ഇത്രയും പ്രതീക്ഷിച്ചില്ല... സിപിഎമ്മിന്റെ മുന്നില് നിന്നും ആക്രമിക്കുന്ന പോരാളി ഷാജിമാര് കാലുമാറുന്നു; പോരാളി ഷാജിയെ വിമര്ശിച്ച റഹീമിന് തക്ക മറുപടി; വല്ലാതെ അഹങ്കരിക്കരുത്, റഹീമിന്റെ ഗുഡ് സര്ട്ടിഫിക്കറ്റും പാര്ട്ടിയുടെ ശമ്പളവും വേണ്ട; എല്ലാ ഏമാന്മാരും സ.. സ.. സ മൂളി രണ്ട് സ്റ്റേറ്റിലെ ഇടത് പക്ഷത്തിന്റെ പതിനാറടിയന്തിരം നടത്തിയിട്ടുണ്ടല്ലോ...
എന്നും സിപിഎമ്മിന് അനുകൂലമായി നിന്ന് ശത്രുപക്ഷത്തെ ആഞ്ഞടിക്കുന്ന പോരാളി ഷാജി എന്ന സോഷ്യല് മീഡിയ ടീം കാലുമാറി.
ഡി.വൈ.എഫ്.ഐ സംസ്ഥാന പ്രസിഡന്റ് എ.എ. റഹീമിനെതിരെ രൂക്ഷവിമര്ശനവുമായി പോരാളി ഷാജി രംഗത്തെത്തി. പോരാളി ഷാജിയെ തളളിപ്പറഞ്ഞ് റഹീം രംഗത്തെത്തിയതിനു പിന്നാലെയാണ് അപ്രതീക്ഷിതമായി ഇത്തരമൊരു പ്രതികരണം ഉണ്ടായിരിക്കുന്നത്.
കെ.കെ. ശൈലജയെ മന്ത്രിസഭയില് നിന്നും ഒഴിവാക്കിയതിനെചൊല്ലി സോഷ്യല് മീഡിയയില് ഉയര്ന്ന എതിര്പ്പിനെപ്പറ്റി ഉയര്ന്ന ചോദ്യങ്ങള്ക്ക് മറുപടി നല്കവെ ആയിരുന്നു റഹിം പോരാളി ഷാജിയെ തളളിപ്പറഞ്ഞത്. നിങ്ങളീ പറഞ്ഞ പോരാളി ഷാജിയെന്ന കഥാപാത്രം അജ്ഞാതമായ കഥാപാത്രമാണ്. ഈ പാര്ട്ടിക്കോ ഡി.വൈ.എഫ്.ഐ എന്ന യുവജന സംഘടനയ്ക്കോ ഒരു ബന്ധവുമില്ലാത്ത ഏര്പ്പാടാണ്. അജ്ഞാതരായവര് ഇങ്ങനെ പലതും പറയും എന്നായിരുന്നു റഹീമിന്റെ പ്രതികരണം.
പാര്ട്ടി പണം ചിലവാക്കി നില നിര്ത്തുന്ന ഒഫിഷ്യല് പേജുകളെക്കാളും കോടികള് ചിലവിട്ട് വിവിധ ഓണ്ലൈന് പ്ലാറ്റുഫോമുകളില് നടത്തിയ പ്രചാരണങ്ങളെക്കാളും നൂറിരട്ടി ഗുണം ഈ പേജില് നിന്നും കിട്ടിയിട്ടുണ്ട്. നിങ്ങളെ പിന്തുണയ്ക്കുന്നവര് നിങ്ങളെ ഒന്ന് വിമര്ശിച്ചാല് അപ്പോഴേക്കും ക്രിമിനല് സംഘം ആവുമോ, പാര്ട്ടി ദ്രോഹികള് ആവുമോ? തനിക്ക് റഹീമിന്റെ ഗുഡ് സര്ട്ടിഫിക്കറ്റും പാര്ട്ടിയുടെ ശമ്പളവും വേണ്ടെന്നും പോരാളി ഷാജി ഫേസ്ബുക്കില് കുറിച്ചു.
റഹീമിനെ വെല്ലുവിളിച്ചതിന് പിന്നാലെ പോരാളി ഷാജിയുടെ പേജ് അപ്രത്യക്ഷമായി ; 'ഗുഡ് ബൈ സഖാക്കളെ' സ്ക്രീന് ഷോട്ട് പ്രചരിക്കുന്നു
സി.പി..എം നേതാവ് എ.എ റഹീമിനെതിരെയുള്ള വിമര്ശന പോസ്റ്റിന് പിന്നാലെ പോരാളി ഷാജിയുടെ ഫേസ്ബുക്ക് പേജ് അപ്രത്യക്ഷമായി...
