ട്രെയിന്‍ തട്ടിമരിച്ച നിലയില്‍ കണ്ടെത്തിയ പെണ്‍കുട്ടികളുടെ മരണത്തിലെ അന്വേഷണം പ്രതിസന്ധിയിലാക്കി പോസ്റ്റ്‌മോര്‍ട്ടം റിപ്പോര്‍ട്ട് ഡോക്ടര്‍ നല്‍കാന്‍ വിസമ്മതിക്കുന്നതായി സൂചന. തൃശൂര്‍ ജില്ലാ കലക്ടര്‍ എംഎസ് ജയ നേരിട്ട് പോസ്റ്റ്മാര്‍ട്ടത്തിനുള്ള ഉത്തരവ് രേഖ നല്‍ക്കാത്തതാണ് പോലീസ് സര്‍ജന്‍ റിപ്പോര്‍ട്ട് കൈമാറന്‍ വൈകുന്നത്. മരിച്ച രണ്ട് കുട്ടികളില്‍ ഒരാളുടെ പോസ്റ്റ് മോര്‍ട്ടം നടന്നത് രാത്രിയാണ്. വൈകുന്നേരം നാല് മണിക്ക് ശേഷം പോസ്റ്റ് മോര്‍ട്ടം നടത്താന്‍ പാടില്ലെന്നാണ് ചട്ടം. എന്നാല്‍ ജില്ലാ ഭരണകൂടത്തിന്റെ പ്രത്യേക നിര്‍ദ്ദേശമുണ്ടെങ്കില്‍ ചെയ്യുകയും ചെയ്യാം. തൃശൂരില്‍ പെണ്‍കുട്ടികളുടെ മൃതദേഹം രാത്രി പോസ്റ്റ് മോര്‍ട്ടം ചെയ്തത് കലക്ടറുടെ നിര്‍ദ്ദേശ പ്രകാരമാണ്. എന്നാല്‍ കലക്ടര്‍ ഫോണിലൂടെയാണ് ഡോക്ടറോട് ഇക്കാര്യം പറഞ്ഞത്. രേഖാമൂലം എഴുതി നല്‍കിയില്ലെന്നാണ് ഫോറന്‍സിക് സര്‍ജിന്റെ പരാതി. ഇതുമൂലം പോസ്റ്റ്‌മോര്‍ട്ടത്തിന്റെ പ്രാഥമിക റിപ്പോര്‍ട്ട് പോലും നല്‍കിയില്ല. ഫൊറന്‍സിക് സര്‍ജന്‍ കഴിഞ്ഞ മൂന്നു ദിവസമായി അവധിയിലുമാണ്. റിപ്പോര്‍ട്ടിന്റെ പ്രാഥമിക വിവരങ്ങളും സര്‍ജന്‍ നല്‍കിയിട്ടില്ല. പെണ്‍കുട്ടികളുടെ മൃതദേഹം അഞ്ചുമണിക്ക് ശേഷം പോസ്റ്റ്‌മോര്‍ട്ടം നടത്തിയതിലെ അതൃപ്തിയാണ് ഇതിന് കാരണം. രേഖാമൂലം നിര്‍ദ്ദേശം നല്‍കാതെ റിപ്പോര്‍ട്ട് നല്‍കാന്‍ സാധിക്കില്ലെന്ന് സര്‍ജന്‍ അറിയിച്ചതായാണ് സൂചന. ഇതോടെ പൊലീസ് അന്വേഷണം തടസപ്പെട്ടു. തൃശൂര്‍ ജില്ലാ കളക്ടര്‍ ഇപ്പോള്‍ സ്ഥലത്തില്ല. അവര്‍ തിരിച്ചെത്തിയാല്‍ ഉടന്‍ രേഖാമൂലം നിര്‍ദ്ദേശം നല്‍കും. അതിനിടെ ഇത്തരമൊരു കീഴ് വഴക്കമില്ലെന്ന് കലക്ടര്‍ എംഎസ് ജയ പ്രതികരിച്ചു. നിര്‍ദ്ദേശം രേഖാമൂലം വേണമെന്ന് അന്ന് തന്നെ പറഞ്ഞിരുന്നുവെങ്കില്‍ ഈ ആശയക്കുഴപ്പം ഒഴിവാക്കാമായിരുന്നുവെന്നും കളക്ടര്‍ പ്രതികരിച്ചു.
എന്നാല്‍ കഴിഞ്ഞ ദിവസം മരിച്ച പെണ്‍കുട്ടികളുടെ വീട്ടിലെത്തിയ എഡിജിപി സന്ധ്യയോട് പെണ്‍കുട്ടികളുടെ വീട്ടുകാര്‍ അന്വേഷണത്തില്‍ ദുരൂദതയുണ്ടെന്ന് പരാതിപ്പെട്ടിരുന്നു. പെണ്‍കുട്ടികളെ കാണാതായതു മുതല്‍ പോലീസ് വളരെ നിഷ്‌ക്രിയമായാണ് പ്രവര്‍ത്തിക്കുന്നതെന്നാണ് മാതാപിതാക്കളുട പരാതി. കുറച്ചുകൂടെ ഊര്‍ജ്ജിതമായി അന്വേഷിച്ചരുന്നെങ്കില്‍ തങ്ങളുടെ മക്കള്‍ ഇപ്പോള്‍ ജീവനോടെ ഉണ്ട
ാകുമായിരുന്നുവെന്നും പെണ്‍കുട്ടികളുടെ രക്ഷിതാക്കള്‍ എഡിജിപിയോട് പരാതി പറഞ്ഞു.
പരുക്കേറ്റ് തൃശൂര്‍ മെഡിക്കല്‍ കോളജില്‍ ചികില്‍സയില്‍ കഴിയുന്ന ആര്യയുടെ മുഴുവന്‍ ചെലവും സര്‍ക്കാര്‍ വഹിക്കുമെന്ന് മന്ത്രി അടൂര്‍ പ്രകാശ് അറിയിച്ചു. പോസ്റ്റ്‌മോര്‍ട്ടം റിപ്പോര്‍ട്ട് ഉടന്‍ ലഭ്യമാക്കാന്‍ ആവശ്യമായ നടപടി സ്വീകരിക്കുമെന്നും അദ്ദേഹം പറഞ്ഞു. ആശുപത്രിയില്‍ കഴിയുന്ന ആര്യയുടെ നില മെച്ചപ്പെട്ടതായി അധികൃതര്‍ അറിയിച്ചു. എഡിജിപി സന്ധ്യ തന്നെ നേരിട്ടെത്തി ആര്യയുടെ മൊഴിയെടുക്കമെന്നാണ് സൂചന. പോസ്റ്റ് മോര്‍ട്ടം റിപ്പോര്‍ട്ട് വൈകുന്ന സാഹചര്യത്തെ കുറിച്ചും അന്വേഷിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha