'തലമുറമാറ്റം' പാര്ട്ടി എടുത്ത ധീരമായ തീരുമാനമെന്ന് ആഷിഖ് അബു; സോഷ്യൽ മീഡിയയിൽ വൈറലായി ആഷിഖ് അബുവിന്റെ ഫേസ്ബുക്ക് കുറിപ്പ്
രണ്ടാം പിണറായി മന്ത്രിസഭയില് പുതുമുഖങ്ങളെ ഉള്പ്പെടുത്താനുള്ള തീരുമാനത്തെ അഭിനന്ദിച്ച് സംവിധായകന് ആഷിഖ് അബു. തലമുറമാറ്റം എന്നത് പാര്ട്ടി എടുത്ത ധീരമായ തീരുമാനമെന്ന് ആഷിഖ് അബു ഫേസ്ബുക്കില് കുറിച്ചു.
വ്യക്തികളെ പാര്ട്ടി ഏല്പ്പിക്കുന്ന ഉത്തരവാദിത്തമാണ് മന്ത്രി സ്ഥാനമെന്ന് സ്ഥാനമൊഴിയുന്നവരും ആ സ്ഥാനങ്ങളിലേക്ക് പകരം വരുന്നവരും ഒരുപോലെ ജനങ്ങളോട് പറയുന്ന കാഴ്ചയാണ് കാണുന്നത്. സന്തോഷം അഭിവാദ്യങ്ങള് -ആഷിഖ് കുറിച്ചു.
മന്ത്രിസ്ഥാനമെന്നത് ഒരു രാഷ്ട്രീയ നയപരിപാടിയുടെ അടിസ്ഥാനത്തില് ഒരു ബഹുജനപാര്ട്ടി, ഒരു വ്യക്തിയെ ഏല്പ്പിക്കുന്ന ഉത്തരവാദിത്വമാണെന്ന് സ്ഥാനമൊഴിയുന്നവരും, ആ സ്ഥാനങ്ങളിലേക്ക് പകരം വരുന്നവരും ഒരുപോലെ ജനങ്ങളോട് പറയുന്ന കാഴ്ചയാണ് ഈ ദിവസങ്ങളില് കാണുന്നത്. സന്തോഷം തോന്നി. അഭിവാദ്യങ്ങള്. തലമുറമാറ്റം എന്നത് പാര്ട്ടി എടുത്ത ധീരമായ, പുരോഗമനപരമായ തീരുമാനമാണ്.
'നവകേരളം' എന്ന പാര്ട്ടിയുടെ ദീര്ഘകാല പദ്ധതിക്ക് ചെറുതല്ലാത്ത വേഗം ഈ തീരുമാനം കൊണ്ട് കൈവരിക്കാന് സാധിക്കും. കഴിഞ്ഞ സര്ക്കാരിനെ നയിച്ചവര് ഇനി പാര്ട്ടിയെ നയിക്കും. പുതിയ ടീമിന് കരുത്തേകുന്ന പാര്ട്ടിയുടെ സംവിധാനമായി ഇവരെല്ലാവരും ഇവിടെത്തന്നെയുണ്ടാകും. ജനങ്ങള്ക്കിടയില്.
ടീച്ചര്ക്കും, മണിയാശാനും, സഖാവ് ഐസക്കിനും, സഖാവ് സുധാകരനും ഉള്പ്പെടെ കഴിഞ്ഞ മന്ത്രിസഭയില് പ്രവര്ത്തിച്ച എല്ലാ സഖാക്കള്ക്കും അഭിവാദ്യങ്ങള്. പി രാജീവിനും, എം ബി രാജേഷിനും, കെ എന് ബാലഗോപാലിനും,വീണ ജോര്ജിനും ഗോവിന്ദന് മാഷിനും മുഹമ്മദ് റിയാസിനും സജി ചെറിയാനും
പ്രൊഫ ബിന്ദുവിനും ചിഞ്ചുറാണിക്കും മറ്റെല്ലാ പുതിയ മന്ത്രിമാര്ക്കും ആശംസകള്. പുതിയ ടീമിനെ നയിക്കുന്ന സഖാവ് പിണറായി വിജയന് ആശംസകള്, അഭിവാദ്യങ്ങള്. വിയോജിപ്പുകളെ ഉള്ക്കൊണ്ട് കൂടുതല് കരുത്തോടെ മുന്നോട്ട് സഖാക്കളേ. ലാല്സലാം. എന്നിങ്ങനെയായിരുന്നു ഫേസ്ബുക്ക് കുറിപ്പിന്റെ പൂർണരൂപം.
https://www.facebook.com/Malayalivartha
