അവസാനം സമ്മതിച്ചു; കേസ് ആദ്യം അന്വേഷിച്ച പോലീസ് സംഘത്തിനു വീഴ്ച പറ്റിയതായി പുതിയ അന്വേഷണ മേധാവി ഉമ ബഹറ; കോന്നി സിഐയ്ക്കെതിരെ നടപടിക്ക് സാധ്യത
കോന്നി പെണ്കുട്ടികളുടെ കേസ് ആദ്യം അന്വേഷിച്ച പോലീസ് സംഘത്തിനു വീഴ്ച പറ്റിയതായി നിലവിലെ അന്വേഷണ മേധാവി എംഎസ്പി കമന്ഡാന്റ് ഉമ ബഹറ ഐപിഎസ്. സംഭവത്തില് കുറ്റക്കാരായ പോലീസ് ഉദ്യോഗസ്ഥര്ക്കെതിരേ നടപടി സ്വീകരിക്കും. പെണ്കുട്ടികളില് ഒരാള് മാവേലിക്കരയില്നിന്നും വീട്ടിലേക്കു ഫോണ് വിളിച്ച സമയത്ത് അവരെ കണ്ടെത്തുന്നതിന് ആവശ്യമായ ഒന്നുംതന്നെ ചെയ്തിരുന്നില്ല. റെയില്വേ പോലീസ് ഉദ്യോഗസ്ഥരുമായി ബന്ധപ്പെടാന് കോന്നി പോലീസ് ശ്രമിച്ചില്ല.
വീഴ്ചവരുത്തിയതിന് കോന്നി സിഐയ്ക്കെതിരെ നടപടിയുണ്ടാകുമെന്നാണ് സൂചന. പെണ്കുട്ടികള് മാവേലിക്കരയില് ഉണ്ടായിട്ടും റയില്വേ പൊലീസിനെ അറിയിക്കാന് വൈകി. ഇതുമായി ബന്ധപ്പെട്ട് റയില്വേ അധികൃതരില് നിന്ന് എസ്പി വിവരം ശേഖരിച്ചു.
പെണ്കുട്ടികളുടെ മരണവുമായി ബന്ധപ്പെട്ട് പുതിയ അന്വേഷണ മേധാവി ഉമാ ബെഹ്റയും സംഘവും കോന്നിയിലെത്തിയിരുന്നു. തൃശൂര് മെഡിക്കല് കോളജില് ചികില്സയിലുള്ള ആര്യ കെ. സുരേഷിന്റെ വീട്ടിലെത്തി കുടുംബാംഗങ്ങളുമായി കൂടിക്കാഴ്ച നടത്തി. ആര്യയില് നിന്ന് മൊഴിയെടുത്ത ശേഷം കോന്നിയിലെത്താനായിരുന്നു അന്വേഷണ സംഘത്തിന്റെ ആദ്യ തീരുമാനം. എന്നാല് പെണ്കുട്ടിയുടെ ആരോഗ്യനില വഷളായതിനെത്തുടര്ന്ന് തീരുമാനം മാറ്റുകയായിരുന്നു. ഉമാ ബെഹ്റ പത്തനംതിട്ട റെസ്റ്റ്ഹൗസില് ജില്ലാപൊലീസ് മേധാവിയുമായി ചര്ച്ച നടത്തി.
പെണ്കുട്ടികള് ഉപയോഗിച്ചിരുന്ന ടാബ്ലറ്റ് പൊലീസ് ബെംഗളൂരുവില് നിന്ന് കണ്ടെടുത്തിരുന്നു. ചാമ്രാജ് പേട്ടയിലെ ഒരു മൊബൈല് കടയില് പെണ്കുട്ടികള് ടാബ്ലറ്റ് വിറ്റതായാണ് പൊലീസ് കണ്ടെത്തിയത്. കടയുടമ പെണ്കുട്ടികളുടെ ഫോട്ടോ തിരിച്ചറിഞ്ഞിട്ടുണ്ട്. കോന്നി സിഐയുടെ നേതൃത്വത്തിലുള്ള സംഘം രണ്ടുദിവസം കൂടി ബെംഗളൂരുവില് താമസിച്ച് വിവരങ്ങള് ശേഖരിക്കും.
ട്രെയിനില് നിന്നു വീണ് പരുക്കേറ്റ് തൃശൂര് മെഡിക്കല് കോളജ് ആശുപത്രിയില് ചികില്സയില് കഴിയുന്ന കോന്നി സ്വദേശിനി ആര്യ സുരേഷിന്റെ ആരോഗ്യനില ഗുരുതരമായി തുടരുന്നു. പെണ്കുട്ടിക്ക് വിദഗ്ധ ചികില്സ നല്കുന്നതിനായി പ്രത്യേക മെഡിക്കല് ബോര്ഡ് രൂപീകരിച്ചു. അതേസമയം ശ്വാസകോശത്തിലേറ്റ അണുബാധയ്ക്ക് കുറവുണ്ടായിട്ടില്ല. വെന്റിലേറ്ററിന്റെ സഹായത്തിലാണ് ജീവന് നിലനിര്ത്തുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha