പാറക്കൂട്ടത്തിനിടയിൽ നിന്നും ശബ്ദം! കരച്ചിൽ കേട്ട് നാട്ടുകാർ നോക്കുമ്പോൾ പാറക്കല്ലുകൾക്കിടയിൽ രണ്ട് കാലുകള് മാത്രം പുറത്തേക്ക് കാണുന്ന രീതിയില് യുവവാവ്: ഒടുവിൽ അത്ഭുതകരമായി രക്ഷപെടല്
കോഴിക്കോടിൽ ഒരു രാത്രി മുഴുവനും പാറക്കല്ലിനിടയിൽ കുടുങ്ങിയ യുവാവിനെ ഫയര്ഫോഴ്സും പോലീസും ചേര്ന്ന് രക്ഷപെടുത്തി. ചെമ്പ്ര സ്വദേശിയായ വിജീഷാണ് കഴിഞ്ഞ ദിവസം പാറക്കല്ലുകള്ക്കിടയില് കുടുങ്ങിയത്. ഒരുരാത്രി മുഴുവന് ഇയാള് പാറക്കല്ലുകള്ക്കിടയില് കുടുങ്ങിക്കിടന്നിരുന്നു. എങ്ങനെയാണ് യുവാവ് ഇതിനിടയില് കുടുങ്ങിയതെന്ന കാര്യം ഇപ്പോഴും വ്യക്തമല്ല.
ഇന്ന് ഉച്ചയോടെ കരച്ചില് കേട്ട് നാട്ടുകാര് തെരച്ചില് നടത്തിയപ്പോഴാണ് രണ്ട് കാലുകള് മാത്രം പുറത്തേക്ക് കാണുന്ന രീതിയില് പാറക്കൂട്ടങ്ങള്ക്കിടയില് വിജീഷിനെ കണ്ടെത്തിയത്. തുടര്ന്ന് പോലീസിനേയും ഫയര്ഫോഴ്സിനേയും വിവരം അറിയിക്കുകയായിരുന്നു. ഫയര്ഫോഴ്സെത്തി മണിക്കൂറുകള് നീണ്ട രക്ഷാപ്രവര്ത്തനത്തിനൊടുവിലാണ് വിജീഷിനെ പുറത്തെത്തിച്ചത്.
വലിയ പാറക്കല്ലുകള് നീക്കം ചെയ്ത ശേഷം മറ്റുകല്ലുകള് കയറിട്ട് ബന്ധിപ്പിച്ചാണ് ഇയാളെ പുറത്തെടുത്ത്. അവശനായ വിജീഷിനെ ഉടന് തന്നെ താമരശ്ശേരി താലൂക്ക് ആശുപത്രിയില് പ്രവേശിപ്പിച്ചു. നരിക്കുനി സ്റ്റേഷന് ഓഫീസര് കെ.പി ജയപ്രകാശനാണ് രക്ഷാപ്രവർത്തനത്തിന് നേതൃത്വം നൽകിയത്.
https://www.facebook.com/Malayalivartha
