ജോസ് കെ മാണിയെ തോല്പ്പിച്ചതാര്? ജോസ് കെ മാണി തോല്ക്കാന് കാരണം സി പി ഐയും അവര് വിലയ്ക്കെടുത്ത ചില സി പി എം പ്രാദേശിക നേതാക്കളുമാണെന്ന് സിപി എം സംസ്ഥാന കമ്മിറ്റിയില് നിരീക്ഷണം
ജോസ് കെ മാണി തോല്ക്കാന് കാരണം സി പി ഐയും അവര് വിലയ്ക്കെടുത്ത ചില സി പി എം പ്രാദേശിക നേതാക്കളുമാണെന്ന് സിപി എം സംസ്ഥാന കമ്മിറ്റിയില് നിരീക്ഷണം. സി പി ഐയുടെ ഇത്തരം നിലപാടുകള് അവര്ക്ക് തന്നെ വിനയായി തീരുമെന്നും സിപിഎം സംസ്ഥാന കമ്മിറ്റിയില് അഭിപ്രായം ഉയര്ന്നു. എന്നാല് മുന്നണി മര്യാദ കരുതി സി പി സി പി എം പരസ്യമായി പഴി ചാരില്ല. എന്നാല് സി പി ഐ സംസ്ഥാന സെക്രട്ടറിയെ ഇക്കാര്യം അറിയിക്കും.
പാലാക്ക് പുറമേ കേരള കോണ്ഗ്രസ് മത്സരിച്ച മറ്റ് സീറ്റുകളിലും സി പി ഐ പാരവച്ചിട്ടുണ്ടെന്ന നിരീക്ഷണവും സി പി എമ്മിനുണ്ട്.
ജോസ് കെ മാണിയെ തോല്പ്പിക്കാന് സി പി ഐ തീരുമാനിച്ചിരുന്നു.പ്രാദേശിക നേതൃത്വത്തിന്റെ താത്പര്യമായി മാത്രം ഇതിനെ സി പി എം തള്ളികളയാന് തയ്യാറല്ല. ഒന്പതു സീറ്റില് ജയിക്കാന് സാധ്യതയുണ്ടായിരുന്ന കേരള കോണ്ഗ്രസിനെ ഇല്ലാതാക്കാന് സി പി ഐ നേരത്തെ തീരുമാനിച്ചു. പരമാവധി സീറ്റുകള് തോല്പ്പിക്കാനായിരുന്നു ശ്രമം.
ജോസ് കെ മാണി ജയിച്ചു വന്നാല് റവന്യു വകുപ്പ് വിട്ടു കൊടുക്കേണ്ടി വരുമെന്ന ഭീതിയായിരുന്നു ജോസിനെ തോല്പ്പിക്കാനുള്ള കാരണം. ജോസ് കെ മാണിയെ ഇല്ലാതാക്കിയാല് ഏതെങ്കിലും അപ്രധാന വകുപ്പു നല്കി പാര്ട്ടിയെ ഒതുക്കാമെന്ന് തീരുമാനിച്ചു. സി പി എം ഇക്കാര്യം തുടക്കത്തില് മനസിലാക്കിയിരുന്നു. അവര് ആദ്യ ഘട്ടത്തില് തന്നെ ഇടപെടുകയും കാനത്തെ വിവരം അറിയിക്കുകയും ചെയ്തു. എന്നാല് തുടര് ഭരണ പ്രതീക്ഷ സി പി ഐക്ക് ഉണ്ടായിരുന്നതിനാല് ആദ്യം മുതല് തന്നെ അവര് തന്ത്രങ്ങള് മെനഞ്ഞു. അതിന്റെ ഭാഗമാണ് ജോസിന്റെ തോല്വിയെന്ന് സി പി എം കരുതുന്നു.
ചില സി പി എം പ്രാദേശിക നേതാക്കളെ മാണി സി കാപ്പന് വിലയ്ക്കെടുത്തു എന്നും സി പി എം കരുതുന്നു. പാലായിലെ ഒരു തീയേറ്ററിന്റെ ലൈസന്സുമായി ബന്ധപ്പെട്ട് ഇലക്ഷന് തൊട്ടുമുമ്പ് പാലാ നഗരസഭയില് സിപിഎം കേരള കോണ്ഗ്രസ് കൗണ്സിലര്മാര് നടത്തിയ കൈയാങ്കളി മാണി സി കാപ്പന് സൃഷ്ടിച്ചതെന്നാണ് സിപിഎം കരുതുന്നു. ഇതില് ആരൊക്കെയാണ് പ്രതികളെന്ന് സി പി എം കണ്ടെത്തിയിട്ടുണ്ട്. അവര്ക്കെതിരെ തീര്ച്ചയായും നടപടിയുണ്ടാകും.
