സംസ്ഥാന സര്ക്കാരിന്റെ ഓണക്കിറ്റ് വിതരണം നാളെ മുതല്... ഓഗസ്റ്റ് 16 വരെയാണു കിറ്റ് വിതരണം... അടുത്ത മാസം പത്തിന് ജില്ലാ കേന്ദ്രങ്ങളില് ഓണച്ചന്തകള് തുടങ്ങും
സംസ്ഥാന സര്ക്കാരിന്റെ ഓണക്കിറ്റ് വിതരണം നാളെ മുതല്. തിരുവനന്തപുരം ഇടപ്പഴഞ്ഞി ജങ്ഷനിലെ റേഷന് കടയില് രാവിലെ 8.30ന് ഭക്ഷ്യസിവില് സപ്ലൈസ് മന്ത്രി ജി.ആര്. അനില് വിതരണോദ്ഘാടനം നിര്വഹിക്കും.
ഓഗസ്റ്റ് 16 വരെയാണു കിറ്റ് വിതരണം. 15 ഭക്ഷ്യവസ്തുക്കളും തുണിസഞ്ചിയും അടങ്ങുന്നതാണ് ഈ വര്ഷത്തെ ഓണക്കിറ്റ്. റേഷന് കാര്ഡുകളുടെ മുന്ഗണനാ ക്രമത്തിലാണ് വിതരണം ചെയ്യുക. കിറ്റിലെ ഭക്ഷ്യ വസ്തുക്കളുടെ ഗുണമേന്മ ഉറപ്പാക്കിയിട്ടുണ്ടെന്നും മന്ത്രി അറിയിച്ചു.
പഴയ സ്റ്റോക്കിലുള്ള സാധനങ്ങള് കിറ്റില് ഉള്പ്പെടുത്തരുതെന്ന് മന്ത്രി നിര്ദേശം നല്കിയിട്ടുണ്ട്. ഒരു റേഷന് കാര്ഡ് ഉടമയ്ക്ക് 570 രൂപയുടെ കിറ്റാകും ലഭിക്കുക. പായസത്തിന് ആവശ്യമായ സേമിയ അല്ലെങ്കില് പാലട, ഏലയ്ക്ക, നെയ്യ് എന്നിവയ്ക്ക് പുറമെ ഒരു കിലോ പഞ്ചസാരയും അര ലിറ്റര് വെളിച്ചെണ്ണയും ഒരു കിലോ ആട്ടയും കിറ്റിലുണ്ടാകും.
ഓണത്തിന് മുന്ഗണനാ വിഭാഗക്കാര്ക്ക് ഒരു ലിറ്ററും മറ്റ് വിഭാഗങ്ങള്ക്ക് അര ലിറ്റര് മണ്ണെണ്ണയും നല്കും. അടുത്ത മാസം പത്തിന് ജില്ലാ കേന്ദ്രങ്ങളില് ഓണച്ചന്തകള് തുടങ്ങും.
https://www.facebook.com/Malayalivartha