ലോറി ഇടിച്ച് ബൈക്ക് യാത്രികരായ പിതാവിനും മകനും ഗുരുതരമായി പരിക്കേറ്റു. മരുതുംകുഴി മഠത്തുവിളാകത്ത് വീട്ടില്‍ സതീഷ് (58), മകന്‍ സഞ്ജീവ് എന്നിവര്‍ക്കാണ് പരിക്കേറ്റത്.


തൈക്കാട് ബൈപ്പാസ് ജംഗ്ഷന് സമീപം ഇന്നലെ രാവിലെ 9 ഓടെയായിരുന്നു അപകടം. തിരുവനന്തപുരത്തു നിന്ന് അരി കയറ്റി വരികയായിരുന്ന ലോറിയും ബൈക്കും തമ്മില്‍ കൂട്ടിയിടിച്ചായിരുന്നു അപകടം ഉണ്ടായത്.

ഇടിയുടെ ആഘാതത്തില്‍ റോഡിലേക്ക് തെറിച്ചുവീണ പിതാവിന്റെ കാലില്‍ ലോറി കയറിയിറങ്ങി. ഗുരുതരമായി പരിക്കേറ്റ ഇരുവരെയും വെഞ്ഞാറമൂട് ഫയര്‍ഫോഴ്‌സ് എത്തി ആംബുലന്‍സില്‍ മെഡിക്കല്‍ കോളേജ് ആശുപത്രിയില്‍ എത്തിച്ചു.

മകനെ പരീക്ഷ എഴുതാന്‍ കൊണ്ടു വരവെയാണ് സതീഷ് ഓടിച്ചിരുന്ന ബൈക്ക് അപകടത്തില്‍പ്പെട്ടത്.