മനസമാധനം തകര്ക്കാതെ ഇറങ്ങിപ്പോകൂ!!...ലക്ഷദ്വീപ് അഡ്മിനിസ്ട്രേറ്റർക്കെതിരെ പ്രതിഷേധം ശക്തമാകുന്നു; പ്രഫുല് പട്ടേലിന്റെ ഫേസ് ബുക്ക് പേജിൽ മലയാളികളുടെ പൊങ്കാല
ലക്ഷദ്വീപില് അഡ്മിനിസ്ട്രേറ്റര് പ്രഫുല് പട്ടേല് നടപ്പാക്കുന്ന പുതിയ നയങ്ങള്ക്കെതിരെ കേരളത്തില് നിന്നുള്പ്പെടെ വന് പ്രതിഷേധമാണ് ഉയരുന്നത്. അകിനിടെ അഡ്മിനിസ്ട്രേറ്റര് പ്രഫുല് പട്ടേലിനെതിര രൂക്ഷ വിമര്ശനവുമായി അദ്ദേഹത്തിന്റെ ഫേസബക്ക് പേജില് പ്രതിഷേധ കമന്റുകളുമായി മലയാളികള് രംഗത്തെത്തി.പ്രഫുല്പട്ടേലിന്റെ അടുത്തിടെയുള്ള പോസ്റ്റിന് താഴെയാണ് കമന്റുകള്.
ലക്ഷദ്വീപ് നിവാസികളുടെ സ്വൈര്യജീവിതം തകര്ക്കാനുള്ള നീക്കത്തില് നിന്ന് അഡ്മിനിസ്ട്രേറ്റര് പിന്മാറണമെന്നാവശ്യപ്പെട്ടാണ് മലയാളികള് കമന്റുകളുമായി രംഗത്തെത്തിയിരിക്കുന്നത്. അഡ്മിനിസ്ട്രേറ്റര് നടപ്പിലാക്കുന്ന പുതിയ നയങ്ങള് ലക്ഷദ്വീപിന്റെ സംസ്കാരത്തെയും സാമൂഹിക ജീവിതത്തെയും തകര്ക്കുമെന്നും നടപടികളില് നിന്ന് പിന്മാറണമെന്നും കമന്റുകളില് ആവശ്യപ്പെടുന്നു. ഗോബാക്ക് പട്ടേല്, സ്റ്റാന്ഡ് വിത്ത് ലക്ഷദ്വീപ്, സേവ് ലക്ഷദ്വീപ് തുടങ്ങിയ ഹാഷ് ടാഗുകളുമായാണ് പ്രതിഷേധകമന്റുകള്.
അഡ്മിനിസ്ട്രേറ്റര് നടത്തുന്നത് തികച്ചും ജനാധിപത്യവിരുദ്ധമായ നടപടികളാണെന്നും സമാധാനപരമായി ജീവിക്കുന്ന ജനതയെ ക്രൂരമായി ദ്രോഹിക്കുകയാണെന്നും കമന്റുകളില് ആരോപിക്കുന്നു. തികച്ചും ജനാധിപത്യവിരുദ്ധവും ഒരുവിധത്തിലും ന്യായീകരിക്കാനാകാത്തതുമായ നീക്കങ്ങളില് നിന്ന് പിന്മാറണമെന്നും മനസമാധനം തകര്ക്കാതെ ഇറങ്ങിപ്പോകൂ എന്നും ഇവര് ആവശ്യപ്പെടുന്നു, പ്രഫുല് പട്ടേലിന് മലയാളം മനസിലാകില്ലെന്നതിനാല് ഗുജറാത്തി ഭാഷയിലും നിരവധി കമന്റുകള് പോസ്റ്റ് ചെയ്യപ്പെടുന്നുണ്ട്. ഇതിനിടയില് അഡ്മിനിസ്ട്രേറ്ററുടെ നടപടികളെ ന്യായീകരിച്ചുകൊണ്ടും ഒരുവിഭാഗം രംഗത്തെത്തിയിട്ടുണ്ട്.
https://www.facebook.com/Malayalivartha
