"സഭയ്ക്ക് പുറത്ത് രാഷ്ട്രീയം പറയും" എം.ബി. രാജേഷിന്റെ പ്രസ്താവനയില് അതൃപ്തി പ്രകടിപ്പിച്ച് പ്രതിപക്ഷം
നിയമസഭയ്ക്ക് പുറത്ത് രാഷ്ട്രീയ വിഷയങ്ങളില് അഭിപ്രായം പറയുമെന്ന സ്പീക്കര് എം.ബി. രാജേഷിന്റെ നിലപാടില് അതൃപ്തി പ്രകടിപ്പിച്ച് പ്രതിപക്ഷം. സ്പീക്കര് സഭയ്ക്ക് പുറത്ത് രാഷ്ട്രീയം പറഞ്ഞാല് പ്രതിപക്ഷത്തിന് മറുപടി പറയേണ്ടിവരും.
സ്പീക്കര് സഭയ്ക്ക് അകത്തും പുറത്തും രാഷ്ട്രീയം പറയരുതെന്നാണ് കീഴ്വഴക്കം. സ്പീക്കര് സ്ഥാനത്തിരുന്നിരുന്ന കെ. രാധാകൃഷ്ണനെ മാതൃകയാക്കണമെന്നും പ്രതിപക്ഷ നേതാവ് ആവശ്യപ്പെട്ടു.
അതേസമയം സഭയ്ക്ക് പുറത്ത് രാഷ്ട്രീയം പറയുമെന്ന രാജേഷിന്റെ പ്രസ്താവന വേദനപ്പിച്ചുവെന്ന് പ്രതിപക്ഷ നേതാവ് വി.ഡി. സതീശന് പറഞ്ഞു. സഭയ്ക്ക് പുറത്ത് രാഷ്ട്രീയ വിഷയങ്ങളില് അഭിപ്രായം പറയുമെന്ന് ഒരു ചാനലിന് നല്കിയ അഭിമുഖത്തിലാണ് എം.ബി. രാജേഷ് നിലപാട് വ്യക്തമാക്കിയത്. അഭിപ്രായമില്ലാത്തയാള് എന്നല്ല സ്പീക്കര് പദത്തിന്റെ അര്ഥമെന്നും അദ്ദേഹം പറഞ്ഞു.
പരാമര്ശം ഒഴിവാക്കണമെന്നും സ്പീക്കര് സഭയ്ക്ക് പുറത്ത് രാഷ്ട്രീയം പറയുകയാണെങ്കില് സഭയില് തങ്ങള്ക്ക് മറുപടി പറയേണ്ടിവരുമെന്നും അത് വലിയ വാക്വാദങ്ങളിലേക്ക് പോകേണ്ടി വരുമെന്നും വി.ഡി സതീശന് പറഞ്ഞു. വി.എസ്. അച്യുതാനന്ദന് മന്ത്രിസഭയില് സ്പീക്കറായിരുന്ന കെ. രാധാകൃഷ്ണനെ മാതൃകയാക്കണമെന്നും അദ്ദേഹം കൂട്ടിച്ചേര്ത്തു.
സഭക്ക് പുറത്ത് താന് രാഷ്ട്രീയം പറയുമെന്നായിരുന്നു എം.ബി രാജേഷ് കഴിഞ്ഞ ദിവസങ്ങളിലെല്ലാം പറഞ്ഞിരുന്നു. ഈ പ്രസ്താവനയ്ക്കാണ് പ്രതിപക്ഷ നേതാവ് ഇന്ന് മറുപടി നല്കിയത്. അതേ സമയം നിയമസഭ സ്പീക്കറായി തെരഞ്ഞെടുത്ത എം.ബി രാജേഷിന് പ്രതിപക്ഷം ആശംസകള് നേര്ന്നു.
https://www.facebook.com/Malayalivartha