കല്പ്പറ്റയിലെ തോല്വിയിലും സമാനമായ നിരീക്ഷണമാണ് സി പി എമ്മിനുള്ളത്. കോട്ടയം ,വയനാട് ജില്ലകളില് സി പി എമ്മിലെ പ്രമുഖരുടെ തല ഉരുളാന് ഇതോടെ സാധ്യതയേറിയിട്ടുണ്ട് .ഒപ്പം മുന്മന്ത്രി ജി.സുധാകരനും പണി കിട്ടും. അത് അമ്പലപ്പുഴയിലെ പ്രചരണവുമായി ബന്ധപ്പെട്ട കാര്യത്തിലാണ്.
പാലായിലെയും കല്പറ്റയിലെയും പരാജയം സൂക്ഷ്മമായി പരിശോധിക്കുമെന്ന് സിപിഎം സംസ്ഥാന ആക്ടിങ് സെക്രട്ടറി എ.വിജയരാഘവന് പറഞ്ഞു. അമ്പലപ്പുഴയിലേത് വ്യക്തിപരമായ പരിശോധനയല്ലെന്നും കാര്യങ്ങള് ആകെ പരിശോധിക്കുന്നത് പാര്ട്ടി ശൈലിയാണെന്നും അദ്ദേഹം വ്യക്തമാക്കി. സിപിഎം സംസ്ഥാന സെക്രട്ടേറിയറ്റ് യോഗത്തിന് ശേഷം മാധ്യമപ്രവര്ത്തകരോട് വിജയരാഘവന് പറഞ്ഞു.
തിരഞ്ഞെടുപ്പില് 140 നിയോജക മണ്ഡലങ്ങളിലും മികച്ച തിരഞ്ഞെടുപ്പ് പ്രവര്ത്തനങ്ങള് നടത്തിയെന്നാണ് വിജയരാഘവന് പറഞ്ഞത്. സ്വാഭാവികമായും ചില പോരായ്മകള് തിരഞ്ഞെടുപ്പില് സംഭവിക്കാനിടയുണ്ട്. അത്തരം കാര്യങ്ങളെ ഗൗരവപൂര്വ്വം സമീപിക്കും. രണ്ട് ഘടകകക്ഷി നേതാക്കള് തിരഞ്ഞെടുപ്പില് പരാജയപ്പെട്ടു. പാലായില് ജോസ്. കെ.മാണിയും കല്പറ്റയില് എല്ജെഡിയുടെ സംസ്ഥാനപ്രസിഡന്റ് എം.വി ശ്രെയാംസ്കുമാറും. ജയിക്കേണ്ട മണ്ഡലങ്ങളില് സംഘടനാപരമായ പരിമിതികള് ഉണ്ടായിട്ടുണ്ട്. ഇത്തരം കാര്യങ്ങള് സൂക്ഷ്മ പരിശോധന നടത്തുന്നത് പാര്ട്ടിയെ സംബന്ധിച്ചിടത്തോളം ആവശ്യമാണ്. ആ നിലയില് പരാജയപ്പെട്ട ചില മണ്ഡലങ്ങളിലെ പോരായ്മകള് പരിശോധിക്കാന് തീരുമാനിച്ചിട്ടുണ്ടെന്നും വിജയരാഘവന് പറഞ്ഞു.
ജോസും ശ്രേയാംസും ജയിച്ചിരുന്നെങ്കില് ഇടതുമുന്നണിക്ക് 101 സീറ്റുകള് ലഭിക്കുമായിരുന്നു. സി പി ഐയുടെ പ്രവര്ത്തനം കാരണം ഇടതു മുന്നണിക്ക് നഷ്ടമായത് സുവര്ണാവസരമാണെന്നും സെക്രട്ടേറിയറ്റില് അഭിപ്രായം ഉയര്ന്നതായാണ് വിവരം.
"
https://www.facebook.com/Malayalivartha
