കോവിഡ് പ്രതിസന്ധി... ബ്യൂട്ടി പാര്ലര് തുറക്കാനായില്ല.... കൊല്ലത്ത് ഉടമ വീട്ടിനുള്ളില് തൂങ്ങി മരിച്ചു
കോവിഡ് പ്രതിസന്ധിയെ തുടര്ന്ന് ബ്യൂട്ടി പാര്ലര് തുറക്കാന് കഴിഞ്ഞില്ല. സാമ്പത്തികബാധ്യത കാരണം ഉടമ വീട്ടിനുള്ളില് തൂങ്ങിമരിച്ചു.
കൊല്ലം മാടന്നട ഭരണിക്കാവ് റെസിഡന്സി നഗര്41 പ്രതീപ് നിവാസില് ബിന്ദു പ്രതീപിനെ(44)യാണ് ചൊവ്വാഴ്ച രാവിലെ വീടിന്റെ ഒന്നാംനിലയില് തൂങ്ങിമരിച്ചനിലയില് കണ്ടെത്തിയത്.
കൊട്ടിയത്ത് മയ്യനാട് റോഡില് വേവ്സ് ഓഫ് ബ്യൂട്ടി സലൂണ് എന്ന സ്ഥാപനത്തിന്റെ ഉടമയാണ്. 20 വര്ഷത്തിലേറെയായി വീടിനോടുചേര്ന്ന് ബ്യൂട്ടി പാര്ലര് നടത്തിയിരുന്ന ബിന്ദു ഒന്നരവര്ഷംമുന്പാണ് കൊട്ടിയത്ത് കട വാടകയ്ക്കെടുത്ത് ബ്യൂട്ടി പാര്ലര് തുടങ്ങിയത്.
ഏറെക്കഴിയും മുന്പേ കോവിഡ് വ്യാപനം കാരണം സ്ഥാപനം അടച്ചിടേണ്ടിവന്നു. ലക്ഷങ്ങള് ചെലവഴിച്ച് ഉന്നതനിലവാരത്തില് ആരംഭിച്ച സ്ഥാപനം, അടച്ചിടല് നീണ്ടതോടെ വലിയ ബാധ്യതയായി മാറി. കിട്ടാനുള്ള തുകകളും മുടങ്ങി. വായ്പകളുടെ അടവ് മുടങ്ങിയതോടെ സാമ്പത്തികബാധ്യത ക്രമാതീതമായി ഉയര്ന്നു.
https://www.facebook.com/Malayalivartha