ലക്ഷദ്വീപിനടുത്ത് മയക്കുമരുന്ന് പിടിച്ച പഴയ വാര്‍ത്ത ഫേസ്ബുക്കില്‍ പങ്കുവെച്ച സന്തോഷ് പണ്ഡിറ്റിനു സൈബർലോകത്തിന്റെ വ്യാപകവിമര്‍ശനം. ലക്ഷദ്വീപില്‍ സ്നേഹവും സന്തോഷവും മാത്രമാണുള്ളതെന്നും മയക്കുമരുന്ന് വാര്‍ത്ത വ്യാജമാണെന്നുമാണ് സൈബര്‍ പടയാളികള്‍ കമെന്റിലൂടെ വ്യക്തമാക്കുന്നത്. എന്നാല്‍, ഇന്ത്യയിലെ എല്ലാ നിയമങ്ങളും ലക്ഷദ്വീപിലും ബാധകമാണെന്ന് സന്തോഷ് തിരിച്ചടിക്കുകയാണ് ചെയ്തത്. കള്ളകടത്ത് നടന്നത് ലക്ഷദ്വീപിലാണെന്ന് കരുതി ആരും അതിനെ ന്യായീകരിക്കരുതെന്നും സന്തോഷ് പണ്ഡിറ്റ് മറുപടി നൽകി.

ലക്ഷദ്വീപില്‍ കഴിഞ്ഞ മാര്‍ച്ചില്‍ മയക്കുമരുന്നും തോക്കുകളും പിടികൂടിയ വാര്‍ത്ത സന്തോഷ് പണ്ഡിറ്റ് ഫേസ്ബുക്കില്‍ പങ്കുവെച്ചിരുന്നു. ഇതിനു കീഴെ പണ്ഡിറ്റിനെ അസഭ്യം പറഞ്ഞും തെറിവിളി നടത്തിയുമാണ് മൗതമൗലികവാദികളും കമ്മ്യൂണിസ്റ്റ് അനുഭാവികളും രോക്ഷം തീര്‍ത്തത്.

ഫേസ്ബുക്ക് പോസ്റ്റ് ഇങ്ങനെ;

ലക്ഷദ്വീപിന്റെ അടുത്ത് നിരവധി AK47 തോക്കുകളും , 3000 കോടി രൂപ വിലമതിക്കുന്ന 300 KG മയക്കു മരുന്നും പിടിച്ചതിന്റെ ഒരു ചാനെല്‍ ന്യൂസ് ലിങ്ക് ഇട്ടതില്‍ വേദനിച്ചു കുറെ പേര് എന്നെ വിമര്ശിക്കുന്നുണ്ടേ? ആ തീവ്രവാദികളെ പിടിച്ചത് പണ്ഡിറ്റ് അല്ല . പിടിക്കപ്പെട്ടത് പാകിസ്ഥാന്‍ കാരായതു കൊണ്ട്, വാര്‍ത്തക്ക് ലക്ഷദ്വീപ് ബന്ധം ഉള്ളത് കൊണ്ടും രാജ്യദ്രോഹ കുറ്റങ്ങളെ ദയവു ചെയ്തു ആരും ന്യായീകരിക്കരുത് . കള്ളക്കടത്തിന് എതിര്‍ത്തില്ലേലും മിണ്ടാതെ ഇരിക്കണം .ലക്ഷദ്വീപിലും ഇന്ത്യയിലെ എല്ലാ നിയമങ്ങളും ബാധകമാണ് . ഓര്‍ക്കുക

അതോടൊപ്പം തന്നെ മാര്‍ച്ച്‌ 19 ന് ഒരു മലയാളം മാദ്ധ്യമത്തില്‍ വന്ന വാര്‍ത്തയുടെ ലിങ്കായിരുന്നു പണ്ഡിറ്റ് പങ്കുവെച്ചത്. ഓണ്‍ലൈന്‍ ലിങ്കായിരുന്നു പണ്ഡിറ്റ് പങ്കുവെച്ചത്. നിരവധി AK47 തോക്കുകളും , 3000 കോടി രൂപയുടെ മൂല്യമുള്ള 300 kg ഹെറോയിനും , ആയിര കണക്കിന് തോക്കിന്റെ തിരകളും ലക്ഷദ്വീപിന്റെ സമീപം പിടികൂടി എന്നായിരുന്നു വാര്‍ത്ത. പാക്കിസ്ഥാനില്‍ നിന്നു ലഹരിമരുന്നു പുറങ്കടലിലെത്തിച്ചു കപ്പലുകളിലേക്കു കൈമാറുന്ന ബോട്ടുകളാണു പിടികൂടിയതെന്നു സൂചനയുണ്ടെന്നും വാര്‍ത്ത റിപ്പോര്‍ട്ട് ചെയ്തിരുന്നു.