ചായക്കടയുടമ കടയ്ക്കുള്ളില് ആത്മഹത്യ ചെയ്തു; കൊവിഡ് കാരണം കൃഷ്ണന് കടുത്ത സാമ്പത്തിക പ്രതിസന്ധിയിലായിരുന്നെന്ന് നാട്ടുകാര്
വടകരയില് ചായക്കടയുടമയെ കടയ്ക്കുള്ളില് ആത്മഹത്യ ചെയ്ത നിലയില് കണ്ടെത്തിയതായി റിപ്പോർട്ട്. മേപ്പയില് സ്വദേശി കൃഷ്ണനെ(70)യാണ് തൂങ്ങിമരിച്ച നിലയില് കണ്ടെത്തിയിരിക്കുന്നത്. കൊവിഡ് കാരണം കൃഷ്ണന് കടുത്ത സാമ്പത്തിക പ്രതിസന്ധിയിലായിരുന്നെന്ന് നാട്ടുകാര് വ്യക്തമാക്കി.
മേപ്പയില് വര്ഷങ്ങളായി ചായക്കട നടത്തുകയായിരുന്നു ഇദ്ദേഹം. വെള്ളിയാഴ്ച ഉച്ചവരെ കടയിലുണ്ടായിരുന്ന കൃഷ്ണനെ കാണാത്തതിനെ തുടര്ന്ന് ബന്ധുക്കള് തെരച്ചില് നടത്തിയിരുന്നു. തുടര്ന്ന് കടയ്ക്കുള്ളില് തൂങ്ങിമരിച്ച നിലയില് കണ്ടെത്തുകയാണ് ഉണ്ടയത്.
അതേസമയം കൊവിഡ് നിയന്ത്രണങ്ങള് കടുപ്പിച്ചതോടെ താന് കടുത്ത സാമ്പത്തിക പ്രതിസന്ധിയിലാണെന്നും ആത്മഹത്യയെകുറിച്ചുപോലും ആലോചിക്കുന്നുണ്ടെന്നും കൃഷ്ണന് പറഞ്ഞിരുന്നതായി നാട്ടുകാര് വ്യക്തമാക്കി. പോസ്റ്റ്മോര്ട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് നല്കുകയുണ്ടായി. സംഭവത്തില് കേസെടുത്ത് വടകര പോലീസ് അന്വേഷണമാരംഭിച്ചു.
https://www.facebook.com/Malayalivartha
