ഇത് സ്വപ്നങ്ങളില് മാത്രം... കല്ലുകള് കൊണ്ട് വായുവില് മോഹന്ലാല് ചിത്രം ഉണ്ടാക്കിയയാള് സോഷ്യല് മീഡിയയില് താരമായി; അവസാനം അത് കണ്ട് മയങ്ങി സാക്ഷാല് മോഹന്ലാലും; ആരാധകനെ തേടി മോഹന്ലാലിന്റെ അഭിനന്ദന സന്ദേശം; ഇത്തരമൊരു കലാസൃഷ്ടി ഇതിനു മുമ്പ് കണ്ടിട്ടില്ലെന്ന് താരം
ആരാധകര് പലതരത്തിലുള്ള കലകളിലൂടെ തന്റെ കൂറ് പ്രഖ്യാപിക്കാറുണ്ട്. എന്നാല് ഇത് അതിലൊക്കെ വലുതായി. ഒരു കാര്ഡ്ബോര്ഡില് എന്തോ നിരത്തി വച്ച് പിടിച്ചിരിക്കുന്ന പയ്യനാണ് സോഷ്യല് മീഡിയയിലെ ഇപ്പോഴത്തെ താരം.
അത് പൊക്കി എറിയുമ്പോള് മോഹന്ലാല് തെളിഞ്ഞുവന്ന് മാഞ്ഞ് പോകുന്നു. കണ്ടവര് അതെന്തെന്ന് അറിയാന് പലവട്ടം കാണുമ്പോഴേ കാര്യം മനസിലാകൂ. അവസാനം ആ അത്ഭുത കലാകാരനെ തേടി മേഹന്ലാലുമെത്തി. കെ.പി. രോഹിത്താണ് ആ താരം.
മോഹന്ലാലിന്റെ ചിത്രം വായുവില് കല്ലുകള് കൊണ്ട് സൃഷ്ടിച്ച കെ പി രോഹിത്തിനെ തേടി മോഹന്ലാലിന്റെ അഭിനന്ദന സന്ദേശം. തൃശൂര് സ്വദേശിയായ രോഹിത്ത് കല്ലുകള് കൊണ്ട് വായുവില് സൃഷ്ടിച്ച മോഹന്ലാലിന്റെ ചിത്രം ഓണ്ലൈനില് വൈറലായിരുന്നു. കാര്ഡ്ബോര്ഡില് കല്ലുകള് നിരത്തി വച്ചിട്ട് അത് മുകളിലേക്ക് എറിയുമ്പോള് വായുവില് മോഹന്ലാലിന്റെ ചിത്രം ആയി മാറുകയാണ് ചെയ്യുന്നത്. വെറും ആറ് സെക്കന്ഡ് മാത്രം ജീവനുള്ള ഈ കല്ല് ചിത്രം സ്ലോ മോഷന് വീഡിയോ വഴി മാത്രമേ കാണുവാന് സാധിക്കുകയുള്ളു.
ആരാധക കൂട്ടായ്മ വഴി ഈ വീഡിയോ കാണാനിടയായ മോഹന്ലാല് രോഹിത്തിനെ അഭിനന്ദിച്ച് ശബ്ദ സന്ദേശം അയയ്ക്കുകയായിരുന്നു. 'രോഹിത്ത് ആ സ്റ്റോണ്സ് വച്ച് ചെയ്ത ആര്ട്ട് കണ്ടു. വളരെ നന്നായിട്ടുണ്ട്. എന്റെ അഭിനന്ദനങ്ങള് അദ്ദേഹത്തെ അറിയിക്കൂ. ആദ്യമായിട്ടാണ് ഇത്തരമൊരു കലാസൃഷ്ടി കാണുന്നത്. അതിനു വേണ്ടി സമയം ചിലവഴിച്ച് ഇത്തരമൊരു കാര്യം ചെയ്തതിന് വളരെയധികം നന്ദി. എന്റെ സ്നേഹവും പ്രാര്ത്ഥനയും അനിയനെ അറിയിക്കൂ' എന്ന് മോഹന്ലാല് ശബ്ദ സന്ദേശത്തില് പറഞ്ഞു. എന്തായാലും രോഹിത്തിന് ഇതിലും വലിയ സന്തോഷമില്ല.
