പുതിയ ലോക്ക് ഡൗണ്‍ ഇളവുകള്‍.... ഒരു ഡോസ് വാക്‌സിനെങ്കിലും എടുത്തിട്ടുളളവര്‍ക്കും മൂന്ന് ദിവസം മുമ്പെങ്കിലുമെടുത്ത ആര്‍.ടി.പി.സി. ആര്‍. നെഗറ്റീവ് സര്‍ട്ടിഫിക്കറ്റുള്ളവര്‍ക്കും കൊവിഡ് വന്ന് ഭേദമായവര്‍ക്കും നിയന്ത്രണങ്ങളില്ല..... ബന്ധപ്പെട്ട രേഖകളുമായി സാധാരണപോലെ ഇന്നുമുതല്‍ പുറത്തിറങ്ങാം....
ഒരു ഡോസ് വാക്‌സിനെങ്കിലും എടുത്തിട്ടുളളവര്‍ക്കും മൂന്ന് ദിവസം മുമ്പെങ്കിലുമെടുത്ത ആര്‍.ടി.പി.സി. ആര്‍. നെഗറ്റീവ് സര്‍ട്ടിഫിക്കറ്റുള്ളവര്‍ക്കും കൊവിഡ് വന്ന് ഭേദമായവര്‍ക്കും നിയന്ത്രണങ്ങളില്ല. ബന്ധപ്പെട്ട രേഖകളുമായി സാധാരണപോലെ ഇന്നുമുതല്‍ പുറത്തിറങ്ങാം.
മറ്റുള്ളവര്‍ക്ക് അത്യാവശ്യ കാര്യങ്ങള്‍ക്കു മാത്രം കൊവിഡ്, കരുതല്‍ പാലിച്ചും, കുട്ടികള്‍ക്ക് മുതിര്‍ന്നവര്‍ക്കൊപ്പവും പുറത്തിറങ്ങാം. വലിയ ആരാധനാലയങ്ങളില്‍ 40 പേര്‍ക്ക് പങ്കെടുക്കാം. കടകളും മറ്റു സ്ഥാപനങ്ങളും ഞായര്‍ ഒഴികെയുള്ള ദിവസങ്ങളില്‍ പ്രവര്‍ത്തിക്കാം.
പൊതുഗതാഗതത്തിനും അനുമതി. പുതിയ ലോക്ക് ഡൗണ്‍ ഇളവുകള്‍ ഇന്ന് പുലര്‍ച്ചെ മുതല്‍ നിലവില്‍ വന്നു. ഓണവും വാണിജ്യ,വ്യാപാര സാമ്പത്തിക പ്രതിസന്ധിയും കണക്കിലെടുത്താണ് ലോക്ക് ഡൗണില്‍ മാറ്റം വരുത്തിയത്. ഇന്നലെ ആരോഗ്യമന്ത്രി വീണാജോര്‍ജ് നിയമസഭയില്‍ ഇളവുകള്‍ പ്രഖ്യാപിച്ചു. ഇളവുകള്‍ക്കിടയിലും കര്‍ശന നിരീക്ഷണം തുടരും.
ഇളവുകളും നിയന്ത്രണങ്ങളും
കടകള്‍,മാര്‍ക്കറ്റുകള്‍,ബാങ്കുകള്‍,ഓഫീസുകള്‍,ധനകാര്യസ്ഥാപനങ്ങള്‍,ഫാക്ടറികള്‍,വ്യവസായസ്ഥാപനങ്ങള്‍,തുറന്ന ടൂറിസ്റ്റ് കേന്ദ്രങ്ങള്‍ എന്നിവയ്ക്ക് തിങ്കള്‍ മുതല്‍ ശനി വരെ പ്രവര്‍ത്തിക്കാം. ജീവനക്കാരുടെ വാക്‌സിനേഷന്‍ വിവരങ്ങള്‍ പ്രദര്‍ശിപ്പിക്കണം.
പൊതുമേഖലാസ്ഥാപനങ്ങള്‍, സര്‍ക്കാര്‍ ഓഫീസുകള്‍, പി.എസ്.യുകള്‍, കമ്പനികള്‍, സ്വയംഭരണ സ്ഥാപനങ്ങള്‍,കമ്മിഷനുകള്‍ എന്നിവ തിങ്കള്‍ മുതല്‍ വെള്ളി വരെ
വാക്‌സിനെടുക്കാത്തവര്‍ക്ക് വാക്‌സിനേഷന്‍, കൊവിഡ് പരിശോധന,ചികിത്സ,ബന്ധുക്കളുടെ മരണം,വിവാഹം, ബസോ, ട്രെയിനിലോ യാത്ര തുടങ്ങിയ അത്യാവശ്യങ്ങള്‍ക്ക് മാത്രം അനുമതി
സ്ഥലസൗകര്യം അനുസരിച്ചാവും കടകളില്‍ പ്രവേശനം. കടകള്‍ രാവിലെ 7 മുതല്‍ രാത്രി 9 വരെ പ്രവര്‍ത്തിക്കാം. ഹോട്ടലുകള്‍ക്ക് രാത്രി 9.30വരെ ഓണ്‍ലൈന്‍ ഡെലിവറി
കൊവിഡ് കരുതല്‍ പാലിച്ച് പൊതുസ്വകാര്യവാഹനങ്ങള്‍ക്ക് നിരത്തിലിറങ്ങാം. മത്സരപരീക്ഷകള്‍,നിയമനനടപടികള്‍, റിക്രൂട്ട്‌മെന്റ്, യൂണിവേഴ്‌സിറ്റി, കായിക,പരീക്ഷകള്‍ എന്നിവയ്ക്ക് അനുമതി.
ആഗസ്റ്റ് 8 ന് സംസ്ഥാനം മുഴുവന്‍ സമ്പൂര്‍ണ്ണ ലോക്ക് ഡൗണ്‍. 15നും 22നും ലോക്ക് ഡൗണില്ല. സ്‌കൂള്‍,കോളേജ്, ട്യൂഷന്‍ സെന്ററുകള്‍,സിനിമാ തിയേറ്ററുകള്‍ എന്നിവയ്ക്ക് അനുമതിയില്ല .ഹോട്ടലുകളിലും റെസ്‌റ്റോറന്റകളിലും ഇരുത്തി ഭക്ഷണമില്ല. വാഹനത്തിനകത്ത്, പൊതുസ്ഥലങ്ങളില്‍ അകലം പാലിച്ചും പാര്‍ക്കിംഗ് സ്ഥലത്തും ഇരുന്ന് കഴിക്കാം. മാളുകള്‍ തുറക്കാം. ഓണ്‍ലൈന്‍ ഡെലിവറി മാത്രം.
.വിദ്യാഭ്യാസ സ്ഥാപനങ്ങളുടെ പ്രവര്‍ത്തനം ഓണ്‍ലൈനായി.വിവാഹ,മരണാനന്തരചടങ്ങുകളില്‍ 20 പേര്‍ മാത്രം.
https://www.facebook.com/Malayalivartha
