ആശങ്കയോടെ വ്യാപാരികള്....ഇളവുകള് പ്രഖ്യാപിച്ചെങ്കിലും നിയന്ത്രണങ്ങള് കാരണം പ്രതീക്ഷിക്കുന്ന കച്ചവടമുണ്ടാകുമോയെന്ന് ആശങ്കയില് വ്യാപാരികള്, പുറത്തുനിന്ന് സാധനം വാങ്ങാന് സത്യവാങ്മൂലം കൈയ്യില് കരുതണം...
ആശങ്കയോടെ വ്യാപാരികള്.... കൂടുതല് ഇളവുകളോടെ ഓണ വിപണി തുറന്നെങ്കിലും പ്രതീക്ഷിക്കുന്ന കച്ചവടം നിയന്ത്രണങ്ങള് കാരണം നഷ്ടപ്പെടുമോ എന്ന ആശങ്കയിലാണ് വ്യാപാരികള്.
പുതിയ ഉത്തരവു പ്രകാരം വാക്സിന് എടുത്തവര്ക്കും ആര്.ടി.പി.സി.ആര് ടെസ്റ്റ് ഫലം നെഗറ്റീവ് ആയവര്ക്കും കൊവിഡ് രോഗമുക്തി നേടിയവര്ക്കുമാണ് കടകള്ക്കുള്ളില് പ്രവേശിക്കാന് അനുവാദമുള്ളത്.
പുറത്തുനിന്ന് സാധനം വാങ്ങാന് സത്യവാങ്മൂലം മാത്രം മതി. വീടിനടുത്തുള്ള കടകളില് സത്യവാങ്മൂലവും നിര്ബന്ധമല്ല. എന്നാല്, ഓണത്തിന് കൂടുതല് കച്ചവടം നടക്കുന്ന വസ്ത്രം, ജുവലറി, ഗൃഹോപകരണങ്ങള് തുടങ്ങിയവ വാങ്ങണമെങ്കില് കടകള്ക്കുള്ളില് കയറണം. അതുകൊണ്ടാണ് ഉത്തരവ് അശാസ്ത്രീയമാണെന്ന് പ്രതിപക്ഷത്തിനൊപ്പം വ്യാപാരി സമൂഹവും പറയുന്നത്.
വിപണി ഓണക്കച്ചവടത്തിനായി ഇന്നലെ തുറന്നെങ്കിലും കടകളില് എത്തിയവര് നന്നേ കുറവ്. വ്യാപകമായ പരിശോധന ഇന്നലെ പൊലീസ് നടത്തിയിരുന്നില്ല. എന്നിട്ടും സ്ഥിതിഗതികള് ഇങ്ങനെയാണെങ്കില് പിഴ ചുമത്താനായി പൊലീസ് എല്ലായിടത്തും നിലയുറപ്പിച്ചാല് ലോക്ക് ഡൗണിന്റെ ഫലമായിരിക്കും എന്നാണ് ആശങ്ക.
കടകളില് പൊലീസ് നിര്ദ്ദേശപ്രകാരം നിബന്ധനകള് എഴുതി പ്രദര്ശിപ്പിക്കുക മാത്രമാണ് ഇന്നലെ ചെയ്തത്. ഫാന്സി കടകളിലും ഗിഫ്ട് ഷോപ്പുകളിലും ഒരാളില് കൂടുതല് പ്രവേശിക്കാന് പാടില്ലെന്ന് ചിലയിടങ്ങളില് പൊലീസ് വിലക്കിയിരുന്നു.
തിരക്കുള്ള ജംഗ്ഷനുകളില് പോലും വാഹനങ്ങള് തടഞ്ഞുനിറുത്തി പൊലീസ് പരിശോധിക്കുന്നതായും ആക്ഷേപമുണ്ട്.നടപടി കര്ശനമാക്കിയാല് സര്ക്കാര് ഉത്തരവ് പ്രകാരം നിയമനടപടികള് കര്ശനമാക്കിയാല് ചെറുപ്പക്കാരില് നല്ലൊരു പങ്കിനും വീടിനുള്ളില് തന്നെ കഴിയേണ്ടിവരും.
"
https://www.facebook.com/Malayalivartha