നടിമാരുടെ വസ്ത്രധാരണത്തിനെതിരെ ആഞ്ഞടിച്ച് മുന്‍ മന്ത്രി ജി. സുധാകരന്‍. ധരിക്കുന്ന വസ്ത്രത്തിന്റെ അളവ് കുറഞ്ഞാലേ ശ്രദ്ധേയരാകൂ എന്ന ധാരണയാണ് മലയാള സിനിമയിലെ പലനായികമാര്‍ക്കുള്ളതെന്ന് അദ്ദേഹം പറഞ്ഞു.
നടിമാര്‍ അഭിനയത്തിന്റെ മഹത്വം മറക്കുന്നെന്നും പലരുടെയും ശ്രമം ഗ്ലാമറസായി ശ്രദ്ധ നേടാനാണെന്നും സുധാകരന്‍ കുറ്റപ്പെടുത്തി. വസ്ത്രധാരണത്തിന്റെ പരിഷ്‌കാരങ്ങള്‍ നമ്മുടെ സംസ്‌കാരത്തെയും ബാധിച്ചെന്നും അദ്ദേഹം പ്രതികരിച്ചു.
പണ്ടൊക്കെ നടിമാര്‍ക്ക് പ്രശസ്തരാകണമെങ്കില്‍ അഭിനയിക്കണമായിരുന്നു. എന്നാല്‍ ഇന്ന് വസ്ത്രത്തിന്റെ നീളം കുറച്ചാ മതി. അതിന്, വൈറല്‍ എന്ന് പുതിയൊരു പേരും കണ്ടു പിടിച്ചിട്ടുണ്ട്. ഇന്നത്തെ നടിമാര്‍ അഭിനയത്തിന്റെ മഹത്വം മറക്കുകയാണെന്നും ഗ്ലാമറസ്സായി ശ്രദ്ധ നേടാന്‍ മാത്രമാണ് ഇവര്‍ ശ്രമിക്കുന്നതെന്നും ജി. സുധാകരന്‍ കുറ്റപ്പെടുത്തി. വസ്ത്രധാരണത്തില്‍ വന്ന പരിഷ്‌ക്കാരങ്ങള്‍ നമ്മുടെ സംസ്‌ക്കാരത്തെ ബാധിച്ചുവെന്നും അദ്ദേഹം പരിതപിച്ചു. വൈകുന്നേരങ്ങളില്‍ നടിമാര്‍ ചാനല്‍ അവതാരകരുമായി കൊഞ്ചി കുഴയുകയാണെന്നും സുധാകരന്‍ കുറ്റപ്പെടുത്തുന്നു.
സായിപ്പിന്റെ ഭാഷയില്‍ എഴുതിയാലേ മഹത്തായ സാഹിത്യസൃഷ്ടി ഉണ്ടാവുകയുള്ളൂ എന്ന ധാരണ ഇപ്പോഴുണ്ടെന്നും ജി സുധാകരന്‍ പറഞ്ഞു. കേരള കൗമുദിയിലെ മാദ്ധ്യമ പ്രവര്‍ത്തകനായ മഞ്ചു വെള്ളായണിയുടെ പുതിയ പുസ്തകമായ മാനസകൈലാസത്തിന്റെ പ്രദര്‍ശന ചടങ്ങിലായിരുന്നു സുധാകരന്‍ സിനിമാ നടിമാരുടെ വസ്ത്രധാരണത്തിനെതിരെ ആഞ്ഞടിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha