വീട്ടിലെ അടപ്പില്ലാത്ത അലമാരയില് അവശനിലയില് കണ്ട വീട്ടമ്മ ആശുപത്രിയില് മരിച്ചു..... തിരുവനന്തപുരം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തില് ചികിത്സയിലായിരുന്നു
വീട്ടിലെ അടപ്പില്ലാത്ത അലമാരയില് അവശനിലയില് കണ്ട വീട്ടമ്മ ആശുപത്രിയില് മരിച്ചു. നീരാവില് ലിയോണ് അഞ്ചെലിന ഡെയിലില് ബിയാട്രീസ് ഡോളി(58)യാണ് മരിച്ചത്. തിരുവനന്തപുരം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തില് ചികിത്സയിലായിരുന്നു.
കഴിഞ്ഞ ചൊവ്വാഴ്ചയാണ് നീരാവില് ജങ്ഷനുസമീപമുള്ള വീട്ടില് ഇവര് അവശനിലയില് കഴിയുന്നവിവരം പാലിയേറ്റീവ് നഴ്സ് മാര്ഗ്രരറ്റ് അഞ്ചാലുംമൂട് ജനമൈത്രി പോലീസില് അറിയിച്ചത്.
പോലീസ് ബീറ്റ് ഓഫീസര്മാരായ എസ്.ലാലു, എം.എസ്.പ്രദീപ് എന്നിവര് വീട്ടിലെത്തിയപ്പോള് അടപ്പില്ലാത്ത അലമാരയുടെ തട്ടില് അവശനിലയില് വീട്ടമ്മയെ കണ്ടെത്തി. കണ്ണ് പഴുത്ത് പുറത്തേക്കു തള്ളിയനിലയിലായിരുന്നു.
സാമൂഹിക പ്രവര്ത്തകനായ ഗണേശന്റെ സഹായത്തോടെ വീട്ടമ്മയെ ആംബുലന്സില് തിരുവനന്തപുരം മെഡിക്കല്കോളേജ് ആശുപത്രിയിലെത്തിച്ചു.
മൃതദേഹം ഏറ്റുവാങ്ങാനായി ഗണേശന് മെഡിക്കല്കോളേജ് ആശുപത്രിയിലെത്തിയെങ്കിലും ഡോക്ടറുടെ റിപ്പോര്ട്ടിനെ തുടര്ന്ന് മൃതദേഹപരിശോധനയ്ക്കായി ആശുപത്രിയിലെ മോര്ച്ചറിയിലേക്കു മാറ്റി. വീട്ടമ്മയ്ക്ക് കോവിഡ് സ്ഥിരീകരിച്ചിട്ടുണ്ട്.
ഇവരുടെ ഭര്ത്താവ് മണിലാല് ജോസ് മറ്റൊരു വീട്ടിലാണ് താമസം. രണ്ട് പെണ്മക്കള് കൂടെയുണ്ടെങ്കിലും പരിചരണം നല്കാന് കഴിയാത്തനിലയിലായിരുന്നു അവര്. പോലീസ് അറിയിച്ചതിനെ തുടര്ന്ന് ഭര്ത്താവ് ഇന്നലെ നീരാവിലെ വീട്ടിലെത്തി. ഞായറാഴ്ച ബന്ധപ്പെട്ടവരുടെ മൊഴിയെടുക്കുമെന്ന് അഞ്ചാലുംമൂട് സ്റ്റേഷന് ഹൗസ് ഓഫീസര് പറഞ്ഞു.
https://www.facebook.com/Malayalivartha
