എന്‍ജിനിയറിങ്, ഫാര്‍മസി പ്രവേശന പരീക്ഷ 'കീം' വ്യാഴാഴ്ച നടക്കും. എല്ലാ താലൂക്കുകളിലും പരീക്ഷാ കേന്ദ്രങ്ങള്‍ ക്രമീകരിച്ചതാണ് പ്രത്യേകത. 1,12,097 കുട്ടികള്‍ രജിസ്റ്റര്‍ ചെയ്തിട്ടുണ്ട്.

ഉച്ചഭക്ഷണവും വെള്ളവും കുട്ടികള്‍ കൈവശം കരുതണം. ഇടയ്ക്ക് പുറത്തുവിടില്ല. രാവിലെ 8.30നും 9.30നുമിടയില്‍ പരീക്ഷാ കേന്ദ്രങ്ങളില്‍ റിപ്പോര്‍ട്ട് ചെയ്യണം. എന്‍ജിനിയറിങ് പ്രവേശനത്തിന് യോഗ്യതാ പരീക്ഷയായ പ്ലസ്ടു മാര്‍ക്കിന് തുല്യ വെയ്‌റ്റേജ് നല്‍കണോയെന്ന കാര്യത്തില്‍ തീരുമായിട്ടില്ല.

പല ബോര്‍ഡുകളും പ്ലസ്ടു പരീക്ഷ നടത്താതെ മുന്‍ പരീക്ഷകളുടെയും മറ്റും ശരാശരി കണക്കാക്കിയതിനാല്‍ പ്രവേശന പരീക്ഷയിലെ മാര്‍ക്ക് മാത്രം കണക്കാക്കുന്നതാകും ഉചിതമെന്ന് പരീക്ഷാ കമ്മിഷണര്‍ ശുപാര്‍ശ നല്‍കിയിരുന്നു. ഇക്കാര്യത്തില്‍ മുഖ്യമന്ത്രിയാണ് തീരുമാനമെടുക്കേണ്ടത്.