തൊണ്ടിമുതലും ദൃക്സാക്ഷിയും: പാദസരം വിഴുങ്ങിയ മോഷ്ടാവിനെ ഹാജരാക്കാന് കോടതി ഉത്തരവ്...തൊണ്ടിമുതലും ദൃക്സാക്ഷിയും സിനിമാ മോഡല് മോഷണം, സ്വര്ണ്ണ പാദസരം വിഴുങ്ങിയ മോഷ്ടാവിനെ ഹാജരാക്കാന് കോടതി ഉത്തരവ്, ദൃക്സാക്ഷികളുടെ പിടിവീഴുമെന്നായപ്പോള് പ്രതി തൊണ്ടി മുതല് വിഴുങ്ങി... വിഴുങ്ങിയ പാദസരം പുറത്തു വരുന്നതും കാത്ത് തമ്പാനൂര് പോലീസ് മെഡിക്കല് കോളേജില് കാത്തിരുന്നത് 2 ദിവസം
തൊണ്ടി മുതലും ദൃക്സാക്ഷിയും സിനിമ മോഡല് സ്വര്ണ്ണ പാദസരം വിഴുങ്ങിയ മോഷ്ടാവിനെ സെപ്റ്റംബര് 23 ന് ഹാജരാക്കാന് തിരുവനന്തപുരം മൂന്നാം ജുഡീഷ്യല് ഫസ്റ്റ് ക്ലാസ്സ് മജിസ്ട്രേട്ട് കോടതി ഉത്തരവിട്ടു.
അദ്ധ്യാപികയുടെ ചുമലില് കിടന്നുറങ്ങിയ മൂന്നു വയസ്സുകാരിയുടെ 4.5 ഗ്രാം സ്വര്ണ്ണപാദസരം മോഷ്ടിച്ച് വിഴുങ്ങിയ കേസിലാണ് കോടതി ഉത്തരവ്. ഏക പ്രതിയായ പൂന്തുറ പള്ളിത്തെരുവിലെ മുഹമ്മദ് ഷെഫീഖിനെ (42) ഹാജരാക്കാന് തമ്പാനൂര് പോലീസ് സര്ക്കിള് ഇന്സ്പെക്ടറോടാണ് മജിസ്ട്രേട്ട് അഭിനിമോള് രാജേന്ദ്രന് ഉത്തരവിട്ടത്.
2020 ഡിസംബര് 13 ന് വൈകിട്ട് തലസ്ഥാന ജില്ലയിലെ തമ്പാനൂര് ബസ്സ് സ്റ്റേഷനിലാണ് കേസിനാസ്പദമായ സംഭവം അരങ്ങേറിയത്. ദൃക്സാക്ഷികളുടെ പിടി വീഴുമെന്നായപ്പോള് പ്രതി തൊണ്ടിമുതല് വിഴുങ്ങുകയായിരുന്നു. എക്സറേ പരിശോധനയില് ആമാശയത്തില് കണ്ടെത്തിയ തൊണ്ടിമുതല് പുറത്തു വരുന്നതും കാത്ത് തമ്പാനൂര് പോലീസ് 2 ദിവസം മെഡിക്കല് കോളേജ് ആശുപത്രിയില് പ്രതിക്ക് കൂട്ടിരിക്കേണ്ടിയും വന്നു. തിരുവനന്തപുരം സിറ്റി തമ്പാനൂര് പോലീസ് സ്റ്റേഷനിലും മെഡിക്കല് കോളേജിലുമായാണ് ' തൊണ്ടി മുതലും ദൃക്സാക്ഷിയും ' മലയാള ചലച്ചിത്രത്തിലുള്ള അഭ്രപാളിയിലെ രംഗങ്ങള് ഓര്മിപ്പിക്കും വിധമുള്ള രംഗങ്ങള് നേരിട്ട് അരങ്ങേറിയത്.
തമ്പാനൂര് ബസ് സ്റ്റാന്റില് ബസ് കാത്തു നിന്ന മാതാവായ അദ്ധ്യാപികയുടെ ചുമലില് കിടന്നുറങ്ങുകയായിരുന്ന മൂന്നു വയസ്സുകാരിയുടെ 4. 5 ഗ്രാം സ്വര്ണ്ണപാദസരമാണ് പ്രതി മോഷ്ടിച്ചത്: പാലക്കാട് നിന്നെത്തി കാരോടുള്ള സ്വന്തം വീട്ടിലേക്ക് പേ കാന് ബസ് കാത്തുനിന്ന അധ്യാപക ദമ്പതികളായ അജികുമാറിന്റെയും മിനിയുടെയും മകളുടെ പാദസരമാണ് മോഷ്ടിച്ചത്.
മോഷണ കൃത്യം കണ്ട മാതാപിതാക്കളും ബസ് കാത്തുനിന്ന സമീപസ്ഥരും ബഹളം വച്ചതോടെ പ്രതി ഓടി. പിന്നാലെയോടി യാത്രക്കാരും പോലീസും ചേര്ന്ന് പ്രതിയെ പിടികൂടി. ഇതിനിടെ പ്രതി പാദസരം വിഴുങ്ങിക്കഴിഞ്ഞിരുന്നു. പോലീസ് ചോദ്യം ചെയ്തെങ്കിലും കുറ്റം സമ്മതിച്ചില്ല. ഒടുവില് വയറിന്റെ എക്സ്റേ എടുത്ത് പരിശോധിച്ചു. പരിശോധനയില് തൊണ്ടിമുതല് പ്രതിയുടെ വയറ്റിലുണ്ടെന്ന് കണ്ടെത്തി.
പ്രതിയെ കോടതിയില് ഹാജരാക്കി കോടതി പ്രതിയെ തൊണ്ടിമുതല് വീണ്ടെടുക്കാനായി മെഡിക്കല് കോളേജ് ആശുപത്രിയിലേക്ക് പോലീസ് കസ്റ്റഡിയില് റിമാന്റ് ചെയ്യുകയായിരുന്നു. ഇന്മ കൊടുത്ത പ്രതിയില് നിന്ന് തൊണ്ടിമുതല് പുറത്ത് വരുന്നതും കാത്ത് 2 ദിവസമാണ് പോലീസ് ഉറക്കമളച്ചിരുന്നത്. കാത്തിരുപ്പിന് ഫലം കാണുകയും ചെയ്തു.
ദിലീഷ് പോത്തന് സംവിധാനം നിര്വ്വഹിച്ച് ഫഹദ് ഫാസില് പ്രധാന കഥാപാത്രമവതരിപ്പിച്ച തൊണ്ടിമുതലും ദൃക്സാക്ഷിയും എന്ന സിനിമയില് ബസില് വെച്ചായിരുന്നു മാല മോഷണം. തൊണ്ടി വിഴുങ്ങുകയും ചോദ്യം ചെയ്യലില് മോഷണക്കുറ്റം സ്വയമേറ്റു പറഞ്ഞതുമില്ല.
https://www.facebook.com/Malayalivartha