മന്ത്രി ശിവന്കുട്ടി പുറത്തേക്കോ? വിദ്യാഭ്യാസ മന്ത്രി വി ശിവന്കുട്ടിയെ എറെ നാള് സിപിഎമ്മിന് സംരക്ഷിച്ചു നിര്ത്താനാവാത്ത വിധം കോണ്ഗ്രസ് കളത്തിലിറങ്ങിക്കഴിഞ്ഞു.... നിയമസഭയിലെ മേശകസേരകള് അടിച്ചുതകര്ത്ത കേസില് വിചാരണ പൂര്ത്തിയാകും മുന്പ് ശിവന്കുട്ടിയെ മന്ത്രിസ്ഥാനത്തു നിന്ന് ഒഴിവാക്കാനുള്ള ആലോചനയില് സിപിഎം ?
വിദ്യാഭ്യാസ മന്ത്രി വി ശിവന്കുട്ടിയെ എറെ നാള് സിപിഎമ്മിന് സംരക്ഷിച്ചു നിര്ത്താനാവാത്ത വിധം കോണ്ഗ്രസ് കളത്തിലിറങ്ങിക്കഴിഞ്ഞു.
നിയമസഭയിലെ മേശകസേരകള് അടിച്ചുതകര്ത്ത കേസില് വിചാരണ പൂര്ത്തിയാകും മുന്പ് ശിവന്കുട്ടിയെ മന്ത്രിസ്ഥാനത്തു നിന്ന് ഒഴിവാക്കാനുള്ള ആലോചനയിലേക്കാണ് സിപിഎം നീങ്ങുന്നത്.
കെപിസിസി അധ്യക്ഷന് കെ സുധാകരന് ശിവന്കുട്ടിയെ തറഗുണ്ട എന്ന വിളിച്ചതിനു പിന്നാലെ കോണ്ഗ്രസ് സംസ്ഥാനതലത്തില് ശിവന്കുട്ടിയുടെ രാജിക്കായി പ്രക്ഷോഭം തുടങ്ങിക്കഴിഞ്ഞു. ഇങ്ങനെയൊരാള് വിദ്യാഭ്യാസ മന്ത്രിയായിരിക്കുന്നത് ഈ നാട്ടിലെ വിദ്യാര്ഥികള്ക്കു തന്നെ അപമാനമാണെന്നിരിക്കെ കോടതി വിചാരണകള് പാര്ട്ടിക്കു കളങ്കമായി മാറുന്ന സാഹചര്യത്തിലാണ് ശിവന്കുട്ടിയെ ഒഴിവാക്കാന് നേതൃത്വം ആലോചന തുടങ്ങിയിരിക്കുന്നത്.
വിദ്യാഭ്യാസമന്ത്രിയെന്ന നിലയില് വി ശിവന്കുട്ടിയുടെ പ്രകടനം മന്ത്രിമാരില് ഏറ്റവും പിന്നിലാണെന്നാണ് സിപിഎം ഭരണ അവലോകന സമിതിയുടെ വിലയിരുത്തല്.
ഒരു തറ ഗുണ്ട കേരളത്തിന്റെ വിദ്യാഭ്യാസ മന്ത്രിയായെന്നും മറ്റൊരു ശിവന്കുട്ടിയായ മുഖ്യമന്ത്രിക്ക് അദ്ദേഹത്തെ ഉള്ക്കൊള്ളാനാകുമെന്നുമാണ് കെപിസിസി അധ്യക്ഷന് കെ.സുധാകരന് ആക്ഷേപിച്ചിരിക്കുന്നത്. സുപ്രീം കോടതി വിധിക്കു പിന്നാലെ കയ്യാങ്കളി താരങ്ങള് ഒന്നാകെ വിചാരണയ്ക്ക് വിയേരാവുക മാത്രമല്ല നിയമസഭാംഗത്വം തന്നെ നഷ്ടമായേക്കാവുന്ന വിധം ശിക്ഷ ലഭിക്കാനും സാധ്യതയുണ്ട്. ഇതിനു മുന്പു തന്നെ മന്ത്രിസ്ഥാനത്തു നിന്ന് ശിവന്കുട്ടിയെ ഒഴിവാക്കാനാണ് പാര്ട്ടിയുടെ മുന്കൂട്ടിയുള്ള നയം.
പരിപാവനമായ നിയമസഭയ്ക്ക് അകത്ത് ഗുണ്ടായിസം കാട്ടി ഉടുമുണ്ട് പൊക്കി സ്പീക്കര് ഇരിക്കുന്ന ചേംബര് അടിച്ചുതകര്ത്ത ഒരു തറഗുണ്ട കേരളത്തിന്റെ വിദ്യാഭ്യാസമന്ത്രിയായി തുടരാന് അനുവദിക്കില്ലെന്നാണ് സുധാകരന്റെ പ്രസ്താവിച്ചിരിക്കുന്നത്.
പുതിയ തലമുറയ്ക്ക് റോള് മോഡല് ആകേണ്ട വിദ്യാഭ്യാസമന്ത്രിയുടെ സ്ഥാനത്ത് ആഭാസത്തരം മാത്രം കൈമുതലുള്ള വി ശിവന്കുട്ടി ഇരിക്കുന്നതിനെ സാംസ്കാരിക കേരളത്തിന് ഉള്ക്കൊള്ളാന് കഴിയില്ലെന്നും ശിവന്കുട്ടിയുടെ മുഖാവരണം ഗുണ്ടായിസത്തിന്റെതാണെന്നും കോണ്ഗ്രസ് അധ്യക്ഷന് നടത്തിയ പ്രസ്ഥാവന പാര്ട്ടിക്കു വല്ലാത്ത കളങ്കമായിരിക്കുന്നു.
