രാഷ്ട്രീയത്തില്‍ സജീവമാകുന്നതിനു മുന്‍പ് മാധ്യമപ്രവര്‍ത്തകയായിരുന്നു രണ്ടാം പിണറായി സഭയിലെ ആരോ​ഗ്യമന്ത്രിയായ വീണജോര്‍ജ്. മന്ത്രിസ്ഥാനം ലഭിച്ച വീണയ്ക്ക് അഭിനന്ദനങ്ങളുമായി മുന്‍സഹപ്രവര്‍ത്തകരും രംഗത്തുണ്ട്. വീണയുമായുള്ള അനുഭവങ്ങള്‍ പങ്കുവെയ്ക്കുകയാണ് മുന്‍സഹപ്രവര്‍ത്തകയും മാധ്യമപ്രവര്‍ത്തകയുമായ ശ്രീജ ശ്യാം.

ഫേസ്ബുക്ക് കുറിപ്പ്:

ഈ ഫോട്ടോ കാണുന്നത് വരെ വീണചേച്ചിയെ പറ്റി എന്തെങ്കിലും എഴുതണം എന്നോർത്തിരുന്നില്ല!

പക്ഷെ മനസ്സിന്റെ ഫ്രെയ്മിൽ എപ്പോഴുമുള്ള ഈ ദൃശ്യം കണ്ടപ്പോ എഴുതാതെ വയ്യ!

മക്കളുടെ കയ്യും പിടിച്ചുള്ള ഈ വരവ്!
അതിനും മുൻപ് മോൻ കുഞ്ഞായിരുന്നപ്പോ അന്നക്കുട്ടിയേം കൊണ്ട്..
അമ്മ വാർത്ത വായിച്ച് തീരണത് വരെ സ്റ്റുഡിയോയുടെ മൂലയിൽ ഒരു അനക്കം പോലും ഇല്ലാതെ ഇരിക്കുന്ന ആ കുഞ്ഞ്‌ ഇന്നും ഒരത്ഭുതം ആണ്!
അവളുടെ അമ്മയും അങ്ങനെയാണ്, ശാന്തമായി,എല്ലാവരോടും നിറഞ്ഞ സ്നേഹത്തോടെ, ചിരിച്ചുകൊണ്ടല്ലാതെ ആർക്കും കാണാൻ കഴിയില്ല...

"എടാ......." എന്ന ആ നീട്ടിവിളിയിൽ മുഴുവൻ സ്നേഹമായിരുന്നു!
പിന്നെ ഞങ്ങൾ എല്ലാ ഇന്ത്യാവിഷൻകാരെയും പോലെ പലവഴിക്കായി!
ചേച്ചി തീർത്തും വ്യത്യസ്തമായ വേറൊരു വഴി പോയി, അവിടെയും തിളങ്ങി!

അന്ന് വീടും കുടുംബവും കുഞ്ഞുങ്ങളും ജോലിയും ഒക്കെ നല്ല മിടുമിടുക്കി ആയി ഓടിനടന്നു മാനേജ് ചെയ്തിരുന്ന ആ സ്വീറ്റ്‌ ഹാർട്ട് വീണചേച്ചിയാണ് മറ്റന്നാൾ മന്ത്രി ആവുന്നത്! അങ്ങനെ ഒരു മന്ത്രിയെ ചേച്ചീന്നു വിളിക്കാനുള്ള ഭാഗ്യം ഞങ്ങൾക്കും കിട്ടുകയാണ് !

എം എൽ എ ആയതിനുശേഷം ഞങ്ങൾ കണ്ടിട്ടില്ല, സംസാരിച്ചിട്ടില്ല! എപ്പോഴെങ്കിലും അപ്രതീക്ഷിതമായി മുന്നിൽ വരുമെന്നാണ് പ്രതീക്ഷ, അപ്പോഴത്തെ "എടാ ....." എന്ന വിളി ഇപ്പൊ തന്നെ ചെവിയിലുണ്ട് !
ഞങ്ങളുടെ പ്രിയപ്പെട്ട ചേച്ചി, നിയുക്ത മന്ത്രി വീണ ജോർജിന് ആശംസകൾ.