തിരുവനന്തപുരം മെഡി.കോളേജില് കൂട്ടിരിപ്പുകാരിയെ പീഡിപ്പിച്ച കേസിൽ ആംബുലന്സ് ഡ്രൈവര് അറസ്റ്റില്; പിടിയിലായ ഡ്രൈവർ നിരവധി പോക്സോ കേസുകളില് പ്രതിയാണ്
തിരുവനന്തപുരം മെഡിക്കല് കോളജ് ആശുപത്രിയില് രോഗിയുടെ കൂട്ടിരിപ്പുകാരിയായ യുവതിയെ പീഡിപ്പിച്ച ആംബുലന്സ് ഡ്രൈവര് അറസ്റ്റില്. ആറ്റിങ്ങല് മടവൂര് സ്വദേശി സന്ദീപാണ് അറസ്റ്റിലായത്. പോക്സോ കേസുകളില് പ്രതിയാണ് സന്ദീപ്. ജൂലൈ 30 നായിരുന്നു സംഭവം. മെഡിക്കല് കോളേജില് ചികിത്സയില് കഴിയുന്ന അമ്മയ്ക്ക് കൂട്ടിരിക്കാനായി എത്തിയതായിരുന്നു ഭിന്നശേഷിക്കാരിയായ യുവതി.
വെള്ളിയാഴ്ച ഭക്ഷണം വാങ്ങാനായി പുറത്തുപോയ യുവതിയെ കാറില് കയറ്റി കൊണ്ടു പോയി പീഡിപ്പിക്കുക ആയിരുന്നു. തിരിച്ചെത്തിയ യുവതിയുടെ വസ്ത്രങ്ങള് കീറയതും ശരീരത്തിലെ
രക്തപാടുകളും ശ്രദ്ധിച്ച വാര്ഡിലുളളവര് ഡോക്ടര്മാരെ വിവരം അറിയിക്കുക ആയിരുന്നു. മെഡിക്കല് കോളജ് പൊലീസെത്തി യുവതിയെ എസ്എടിയിലേക്ക് മാറ്റി. വൈദ്യ പരിശോധനയില് ലൈഗിക പീഡനം നടന്നുവെന്ന് തെളിഞ്ഞതിന് പിന്നാലെ കേസ് എടുക്കുക ആയിരുന്നു.
https://www.facebook.com/Malayalivartha