യൂട്യൂബ് വ്ലോഗർമാരായ ഇ–ബുൾ ജെറ്റ് സഹോദരങ്ങളുടെ അറസ്റ്റും അതിനെ തുടർന്നുണ്ടായ സംഭവ വികാസങ്ങളുമെല്ലാം തന്നെ കഴിഞ്ഞ ദിവസം കേരളം അറിഞ്ഞതാണ് . എന്നാൽ ഇപ്പോൾ ഈ വിഷയത്തിൽ പുലിവാൽ പിടിച്ചിരിക്കുകയാണ് മുകേഷ് എം എൽ എ. ആരാധകരായ കുട്ടികൾ കൊല്ലം എംഎൽഎ മുകേഷിന്റെ ഫോണിലേയ്ക്ക് വിളിച്ചിരുന്നു .

‘മുകേഷ് സാറെ, ഒന്ന് ഇടപെടണേ’ എന്നായിരുന്നു കുട്ടികൾ ചോദിച്ചത് .ഈ ബുൾ ജെറ്റിനെ കുറിച്ച് അറിഞ്ഞോ എന്ന ചോദ്യത്തിന് ‘എന്താണ് ഇ–ബജറ്റോ? എന്താ സംഭവം..’ എന്ന് തുടങ്ങുന്ന മറുപടിയായിരുന്നു മുകേഷ് നൽകിയത് .‌ സംഭവം എന്തെന്ന് മുകേഷിന് മനസിലായില്ല.

ഒടുവില്‍ മുകേഷ് കാര്യം മനസിലാക്കുകയും താൻ അന്വേഷിക്കട്ടെ എന്ന് പറയുകയും ചെയ്യുന്നുണ്ട്. അടുത്തിടെ ഓണ്‍ലൈന്‍ പഠനത്തിന് സഹായിക്കണമെന്ന് ആവശ്യപ്പെട്ട് ഒരു കുട്ടി വിളിച്ചപ്പോള്‍ മുകേഷ് നടത്തിയ പ്രതികരണം വിവാദമായിരുന്നു.

അതിന് പിന്നാലെയാണ് പുതിയ ഫോൺ കാൾ പുലിവാൽ വന്നിരിക്കുന്നത്. ഇ–ബുൾ ജെറ്റ്’ എന്ന് വിളിച്ചയാൾ മൂന്നോ നാലോ തവണ പറയുന്നുണ്ടെങ്കിലും ഇ ബഡ്ജറ്റെന്നും ഇ ബുള്ളറ്റെന്നുമൊക്കെയാണ് മുകേഷ് കേട്ടത്. വിളിച്ച ആൾ കോതമംഗലത്തുനിന്നായതിനാൽ നിങ്ങൾ കോതമംഗലം ഒാഫിസിൽ പറയു എന്നും എംഎൽഎ പറയുന്നുണ്ട്.

മോട്ടോര്‍വാഹന നിയമം ലംഘിച്ച് വാഹനത്തിൽ രൂപമാറ്റം വരുത്തിയതിന് തുടർന്ന് വാന്‍ ലൈഫ് യുട്യൂബ് ചാനലായ ഇ-ബുള്‍ജെറ്റിന്റെ വാഹനം മോട്ടോര്‍ വകുപ്പ് കസ്റ്റഡിയില്‍ എടുക്കുകയായിരുന്നു. എന്നാൽ ഇവരാകട്ടെ വാഹനം വിട്ടുകിട്ടണമെന്ന് പറഞ്ഞു കൊണ്ട് ആർ ടി ഓഫീസിൽ എത്തി ബഹളമുണ്ടാക്കുകയായിരുന്നു.

ചാനലിന്റെ ബ്ലോഗർമാരെ ടൗൺ പോലീസ് കസ്റ്റഡിയിൽ എടുക്കുകയും ചെയ്തതോടെ സംഭവം വലിയ ചർച്ചാവിഷയമാകുകയായിരുന്നു . ഈ ബ്ലോഗർമാർ അവരുടെ ചാനാലിലൂടെ പുറത്തുവിട്ട ലൈവ് വീഡിയോയിലൂടെയാണ് സംഭവം എല്ലാവരും അറിഞ്ഞത്.

എന്തായാലും മുകേഷിന്റെ ഈ ഫോൺവിളി സമൂഹമാധ്യമങ്ങളിൽ വൈറലായി മാറിയിരിക്കുകയാണ് . ഇപ്പോഴിതാ വിഷയത്തിൽ പ്രതികരിച്ച് മുകേഷ് തന്നെ രംഗത്തുവന്നിരിക്കുകയാണ് . ഈ സംഭവുമായി ബന്ധപ്പെട്ട ട്രോൾ പങ്കുവച്ചായിരുന്നു മുകേഷിന്റെ പ്രതികരണം.

കേരളത്തിൽ നടക്കുന്ന സകല പ്രശ്നങ്ങളും പരിഹരിക്കാൻ നാട്ടുകാർ തന്നെ വിളിക്കുന്ന കാണുന്ന മുകേഷേട്ടൻ...ഇതൊക്കെ എന്തിനാടാ എന്നോട് പറയുന്നേ’–ഇതായിരുന്നു ട്രോളിലെ ഡയലോഗ്. ‘ഓരോരോ മാരണങ്ങളെ... നല്ല ട്രോൾ’.–ട്രോൾ പങ്കുവച്ച് മുകേഷ് ഇങ്ങനെയായിരുന്നു കുറിച്ചത് .‘

സംഭവത്തിൽ യൂട്യൂബേർസിന്റെ ആരാധകരും മറ്റ് ബ്ലോഗർമാരും ശക്തമായ പ്രതിഷേധവുമായി രംഗത്ത് വന്നിട്ടുണ്ട്. ബ്ലോഗർമാരെ പോലീസ് അറസ്റ്റ് ചെയ്തതിനാൽ അവരെ ജാമ്യത്തിൽ ഇറക്കാനുള്ള വഴി തേടുകയാണിവർ. ഇതിനായാണ് ഇവർ എംഎൽഎ ആയ മുകേഷിനെയും ബന്ധപ്പെട്ടത്.

നേരത്തെ വാഹനം കസ്റ്റഡിയിൽ എടുത്തതിന് പിന്നാലെ ഇ - ബുൾ ജെറ്റ് സഹോദരങ്ങളായ എബിൻ, ലിബിൻ എന്നിവർ പങ്കുവെച്ച ലൈവ് വീഡിയോ വൈറലായി . ഇവരെ പിന്തുണച്ചും പരിഹസിച്ചും ആൾക്കാർ രംഗത്ത് വരുന്നുണ്ട്.