സിഎം രവീന്ദ്രനെ അടക്കം നിലനിര്ത്തി; മുഖ്യമന്ത്രിയുടെ പേഴ്സണല് സ്റ്റാഫ് അംഗങ്ങള് ഇവരാണ്; എന്. പ്രഭാവര്മ, പി എം മനോജ്, എംസി ദത്തന് തുടങ്ങിവര് തുടരും; ഡോ.കെ.എം.എബ്രഹാം ചീഫ് പ്രിന്സിപ്പല് സെക്രട്ടറി
സ്വര്ണക്കടത്ത് കേസില് വിവാദത്തില്പ്പെട്ട സി.എം രവീന്ദ്രനെ അടക്കം നിലനിര്ത്തി മുഖ്യമന്ത്രിയുടെ പുതിയ പേഴ്സണല് സ്റ്റാഫ് അംഗങ്ങളെ നിയമിച്ച് സര്ക്കാര് ഉത്തരവിറക്കി. ശാസ്ത്ര സാങ്കേതിക വിഭാഗം ഉപദേശകനായിരുന്ന എംസി ദത്തനെ സയന്സ് വിഭാഗം മെന്റര് എന്ന നിലയിലാണ് നിലനിര്ത്തിയിരിക്കുന്നത്. എന്. പ്രഭാവര്മ മുഖ്യമന്ത്രിയുടെ മീഡിയ വിഭാഗം സെക്രട്ടറിയായി. ഒന്നാം പിണറായി സര്ക്കാരില് മുഖ്യമന്ത്രിയുടെ മാധ്യമ വിഭാഗം ഉപദേഷ്ടാവായിരുന്നു ഇദ്ദേഹം.
എം സി ദത്തന് (മെന്റര്, സയന്സ്), അഡ്വ. എ.രാജശേഖരന് നായര് ( സ്പെഷ്യല് പ്രൈവറ്റ് സെക്രട്ടറി ),എ സതീഷ് കുമാര്, സാമുവല് ഫിലിപ്പ് മാത്യു(അസി. പ്രൈവറ്റ് സെക്രട്ടറിമാര്). വി എം. സുനീഷ്, അഡീഷണല് പി.എ, ജി.കെ ബാലാജി(പേഴ്സണല് അസിസ്റ്റന്റ്) എന്നിങ്ങനെയാണ് മറ്റ് നിയമനങ്ങള്. പ്രൈവറ്റ് സെക്രട്ടറി, പൊളിറ്റിക്കല് സെക്രട്ടറി നിയമനങ്ങള് നേരത്തെ നടന്നിരുന്നു.
വിഎം സുനീഷാണ് പേഴ്സണല് അസിസ്റ്റന്റ്. ജികെ ബാലാജി അഡീഷണല് പിഎയാണ്. സിപിഎം സംസ്ഥാന കമ്മിറ്റിയംഗവും മുന് രാജ്യസഭാംഗവുമായ കെകെ രാഗേഷിനെ നേരത്തെ മുഖ്യമന്ത്രിയുടെ പ്രൈവറ്റ് സെക്രട്ടറിയായി നിയമിച്ചിരുന്നു. പുത്തലത്ത് ദിനേശന് മുഖ്യമന്ത്രിയുടെ പൊളിറ്റിക്കല് സെക്രട്ടറിയായി തുടരാനും നേരത്തെ തീരുമാനിച്ചിരുന്നു.
മുന് ചീഫ് സെക്രട്ടറി ഡോ.കെ.എം.എബ്രഹാമിനെ മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറിയായി നിയമിച്ചു. നിലവില് കിഫ്ബിയുടെ സിഇഒ ആയി പ്രവര്ത്തിക്കുകയാണ് അദ്ദേഹം. 1982 ബാച്ച് ഐഎഎസ് ഉദ്യോഗസ്ഥനാണ്. കേരള സര്വകലാശാലയില്നിന്ന് സിവില് എന്ജിനീയറിങ്ങില് ബിടെകും കാണ്പൂര് ഐഐടിയില്നിന്ന് എംടെകും നേടിയശേഷം അമേരിക്കയിലെ മിഷിഗന് സര്വകലാശാലയില്നിന്ന് ഡോക്ടറേറ്റ് നേടി. 2008 മുതല് 2011വരെ സെബി അംഗമായിരുന്നു. അതേസമയം, കിഫ്ബി അഡീഷനല് സിഇഒ ആയി സത്യജിത്ത് രാജയെ നിയമിച്ചു.
https://www.facebook.com/Malayalivartha
