കാര്ട്ടൂണിസ്റ്റും നാടന്പാട്ട് കലാകാരനുമായ പി എസ് ബാനര്ജി അന്തരിച്ചു; മരണം മെഡിക്കൽ കോളേജിൽ കോവിഡിന് ശേഷമുള്ള ചികിത്സയിലിരിക്കെ
പ്രശസ്ത കാർട്ടൂണിസ്റ്റും നാടൻപാട്ട് കലാകാരനുമായ പി എസ് ബാനർജി അന്തരിച്ചു. തിരുവനന്തപുരം മെഡിക്കൽ കോളേജിൽ കോവിഡിന് ശേഷമുള്ള ആരോഗ്യ പ്രശ്നങ്ങൾക്ക് ചികിത്സയിലിരിക്കെ വെളളിയാഴ്ച പുലർച്ചെയാണ് മരണം സംഭവിച്ചത്. കൊല്ലം ശാസ്താംകോട്ട സ്വദേശിയാണ്.
ടെക്നോപാർക്കിലെ ഒരു ഐ ടി സംരംഭത്തിൽ ഗ്രാഫിക് ഡിസൈനറായിരുന്നു. ലളിതകലാ അക്കാദമി ഫെലോഷിപ്പ് ലഭിച്ചിട്ടുണ്ട്. ചിത്രകാരൻ, പാട്ടുകാരൻ എന്നീ നിലകളിൽ ഏറെ ശ്രദ്ധേയനായിരുന്നു.
താരക പെണ്ണാളേ, കൊച്ചിക്കാരത്തി കൊച്ചു പെണ്ണേ തുടങ്ങി ഒട്ടേറെ നാടൻ പാട്ടുകൽ പാടിയത്ബാനർജി ആയിരുന്നു. പാച്ചു, സുഭദ്ര എന്നിവരാണ് മാതാപിതാക്കൾ. ഭാര്യ: ജയപ്രഭ. രണ്ടു മക്കളുണ്ട്.
ലളിതകലാ അക്കാദമിയുടെ ഏകാംഗ കാർട്ടൂൺ പ്രദർശനത്തിന് രണ്ടാഴ്ച മുൻപാണ് ബാനർജി തിരഞ്ഞെടുക്കപ്പെട്ടത്. മികച്ച യുവ പ്രതിഭയായി 2014-ല് സംസ്ഥാന ഫോക് ലോര് അക്കാദമി ഇദ്ദേഹത്തെ തിരഞ്ഞെടുത്തിരുന്നു.
https://www.facebook.com/Malayalivartha