നിര്‍മാണം നടന്നുകൊണ്ടിരിക്കുന്ന കെട്ടിടത്തില്‍നിന്ന് വയറിങ് ജോലിക്കിടെ വടംവലി താരം കൂടിയായ തൊഴിലാളി വീണു... ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.... വേദനയോടെ ഉറ്റവരും ബന്ധുക്കളും നാട്ടുകാരും.

ആറാട്ടുകടവ് വെടിത്തറക്കാലിലെ കുമാരന്‍ പുഷ്പ ദമ്പതികളുടെ മകന്‍ സഞ്ജിത്താണ് (31) മരിച്ചത്. ഉടനെ ഉദുമയിലെ സ്വകാര്യ ആശുപത്രിയില്‍ എത്തിച്ചു.നില ഗുരുതരമായതിനാല്‍ മംഗലാപുരം യൂനിറ്റി ആശുപത്രിയിലേക്കു മാറ്റിയെങ്കിലും രക്ഷിക്കാനായില്ല.

ടൗണ്‍ ടീം ഉദുമയുടെ വടംവലി താരമാണ്. ജില്ലയില്‍ നടന്ന നിരവധി മത്സരങ്ങളില്‍ കരുത്തു തെളിയിച്ചിട്ടുണ്ട്. കഴിഞ്ഞ ഫെബ്രുവരിയില്‍ കോട്ടയത്ത് നടന്ന സംസ്ഥാന വടംവലി ചാമ്ബ്യന്‍ഷിപ്പില്‍ ജില്ലക്കുവേണ്ടി മത്സരിച്ച് മെഡല്‍ നേടി. ഭാര്യ: സുമിത. സഹോദരങ്ങള്‍: ശ്രീജിത്ത്, സുജിത്ത്, ശരത്ത്.