അതേസമയം പ്രണവ് മോഹന്ലാലിനെ നായകനാക്കി വിനീത് ശ്രീനിവാസന് സംവിധാനം ചെയ്യുന്ന ചിത്രമാണ് 'ഹൃദയം സിനിമയിലെ കല്യാണി പ്രിയദര്ശന്റെ കാരക്ടര് പോസ്റ്റര് മോഹന്ലാല് തന്റെ സോഷ്യല് മീഡിയ പേജിലൂടെ പങ്കുവച്ചു.
ജേക്കബിന്റെ സ്വര്ഗ്ഗരാജ്യത്തിന്റെ റിലീസിന് അഞ്ച് വര്ഷത്തിനു ശേഷമാണ് വിനീത് ശ്രീനിവാസന് ഹൃദയവുമായി എത്തുന്നത്. ദര്ശഷന രാജേന്ദ്രന് ആണ് ചിത്രത്തിലെ മറ്റൊരു നായിക. മെരിലാന്ഡ് സിനിമാസിന്റെ ബാനറില് വിശാഖ് സുബ്രഹ്മണ്യമാണ് ചിത്രം നിര്മ്മിക്കുന്നത്. ഒരുകാലത്ത് മലയാള സിനിമയിലെ പ്രശസ്ത ബാനര് ആയിരുന്ന മെറിലാന്ഡിന്റെ തിരിച്ചുവരവ് ചിത്രം കൂടിയാണ് ഇത്. ഛായാഗ്രഹണം വിശ്വജിത്ത് ഒടുക്കത്തില്.
എഡിറ്റിംഗ് രഞ്ജന് എബ്രഹാം. വസ്ത്രാലങ്കാരം ദിവ്യ ജോര്ജ്. ചമയം ഹസന് വണ്ടൂര്. ചീഫ് അസോസിയേറ്റ് ഡയ്ര്രറകര് അനില് എബ്രഹാം. അസോസിയേറ്റ് ഡയറക്ടര് ആന്റണി തോമസ് മാങ്കാലി. സംഘട്ടനം മാഫിയ ശശി. കൈതപ്രം, അരുണ് ആലാട്ട്, ബുല്ലേ ഷാ, വിനീത് എന്നിവരുടേതാണ് വരികള്. മെരിലാന്ഡ് സിനിമാസ് ചിത്രം തിയേറ്ററുകളില് എത്തിക്കും.
അതേസമയം ഏറെക്കാലമായി അടച്ചിട്ടിരിക്കുന്ന സംസ്ഥാനത്തെ സിനിമാ തിയേറ്ററുകള് ഉടന് തുറക്കാന് സാദ്ധ്യതയില്ലെന്ന് സൂചന. കൊവിഡ് വ്യാപനത്തില് ഗണ്യമായ കുറവ് വരാത്തതിനാലും ടെസ്റ്റ് പോസിറ്റിവിറ്റി നിരക്ക് പത്ത് ശതമാനത്തില് താഴാത്തതുമാണ് കാരണം. ടെസ്റ്റ് പോസിറ്റിവിറ്റി നിരക്ക് പത്തിന് താഴെ വന്നാല് മാത്രമേ തിയേറ്ററുകളില് പ്രദര്ശനം പുനരാരംഭിക്കാന് സര്ക്കാര് അനുമതി നല്കൂ. കേന്ദ്രസര്ക്കാരും ഇക്കാര്യത്തില് തീരുമാനമെടുത്തിട്ടില്ല.
തല്സ്ഥിതി തുടര്ന്നാല് ഓണത്തിന് റിലീസ് നിശ്ചയിച്ചിരിക്കുന്ന ചിത്രങ്ങള് ഉള്പ്പെടെ പ്രതിസന്ധിയിലാകും. അയല് സംസ്ഥാനങ്ങളില് സിനിമാശാലകള് തുറക്കുകയും ചിത്രീകരണങ്ങള് പുനരാരംഭിക്കുകയും ചെയ്തുകഴിഞ്ഞെങ്കിലും കേരളത്തിലെ സ്ഥിതി വ്യത്യസ്തമാണ്. പല സിനിമകളും അയല് സംസ്ഥാനങ്ങളില് ചിത്രീകരിക്കാനുള്ള തയാറെടുപ്പിലാണ്.
https://www.facebook.com/Malayalivartha
