കേരളത്തിലെ കോവിഡ് വ്യാപന വര്ദ്ധനവ്.... സംസ്ഥാന സര്ക്കാരിനെ സഹായിക്കാന് ആറംഗ വിദഗ്ദ്ധ സംഘത്തെ നിയോഗിച്ച് കേന്ദ്രം
കേരളത്തിലെ കോവിഡ് വ്യാപന വര്ദ്ധനവ്.... സംസ്ഥാന സര്ക്കാരിനെ സഹായിക്കാന് ആറംഗ വിദഗ്ദ്ധ സംഘത്തെ നിയോഗിച്ച് കേന്ദ്രം. നാഷണല് സെന്റര് ഫോര് ഡിസീസ് കണ്ട്രോളിന്റെ(എന്.സി.ഡി.സി.) ഡയറക്ടര് ഡോ. എസ്.കെ.സിങ്ങിന്റെ നേതൃത്വത്തിലുള്ള സംഘം വെള്ളിയാഴ്ച കേരളത്തിലെത്തും.
രോഗവ്യാപനം കൂടുതലുള്ള ജില്ലകള് ഇവര് സന്ദര്ശിക്കും. സംസ്ഥാനസര്ക്കാരിന്റെ ആരോഗ്യവിദഗ്ധരുമായി സഹകരിച്ചായിരിക്കും പ്രവര്ത്തനം.സംസ്ഥാനത്തെ ആറുജില്ലകളില് പ്രതിവാര രോഗസ്ഥിരീകരണനിരക്ക് (ടി.പി.ആര്.) 10 ശതമാനത്തിന് മുകളിലുണ്ട്.
സംസ്ഥാനത്തെ ശരാശരി പ്രതിവാര ടി.പി.ആര്. 11.97 ശതമാനമാണ്. 1.54 ലക്ഷം പേരാണ് ചികിത്സയിലുള്ളത്. രാജ്യത്തെ ആകെ രോഗികളുടെ 37.1 ശതമാനമാണ് ഇത്. ആഴ്ചയില് ശരാശരി 17,443 പേര്ക്ക് പുതുതായി കോവിഡ് സ്ഥിരീകരിക്കുന്നു.
കേരളത്തിലെ കോവിഡ് വ്യാപനം ആശങ്കയുളവാക്കുന്നതാണെന്ന് ആരോഗ്യമന്ത്രാലയം കഴിഞ്ഞദിവസം ചൂണ്ടിക്കാട്ടിയിരുന്നു. കര്ശനനിയന്ത്രണങ്ങള് പാലിക്കണമെന്നാവശ്യപ്പെട്ട് കേന്ദ്രം സംസ്ഥാനത്തിന് കത്തയച്ചിട്ടുണ്ട്. അതിനുതുടര്ച്ചയായിട്ടാണ് വീണ്ടും വിദഗ്ധസംഘത്തെ നിയോഗിക്കുന്നത്.
https://www.facebook.com/Malayalivartha