വൈദ്യുത ബില് ആയിരം രൂപയില് കൂടുതലാണോ എങ്കില് ബില് അടയ്ക്കേണ്ടത് ഓണ്ലൈന് വഴി
ആയിരം രൂപയ്ക്ക് മുകളിലുള്ള വൈദ്യുതി ബില് അടയ്ക്കാന് ഓണ്ലൈന് സംവിധാനം കര്ശനമായി നടപ്പാക്കാന് വൈദ്യുതി ബോര്ഡ് യോഗം തീരുമാനിച്ചു.
ആദ്യ ഒന്നുരണ്ടുതവണ ബില് അടയ്ക്കാന് അനുവദിക്കുമെങ്കിലും തീരുമാനം നടപ്പാക്കുന്നതിന്റെ ഭാഗമായി ആയിരത്തിന് മുകളിലുള്ള തുക കാഷ് കൗണ്ടര് വഴി സ്വീകരിക്കാന് കഴിയാത്തവിധത്തില് സോഫ്റ്റ്വേറില് മാറ്റം വരുത്തും.
പുതിയ തീരുമാനത്തിലൂടെ ഗാര്ഹികോപയോക്താക്കളില് വലിയൊരു വിഭാഗം വൈദ്യുതി ഓഫീസുകളിലേക്ക് എത്തുന്നത് തടയാന് കഴിയും. കാഷ്യര്മാരെ ഇതിനനുസരിച്ച് പുനര്വിന്യസിക്കാനും ബോര്ഡ് നിര്ദേശിച്ചു. രണ്ടായിരത്തോളം വരുന്ന കാഷ്യര് തസ്തിക പകുതിയായി കുറയ്ക്കാന് ഇതുവഴി സാധിക്കും.
വൈദ്യുതിബോര്ഡിലെ വിവിധ തസ്തികയിലുള്ള അഞ്ഞൂറ്റിയെഴുപത്തിമൂന്നു പേര് ഈ മാസം വിരമിക്കുന്നുണ്ട്്. ഒഴിവുവരുന്ന തസ്തികകളിലേക്ക് കാഷ്യര്മാര്ക്ക് പ്രമോഷന് ലഭിക്കാനുള്ള സാധ്യതയും തെളിയുന്നുണ്ട്.
https://www.facebook.com/Malayalivartha