മന്ത്രിക്ക് വേണ്ട ഗുണവും വിശ്വാസ്യതയും ശിവന്കുട്ടിക്കില്ലെന്നും സുപ്രീംകോടതി വിധിയുടെ പശ്ചാത്തലത്തില് ശിവന്കുട്ടി രാജിവെയ്ക്കുന്ന കീഴ്വഴക്കം ഉണ്ടായാല് ലാവ്നിന് കേസില് സുപ്രീം കോടതിയില് നിന്നും പ്രതികൂല വിധിയുണ്ടായാല് രാജിവെയ്ക്കേണ്ടി വരുമെന്ന ഭയം കൊണ്ടാണ് മുഖ്യമന്ത്രി ഇപ്പോള് ശിവന്കുട്ടിയെ സംരക്ഷിക്കുന്നതെന്നും സുധാകരന് ആഞ്ഞടിച്ചു.
നേമത്തെ വോട്ടര്മാര്ക്ക് പറ്റിയ കൈത്തെറ്റിന്റെ ദുരന്തഫലം അനുഭവിക്കുന്നത് കേരളത്തിലെ ജനങ്ങളാണ്.
ക്ഷമിക്കാന് കഴിയാത്ത കുറ്റമെന്നാണ് നിയമസഭാ കയ്യാങ്കളിക്കേസിനെ സുപ്രീംകോടതി വിശേഷിപ്പിച്ചതെന്നിരിക്കെയും കോടതിയില് നിരപരാധിത്വം തെളിയിക്കുമെന്ന വിദ്യാഭ്യാസ മന്ത്രിയുടെ പ്രസ്താവന ലജ്ജാകരമാണ്.
എംവി രാഘവന്റെ നാഭിക്ക് തൊഴിച്ചത് ഉള്പ്പെടെ നിയമസഭയില് ലജ്ജാകരമായ പാരമ്പര്യമാണ് സിപിഎമ്മിനുള്ളത്. നാണവും മാനവുംകെട്ട അന്തസില്ലാത്ത എംഎല്എമാരെ ചുമക്കുന്ന പാര്ട്ടിയാണ് സിപിഎം. സിപിഎം നിരയില് നിയമസഭയിലേക്ക് ജയിച്ചു വന്ന നിരവധി പേര് നിരവധി ക്രിമിനല് കേസുകളിലെ പ്രതിയാണ്. കുത്തും വെട്ടും ഉള്പ്പെടെ അക്രമം നടത്തിയ കേസുകളിലെ പ്രതികളും ഇതില്പ്പെടും. വിദ്യാര്ഥി രാഷ്ട്രീയകാലം മുതല് അടിപിടിയും ഗുണ്ടായിസവും നടത്തിപ്പോരുന്നയാളാണ് വി ശിവന്കുട്ടിയെന്ന മന്ത്രി.
അതേസമയം കോടിക്കണക്കിന് മലയാളികളുടെ മുന്നില് നിയമസഭയില് നടന്ന അതിക്രമത്തിലെ പ്രതികളായ എംഎല്എമാര് ശിക്ഷിക്കപ്പെട്ടില്ലെങ്കില് ജനങ്ങള്ക്ക് നിയമവാഴ്ചയിലുളള വിശ്വാസം നഷ്ടപ്പെടുമെന്നാണ് പ്രതിപക്ഷ നേതാവ് വിഡി സതീശന് പ്രതികരിച്ചിരിക്കുന്നത്. ശിവന്കുട്ടി രാജിവയ്ക്കും വരെ പ്രക്ഷോഭം തുടരാനാണ് യുഡിഎഫിന്റെയും കോണ്ഗ്രസിന്റെയും തീരുമാനം.
കയ്യാങ്കളിക്കേസിലെ എം.എല്.എമാര്ക്ക് പ്രത്യേക പരിഗണന നല്കണമെന്ന് ആവശ്യപ്പെട്ട് സുപ്രീം കോടതിയില് പോയ ഈ സര്ക്കാര് സംസ്ഥാനത്തെ ദേശീയതലത്തില് നാണംകെടുത്തി. പൊതുവിദ്യാഭ്യാസ വകുപ്പുമന്ത്രി മുണ്ടും മടക്കിക്കുത്തി സ്പീക്കറുടെ ഡയസ്സില് കയറി അവിടെുള്ള സാധനങ്ങള് മുഴുവന് തല്ലിത്തകര്ക്കുന്ന കാഴ്ചയാണ് സോഷ്യല് മീഡിയയില് വൈറലായിരിക്കുന്നത്. ഇത്തരമൊരാളെ വിദ്യാഭ്യാസ മന്ത്രിയാക്കയത് വിദ്യാര്ഥികളെ അപമാനിക്കുന്നതിനു തുല്യമാണ്. ഈ വിദ്യാഭ്യാസമന്ത്രിയെ കണ്ടാണോ കേരളത്തിലെ കുട്ടികള് പഠിക്കേണ്ടതെന്നും സതീശന് ആരായുന്നതിനൊപ്പമാണ് മന്ത്രി രാജിവയ്ക്കും വരെ പ്രക്ഷോഭം തുടരാനുള്ള തീരുമാനം.
https://www.facebook.com/Malayalivartha
