സുരേഷ് ഗോപിയുടെ നായികയായി സരിതാനായര്‍ നാഗര്‍ കോവിലില്‍ എത്തി. ഷൂട്ടിംഗ് സെറ്റില്‍ സരിത എത്തിയതോടെ യൂണിറ്റംഗങ്ങള്‍ക്കും ആവേശമായി. വാര്‍ത്തകളില്‍ മാത്രം കണ്ടിരുന്ന സരിതയെ അടുത്തു കാണാന്‍ കഴിഞ്ഞതിന്റെ ആവേശം പലരും മറച്ചു വച്ചില്ല. മറ്റ് സഹ താരങ്ങളും സരിതയെ കൗതുകത്തോടെയാണ് കണ്ടത്.
ഇന്നലെ നാഗര്‍കോവിലിലെ കുളച്ചലിലാണ് ഷൂട്ടിംഗ് ആരംഭിച്ചത്. ഹിറ്റ്‌സംവിധായകന്‍ ഷാജികൈലാസിന്റേതാണ് സിനിമ. സോളാര്‍ തന്നെയാണ് വിഷയം. സോളാര്‍ കേസുമായി ബന്ധപ്പെട്ട് സരിത ടി. വി ചാനലിന് നല്‍കുന്ന കോളിളക്കമുണ്ടാക്കുന്ന അഭിമുഖ സീന്‍ ചിത്രീകരിച്ചാണ് ഷൂട്ടിംഗ് തുടങ്ങിയത്.
കേസുകള്‍ കാരണം സരിതയ്ക്ക് കേരളം വിട്ടുപോകാന്‍ നിയമതടസമുണ്ട്. ജാമ്യവ്യവസ്ഥയില്‍ ഇളവിനായി സരിത കോടതിയെ സമീപിച്ചിരുന്നു. ഇത് കിട്ടാനുണ്ടായ കാലതാമസം മൂലമാണ് ഷൂട്ടിംഗ് വൈകിയത്. പത്തുദിവസമാണ് കോടതി അനുവദിച്ചത്. കേരളത്തില്‍ ഷൂട്ടിംഗ് നടത്തിയാലുണ്ടാകാവുന്ന പ്രശ്‌നങ്ങള്‍ പരിഗണിച്ചാണ് ലൊക്കേഷന്‍ തമിഴ്‌നാട്ടിലേക്ക് മാറ്റിയത്. നിരവധി ചാനല്‍ അഭിമുഖങ്ങളെ നേരിട്ട സരിതയ്ക്ക് തുടക്കക്കാരിയുടെ ടെന്‍ഷനേതുമില്ല.
സുരേഷ് ഗോപിയാണ് നായകനായ ചിത്രത്തിന്റെ പേര് സംസ്ഥാനം എന്നാണ്. തലസ്ഥാനം, കമ്മിഷണര്‍, എഫ്. ഐ.ആര്‍ തുടങ്ങി സുരേഷ് ഗോപിയെ പൊലീസ് ഓഫീസര്‍ താരമാക്കിയ ഷാജികൈലാസിന്റെ പുതിയ ചിത്രത്തില്‍ അദ്ദേഹം സോളാര്‍ കേസ് അന്വേഷിക്കുന്ന എ.ഡി.ജി.പിയുടെ റോളിലാണ്. വാണിവിശ്വനാഥ്, കലാഭവന്‍മണി തുടങ്ങിയവരും താരനിരയിലുണ്ട്.
രാഷ്ട്രീയവും ആക്ഷനും സോളാറും ചേര്‍ത്തൊരുക്കുന്ന സിനിമ അടുത്ത നിയമസഭാ തിരഞ്ഞെടുപ്പിന് മുമ്പായി തീയേറ്ററിലെത്തും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha