വിവാഹിതനാണെന്ന കാര്യം മറച്ചു വെച്ച് യുവതിയെ വിവാഹ വാഗ്ദാനം നല്കി പീഡിപ്പിച്ചു ഗര്ഭിണിയാക്കി; കേസിൽ യുവാവ് അറസ്റ്റിൽ
കണ്ണൂരിൽ വിവാഹിതനാണെന്ന കാര്യം മറച്ചു വെച്ച് യുവതിയെ വിവാഹ വാഗ്ദാനം നല്കി പീഡിപ്പിച്ചു ഗര്ഭിണിയാക്കിയ കേസിലെ പ്രതിയെ പൊലീസ് അറസ്റ്റ് ചെയ്തു. പാപ്പിനിശ്ശേരി അരോളി ഗവണ്മെന്റ് ഹൈസ്കൂളിന് സമീപത്തെ വിഷ്ണു ശങ്കര് ആണ് പിടിയിലായത്. വളപട്ടണം പൊലീസ് സ്റ്റേഷന് പരിധിയില് താമസിക്കുന്ന യുവതിയെ വിവാഹിതനാണെന്ന കാര്യം മറച്ചു വെച്ച് നിരവധി തവണ പറശ്ശിനിക്കടവിലെ ലോഡ്ജില് കൊണ്ടുപോയി പീഡിപ്പിച്ചു ഗര്ഭിണിയാക്കിയെന്നതാണ് പരാതി.
കേസില് വളപട്ടണം എസ് എച് ഒ രാജേഷ് മാരാംഗലത്തിന്റെ നേതൃത്വത്തില് അന്വേഷണം നടക്കുന്നതിനിടെ ഒളിവില് പോയ പ്രതി ചെന്നൈ, ബോംബൈ, ഡല്ഹി തുടങ്ങിയ സ്ഥലങ്ങളില് ഒളിവില് കഴിഞ്ഞു വരികയായിരുന്നു. അന്ന് മുതല് ഫോണ് സ്വിച്ച് ഓഫ് ചെയ്ത പ്രതി പുതിയ നമ്ബര് എടുത്ത് ഉപയോഗിച്ച് വരുന്നത് വിവരം ലഭിച്ചതിനെ തുടര്ന്ന് സൈബര് സെല് വഴി പൊലീസ് നടത്തിയ ശാസ്ത്രീയ അന്വേഷണമാണ് അരോളിയിലെ മറ്റൊരു ഒളിസ്ഥലത്ത് നിന്ന് പ്രതിയെ പിടികൂടാന് സഹായിച്ചത്.
ഇതിനു മുമ്ബും വളപട്ടണം സ്റ്റേഷന് പരിധിയിലെ നിരവധി കേസില് ഇയാള് പ്രതിയാണ്.സംഘത്തില് സബ് ഇന്സ്പെക്റ്റര് സവര്ണ്ണന്, സീനിയര് സിവില് പൊലീസ് ഓഫീസര് ബിജു, സിനോബ്, ശ്രീജിത്ത്, കമലേഷ്, സുഭാഷ് എന്നിവരും സംഘത്തിലുണ്ടായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
https://www.facebook.com/Malayalivartha