പോരാളി ഷാജിയുടെ ഫേസ്ബുക്ക് പോസ്റ്റ്
വല്ലാതെ അഹങ്കരിക്കരുത് റഹീമേ...പാര്ട്ടിക്ക് വേണ്ടി എന്നും ഓശാന പാടാന് ലക്ഷങ്ങള് കൊടുത്ത് സോഷ്യല് മീഡിയയില് നിര്ത്തിയേക്കുന്നവരില് ഞാനില്ല... ഞാനെന്നല്ല ഇവിടത്തെ ലക്ഷക്കണക്കിന് സാധാരണ അനുഭാവികളുമില്ല... ഇടത് മുന്നണി ഇപ്രാവശ്യം മഹത്തായ വിജയം നേടിയിട്ടുണ്ടെങ്കില് അതിന് പിന്നില് മുഖമില്ലാത്ത,, അറിയപ്പെടാന് താത്പര്യമില്ലാത്ത,പാര്ട്ടി ആഞ്ജക്കായി കാത്ത് നില്ക്കാതെ സ്വന്തം സമയവും ജോലിയും മിനക്കെട്ട് ആശയങ്ങളും വികസന വാര്ത്തകളും പ്രചരിപ്പിക്കുന്ന,, പാര്ട്ടി പറയുന്നതിന് മുന്പേ ശത്രുക്കള്ക്ക് മുന്പില് പ്രതിരോധം തീര്ക്കുന്ന പതിനായിരക്കണക്കിന് മനുഷ്യരുടെ അധ്വാനമുണ്ട്..അവരാണ് ഈ വിജയത്തിന് പിന്നില്..അല്ലാതെ മാസ ശമ്പളം വാങ്ങി കമ്പ്യൂട്ടറില് മാസത്തില് പത്ത് കളര് പോസ്റ്റുമിട്ട് നടക്കുന്ന നിങ്ങടെ സ്വന്തം കോണാണ്ടര്മാരല്ല..
ഞാന് വെല്ലുവിളിക്കുകയാണ് റഹീമേ. പാര്ട്ടി പണം ചിലവാക്കി നില നിര്ത്തുന്ന ഓഫിഷ്യല് പേജുകളെക്കാളും കോടികള് ചിലവിട്ട് വിവിധ ഓണ്ലൈന് പ്ലാറ്റുഫോമുകളില് നടത്തിയ പ്രചാരങ്ങളെക്കാളും നൂറിരട്ടി ഗുണം ഈ പേജില് നിന്നും കിട്ടിയിട്ടുണ്ട്..വികസനവും നന്മയും പറഞ് ആയിരം ഇരട്ടി പോസ്റ്റുകള് ഈ പേജിലൂടെ മലയാളികള് ഉള്ളിടത്തെല്ലാം എത്തിയിട്ടുണ്ട്. കോടാനുകോടി ചിലവിട്ട് നിങ്ങള് നടത്തിയ ഓണ്ലൈന് ഗുസ്തികളെക്കാള് ആയിരം ഇരട്ടി പേരിലേക്ക് ഇടത് പക്ഷം ചെയ്ത കാര്യങ്ങള് എയര് ചെയ്യാന് ഈ പേജിന് കഴിഞ്ഞിട്ടുണ്ട്.. അതും നിങ്ങളില് നിന്ന് ഒരു പത്ത് പൈസ പോലും ഓശാരം വാങ്ങാതെ... Ok… റഹീമിന് അത് ഏത് അളവ് കോല് വെച്ച് വേണമെങ്കിലും പരിശോധിക്കാം..
പിന്നെ വിമര്ശനം. തെറ്റ് കണ്ടാല് വിമര്ശനം വരും റഹിമേ.. എന്റേത് ഉള്പ്പെടെ ഇവിടെയുള്ള ലക്ഷകണക്കിന് പ്രൊഫൈലുകള് അനുഭാവികളുടേതാണ്.. അവരും ഞാനും നിങ്ങളില് നിന്ന് പത്തു പൈസ പോലും കൈപ്പറ്റിയിട്ടില്ല.. ഉണ്ടോ..?? അത് കൊണ്ട് വിയോജിപ്പുകള് തീര്ച്ചയായും പറയും.. വിയോജിപ്പുകള് ഇല്ലാതെ എല്ലാ ഏമാന്മാരും 'സ.. സ.. സ' മൂളി രണ്ട് സ്റ്റേറ്റിലെ ഇടത് പക്ഷത്തിന്റെ പതിനാറടിയന്തിരം നടത്തിയിട്ടുണ്ടല്ലോ..
അത്രയും കിട്ടിയത് പോരെ..നിങ്ങളെ പിന്തുണയ്ക്കുന്നവര് നിങ്ങളെ ഒന്ന് വിമര്ശിച്ചാല് അപ്പോഴേക്കും ക്രിമിനല് സംഘം ആവുമോ.. പാര്ട്ടി ദ്രോഹികള് ആവുമോ.. എനിക്ക് റഹീമിന്റെ ഒരു ഗുഡ് സര്ട്ടിഫിക്കറ്റും വേണ്ട.. പാര്ട്ടിയുടെ ശമ്പളവും വെണ്ട.. പറയാനുള്ളത് പറയും..നന്മകള് പ്രചരിപ്പിക്കുകയും ചെയ്യും.. അപ്പൊ ശരി.
"
https://www.facebook.com/Malayalivartha
