കോവിഡ്‌ എന്ന മഹാമാരി ലോകത്തെ പിടിച്ചു കുലുക്കിയിരിക്കുകയാണ്‌. അതിന്റെ സംഹാര താഢവത്തിൽ നിന്ന് പുറത്ത് കടക്കാൻ രാജ്യത്തിന് ഇതുവരേയും കഴിഞ്ഞിട്ടില്ല. എന്നാൽ ഇന്ത്യയാകട്ടെ ഏറ്റവും കൂടുതല്‍ പേരിലേക്കു രോഗം പടര്‍ന്നു പിടിക്കുന്ന രാജ്യമായി മാറിക്കഴിഞ്ഞിരിക്കുന്നു.

മഹാമാരിയെ ചെറുക്കാന്‍ ഫലപ്രദമായി ഒന്നും തന്നെ ഫലിക്കുന്നില്ലെന്ന ആക്ഷേപവും വ്യാപകമായി തന്നെ ഉയരുന്നുണ്ട്. ഇങ്ങനെയിരിക്കിലും കേരളത്തിൽ ഇപ്പോൾ രോ​ഗികളുടെ എണ്ണം കുറയുന്നത് തെല്ല് ആശ്വാസം തരുന്നതാണ്.

പക്ഷേ ഇന്ന് പുറത്ത് വന്ന റിപ്പോർട്ടുകൾ പ്രകാരം പ്രതീക്ഷ വീണ്ടും അസ്തമിക്കുന്ന കണക്കുകളാണ് സൂചിപ്പിക്കുന്നത്. റെക്കോർഡ് മരണ നിരക്കാണ് കേരളത്തിൽ ഇന്ന് രോ​ഗികളുടെ എണ്ണത്തിലും ടിആർപിയും കുറവ് വന്നപ്പോഴും സംഭവിച്ചിരിക്കുന്നത്.

ഇന്ന് കേരളത്തില്‍ 24,166 പേര്‍ക്ക് കൊവിഡ് സ്ഥിരീകരിച്ചു. 5 ജില്ലകൾ ഒഴികെ മറ്റെല്ലാ ജില്ലകളിലും 1000ത്തിനു മുകളിലാണ് കേസുകൾ റിപ്പോർട്ട് ചെയ്തിട്ടുള്ളത്.

മലപ്പുറം 4212, തിരുവനന്തപുരം 3210, എറണാകുളം 2779, പാലക്കാട് 2592, കൊല്ലം 2111, തൃശൂര്‍ 1938, ആലപ്പുഴ 1591, കോഴിക്കോട് 1521, കണ്ണൂര്‍ 1023, കോട്ടയം 919, പത്തനംതിട്ട 800, കാസര്‍ഗോഡ് 584, ഇടുക്കി 571, വയനാട് 315 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 1,35,232 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 17.87 ആണ്. യുകെ, സൗത്ത് ആഫ്രിക്ക, ബ്രസീല്‍ എന്നീ രാജ്യങ്ങളില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചില്ല.

ഏറെ ആശങ്കപ്പെടുത്തുന്നത് കഴിഞ്ഞ ദിവസങ്ങളിലുണ്ടായ 181 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 8063 ആയി.

ഇന്ന് രോഗം സ്ഥിരീകരിച്ചവരില്‍ 177 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 22,193 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 1707 പേരുടെ സമ്പര്‍ക്ക ഉറവിടം വ്യക്തമല്ല.

89 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 30,539 പേര്‍ രോഗമുക്തി നേടി. ഇതോടെ 2,41,966 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 21,98,135 പേര്‍ ഇതുവരെ കോവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 8,76,584 പേരാണ് ഇപ്പോള്‍ നിരീക്ഷണത്തിലുള്ളത്. ഇന്ന് പുതിയ ഹോട്ട് സ്‌പോട്ടില്ല. ഒരു പ്രദേശത്തേയും ഹോട്ട് സ്‌പോട്ടില്‍ നിന്നും ഒഴിവാക്കിയിട്ടില്ല. നിലവില്‍ ആകെ 880 ഹോട്ട് സ്‌പോട്ടുകളാണുള്ളത്.