പൊലീസ് ജാഗ്രത പാലിച്ചിരുന്നുവെങ്കില്‍ കോന്നിയിലെ പെണ്‍കുട്ടികളുടെ മരണം ഒഴിവാക്കാമായിരുന്നുവെന്ന് പ്രതിപക്ഷ നേതാവ് വി.എസ്.അച്യുതാനന്ദന്‍ പറഞ്ഞു. ഉയര്‍ന്ന ഉദ്യോഗസ്ഥരടക്കം ജാഗ്രത കാണിക്കേണ്ടതായിരുന്നുവെന്നും അദ്ദേഹം പറഞ്ഞു.
കാണാതായ പെണ്‍കുട്ടികളെ കണ്ടെത്തുന്നതില്‍ പൊലീസിന് വീഴ്ച പറ്റിയെന്നും വി.എസ് പറഞ്ഞു. മരിച്ച ആതിര, രാജി എന്നീ പെണ്‍കുട്ടികളുടെ മാതാപിതാക്കളെ സന്ദര്‍ശിച്ച ശേഷം മാദ്ധ്യമങ്ങളോട് സംസാരിക്കുകയായിരുന്നു വി.എസ്.