പ്രത്യാഘാതങ്ങള് ഭയങ്കരം... നാദിര്ഷായുടേയും ദിലീപിന്റേയും സിനിമയുടെ പേരില് പോരുമായി പി.സി. ജോര്ജ്; ഈ പേരില് സിനിമ ഇറക്കാമെന്ന് വിചാരിക്കേണ്ട, നാദിര്ഷായെയും കൂട്ടരെയും ഞാന് വിടില്ല; വിമര്ശനവുമായി പി സി ജോര്ജ്
ഈശോ എന്ന പേരില് സിനിമ ഇറക്കാമെന്ന് സംവിധായകന് നാദിര്ഷ വിചാരിക്കേണ്ടെന്ന് പി സി ജോര്ജ്. ഈ ചിത്രം തിയേറ്ററുകളില് പ്രദര്ശിപ്പിക്കാന് അനുവദിക്കില്ലെന്നും, പ്രത്യാഘാതങ്ങള് നേരിടേണ്ടി വരുമെന്നും അദ്ദേഹം പറഞ്ഞു. ഒരു ഓണ്ലൈന് മാദ്ധ്യമത്തിന് നല്കിയ അഭിമുഖത്തില് സംസാരിക്കുകയായിരുന്നു പി സി ജോര്ജ്.
ക്രിസ്ത്യന് സമൂഹത്തെ അപമാനിക്കണമെന്ന നിര്ബന്ധ ബുദ്ധിയോടെ ഇറങ്ങിത്തിരിച്ച കുറച്ച് സിനിമാക്കാര് ഇവിടെയുണ്ടെന്ന് അദ്ദേഹം വിമര്ശിച്ചു.മലയാള ചലച്ചിത്രങ്ങളിലെ ഗുണ്ടാ കഥാപാത്രങ്ങളെ എടുത്തുനോക്കുക. മിക്കവരും ക്രിസ്ത്യാനികള് ആയിരിക്കും, അവന്റെ കഴുത്തില് ഒരു കുരിശും കാണും. ഇത് ഇന്നും ഇന്നലെയും തുടങ്ങിയതല്ല. ഇതുമായി ബന്ധപ്പെട്ടുള്ള പരാതികള് കിട്ടികൊണ്ടിരിക്കുകയാണെന്നും പിസി ജോര്ജ് പറഞ്ഞു.
സംസ്ഥാനത്ത് വലിയ സാംസ്കാരിക മൂല്യങ്ങള്ക്ക് വില കല്പിച്ച സഭയാണ് െ്രെകസ്തവ സഭ. സമൂഹത്തിനു വേണ്ടി ചെയ്യാന് കഴിയുന്ന എല്ലാ നന്മകളും ചെയ്തു. ചോദിക്കാനും പറയാനും ആരുമില്ല എന്ന തോന്നലാണ് ഇത്തരക്കാര്ക്ക് വളമെന്നും, ഇത് അനീതിയാണെന്നും പിസി ജോര്ജ് പറയുന്നു.നാദിര്ഷായെയും കൂട്ടരെയും ഞാന് വിടില്ല. ക്രിസ്ത്യന് സമൂഹത്തെ മാത്രമല്ല, അതിപ്പോള് മുസ്ലിം സമൂഹത്തെയും ഹൈന്ദവ സമൂഹത്തെയും അപമാനിച്ചാലും ഞാന് വിടില്ല. ഞാനൊരു പൊതുപ്രവര്ത്തകനാണ്. എംഎല്എ അല്ലാത്തതിനാല് ഇപ്പോള് ധാരാളം സമയമുണ്ട്. ഇവനെയൊക്കെ നന്നാക്കിയിട്ടേ ഞാന് പോകൂ അദ്ദേഹം പറഞ്ഞു.
അതേസമയം ദിലീഷും നാദിര്ഷയും ഒന്നിക്കുന്ന കേശു ഈ വീടിന്റെ നാഥന് സിനിമയുടെ ചിത്രീകരണം പൊള്ളാച്ചിയില് പുരോഗമിക്കുകയാണ്. ഒരു ഗാനരംഗമാണ് ഇവിടെ ചിത്രീകരിക്കുക. ഇതോടെ ചിത്രീകരണം പൂര്ത്തിയാവും. രണ്ട് വ്യത്യസ്ത ഗെറ്റപ്പുകളിലാണ് ദിലീഷ് ചിത്രത്തില് പ്രത്യക്ഷപ്പെടുക. ഉര്വശിയാണ് ചിത്രത്തിലെ നായിക.
അമര് അക്ബര് അന്തോണി, കട്ടപ്പനയിലെ ഹൃതിക് റോഷന്, മേരാനാം ഷാജി തുടങ്ങിയ ചിത്രങ്ങള്ക്കുശേഷം നാദിര്ഷ സംവിധാനം ചെയ്യുന്ന ചിത്രത്തില് സിദ്ദിഖ്, സലിംകുമാര്, ഹരിശ്രീ അശോകന്, കലാഭവന് ഷാജോണ്, ഹരീഷ് കണാരന്, ശ്രീജിത് രവി, ജാഫര് ഇടുക്കി, കോട്ടയം നസീര്, ഗണപതി, സാദ്ദിഖ്, പ്രജോദ് കലാഭവന്, ഏലൂര് ജോര്ജ്, നന്ദു പൊതുവാള്, അര്ജുന് , അനുശ്രീ, വൈഷ്ണവി, സ്വാസിക, മഞ്ജു പത്രോസ്, നേഹ റോസ്, സീമ ജി. നായര്, വത്സല മേനോന് തുടങ്ങിയവരാണ് മറ്റു താരങ്ങള്.
സജീവ് പഴൂര് തിരക്കഥ എഴുതുന്ന ചിത്രം നാഥ് ഗ്രൂപ്പ് നിര്മ്മിക്കുന്നു. ഛായാഗ്രഹണം അനില്നായര്. നാദിര്ഷ തന്നെ സംഗീതം ചെയ്യുന്ന ചിത്രത്തിന് വരികള് എഴുതുന്നത് ബി.കെ ഹരിനാരായണനാണ്. എഡിറ്റര് സാജന്.
"
https://www.facebook.com/Malayalivartha
