ശനിയാഴ്ച കോട്ടയംവഴിയുള്ള അഞ്ചു ട്രെയിനുകള്‍ ആലപ്പുഴ വഴി തിരിച്ചു വിടുമെന്ന് റെയില്‍വേ വ്യക്തമാക്കി. കോട്ടയംചിങ്ങവനം റെയില്‍വേ സ്‌റ്റേഷനുകള്‍ക്കിടയില്‍ അറ്റകുറ്റപ്പണി നടക്കുന്നതിനാലാണ് നടപടി.
വേണാട്, പരശുറാം, ശബരി, ചെന്നൈ മെയില്‍, ബംഗളൂരുകന്യാകുമാരി എന്നീ ട്രെയിനുകളാണ് ആലപ്പുഴവഴി തിരിച്ചു വിടുന്നത്. എന്നാല്‍ ഈ ട്രെയിനുകള്‍ക്ക് ചേര്‍ത്തല, ആലപ്പുഴ, അമ്പലപ്പുഴ, ഹരിപ്പാട് എന്നിവിടങ്ങളില്‍ സ്‌റ്റോപ്പ് ഉണ്ടായിരിക്കുമെന്നും റെയില്‍വേ അറിയിച്ചു.
എറണാകുളംകൊല്ലം സെക്ഷനിലോടുന്ന 14 പാസഞ്ചര്‍ ട്രെയിനുകള്‍ പൂര്‍ണമായും റദ്ദാക്കും. പുനലൂര്‍ഗുരുവായൂര്‍ പാസഞ്ചറിന്റെ സര്‍വീസ് കോട്ടയത്തിനും പുനലൂരിനും ഇടയില്‍ ഉണ്ടാവില്ല. കോട്ടയം വഴിയുള്ള കണ്ണൂര്‍തിരുവനന്തപുരം ജനശതാബ്ദി എക്‌സ്പ്രസ് കണ്ണൂരില്‍നിന്നും രണ്ടുമണിക്കൂര്‍ വൈകി 6.45നു മാത്രമേ പുറപ്പെടുകയുള്ളു. ന്യൂഡല്‍ഹിതിരുവനന്തപുരം കേരള എക്‌സ്പ്രസ് കോട്ടയത്ത് ഒന്നര മണിക്കൂറും, മുംബൈകന്യാകുമാരി ജയന്തി ജനത എക്‌സ്പ്രസ് ചങ്ങനാശേരിയില്‍ ഒരു മണിക്കൂറും പിടിച്ചിടുമെന്നും റെയില്‍വേ അറിയിച്ചു.