്ദേഹം കേരളത്തിലേക്ക് മടങ്ങിവന്നിട്ടില്ല.ഡല്‍ഹിക്ക് കൊണ്ടുപോവുക എന്നാല്‍ കോണ്‍ഗ്രസില്‍ വാനപ്രസ്ഥം എന്നാണ് അര്‍ത്ഥം.

ഹിന്ദിയില്‍ മിടുക്കനായ ചെന്നിത്തലയ്ക്ക് ദേശീയ നേതാക്കളുമായും അടുത്ത ബന്ധമാണുള്ളത്. കോണ്‍?ഗ്രസ് ദേശീയ അധ്യക്ഷനായും എംപിയായും ദില്ലി കേന്ദ്രീകരിച്ചു പ്രവര്‍ത്തന പരിചയം അദ്ദേഹത്തിനുണ്ട്. നിയമസഭാ തെരഞ്ഞെടുപ്പില്‍ യുഡിഎഫിനും കോണ്‍?ഗ്രസിനുമുണ്ടായ പരാജയത്തിന്റെ പശ്ചാത്തലത്തിലാണ് കേരളത്തിലെ പാര്‍ട്ടി തലപ്പത്ത് മാറ്റം വരുത്താന്‍ ദേശീയ നേതൃത്വം ആലോചിക്കുന്നത്.

ചെന്നിത്തല മാറിയാല്‍ സ്വാഭാവികമായും കെപിസിസി അധ്യക്ഷസ്ഥാനത്ത് നിന്നും മുല്ലപ്പള്ളിയും മാറേണ്ടി വരും. മുല്ലപ്പള്ളി മാറാന്‍ തയ്യാറല്ല. അതിനാല്‍ മാറ്റാന്‍ തന്നെയാണ് തീരുമാനം.

വിഡി സതീശന്‍ പ്രതിപക്ഷ നേതാവായി തെരഞ്ഞെടുക്കപ്പെടാനാണ് സാധ്യത. കെ.മുരളീധരന്‍ കെ പി സി സി അധ്യക്ഷ പദത്തിന് താത്പര്യം പ്രകടിപ്പിച്ചിട്ടുണ്ട്. പിടി തോമസ്, തിരുവഞ്ചൂര്‍ രാധാകൃഷ്ണന്‍, ഷാഫി പറമ്പില്‍ എന്നിവരും പരിഗണനയിലുണ്ട്.

ചെന്നിത്തലയെ നാടുകടത്താനുള്ള ആലോചന ഇല്ലെന്നാണ് ചെന്നിത്തല വ്യക്തമാക്കുന്നത്. പ്രതിപക്ഷ നേതാവ് സ്ഥാനത്ത് ചെന്നിത്തല തുടരണമെന്നാണ് ഉമ്മന്‍ ചാണ്ടിയും മുല്ലപ്പള്ളിയും ആഗ്രഹിക്കുന്നതെന്നും ഐ ഗ്രൂപ്പ് നേതാക്കള്‍ ചൂണ്ടിക്കാട്ടുന്നു. എന്നാല്‍ നിയമസഭാ തെരഞ്ഞെടുപ്പില്‍ പരാജയപ്പെട്ട സാഹചര്യത്തില്‍ കേരള നേതാക്കളുടെ അഭിപ്രായം എത്രത്തോളം ഹൈക്കമാന്‍ഡ് പരിഗണിക്കും എന്നറിയില്ല. അതേസമയം നേതൃമാറ്റം സംബന്ധിച്ച് ആലോചനകള്‍ സജീവമാണെന്ന് കേന്ദ്രനേതൃത്വത്തിലെ ചില നേതാക്കള്‍ സമ്മതിച്ചിട്ടുണ്ട്.

അഞ്ച്‌സംസ്ഥാനങ്ങളിലെ നിയമസഭാ തെരഞ്ഞെടുപ്പില്‍ പാര്‍ട്ടിക്കുണ്ടായ തിരിച്ചടി വലിയ പാഠമായി കാണണമെന്ന് കഴിഞ്ഞ ദിവസം ചേര്‍ന്ന കോണ്ഗ്രസ് പ്രവര്‍ത്തകസമിതി യോഗത്തില്‍ സോണിയ ഗാന്ധി പറഞ്ഞിരുന്നു. തൊലിപ്പുറത്തുള്ള ചികിത്സ കൊണ്ട് കാര്യമില്ലെന്നും അവര്‍ യോഗത്തില്‍ തുറന്നടിച്ചിരുന്നു.

പ്രതിപക്ഷനേതാവ് എന്ന നിലയില്‍ ചെന്നിത്തല ഭേദപ്പെട്ട പ്രകടനം നടത്തിയെന്ന് പാര്‍ട്ടിയില്‍ പൊതുവില്‍ വിലയിരുത്തലുണ്ടായിരുന്നുവെങ്കിലും കഴിഞ്ഞ ദിവസം കേരളത്തിന്റെ ചുമതലുള്ള എഐസിസി ജനറല്‍ സെക്രട്ടറി താരീഖ് അന്‍വര്‍ നല്‍കിയ റിപ്പോര്‍ട്ടില്‍ വേറെയും ചില കാര്യങ്ങള്‍ വിശദീകരിച്ചിട്ടുണ്ട്.

ഗ്രൂപ്പ് രാഷ്ട്രീയം ശക്തമായ കേരളത്തില്‍ കെപിസിസി അധ്യക്ഷന്‍ മുല്ലപ്പള്ളിക്ക് എ-ഐ ഗ്രൂപ്പുകളുടെ പിന്തുണ കിട്ടിയില്ലെന്നും നേതാക്കള്‍ തമ്മിലുണ്ടായ ഭിന്നത തെരഞ്ഞെടുപ്പില്‍ തിരിച്ചടിയായെന്നും താരീഖ് അന്‍വറിന്റെ റിപ്പോര്‍ട്ടില്‍ പറയുന്നതായാണ് സൂചന. പ്രതിപക്ഷനേതാവ് എന്ന നിലയില്‍ ഭിന്നിച്ചു നില്‍ക്കുന്ന നേതാക്കളെ ഏകീകരിക്കാനുള്ള നീക്കം ചെന്നിത്തലയില്‍ നിന്നുണ്ടായില്ലെന്നും റിപ്പോര്‍ട്ടില്‍ പറയുന്നുണ്ട്. കൂടുതല്‍ നേതാക്കള്‍ ബി ജെ പിയിലേക്ക് ചേരും മുമ്പ് അവരെ കോണ്‍ഗ്രസില്‍ നിലനിര്‍ത്താനാണ് തീരുമാനം