സംസ്ഥാനത്ത് ഭക്ഷ്യ വകുപ്പിന്റെ സ്‌പെഷ്യല്‍ ഓണക്കിറ്റ് വിതരണം ആരംഭിക്കുന്നു. ജൂലൈ 31 മുതല്‍ വിതരണം ആരംഭിക്കുമെന്ന് ഭക്ഷ്യ പൊതുവിതരണ വകുപ്പ് അറിയിച്ചു. അടുത്തമാസം 16നകം കിറ്റ് വിതരണം പൂര്‍ത്തിയാക്കും.

റേഷന്‍ കടകള്‍ വഴി എ.എ.വൈ വിഭാഗത്തിന് ജൂലൈ 31, ഓഗസ്റ്റ് 2, 3 തീയതികളില്‍ കിറ്റുകള്‍ വിതരണം ചെയ്യും.

പി.എച്ച്.എച്ച് വിഭാഗത്തിന് ഓഗസ്റ്റ് 4 മുതല്‍ 7 വരെയും എന്‍.പി.എസ് വിഭാഗത്തിന് ഓഗസ്റ്റ് 9 മുതല്‍ 12 വരെയും എന്‍.പി.എന്‍.എസ് വിഭാഗത്തിന് ഓഗസ്റ്റ് 13 മുതല്‍ 16 വരെയും കിറ്റുകള്‍ വിതരണം ചെയ്യും.


ജൂണ്‍ മാസത്തിലെ സൗജന്യ ഭക്ഷ്യക്കിറ്റ് വിതരണം ജൂലൈ 28ന് അവസാനിക്കും. സ്‌പെഷ്യല്‍ കിറ്റില്‍ ഉള്‍പ്പെടുത്തിയിട്ടുള്ള പതിനഞ്ചിനം ഉത്പ്പന്നങ്ങളുടെ ഗുണനിലവാരം ഉറപ്പുവരുത്താന്‍ നടപടി സ്വീകരിച്ചിട്ടുണ്ട്.