എയര്‍ ആംബുലന്‍സ് സംവിധാനം സ്ഥിരമാക്കുമെന്ന് ആരോഗ്യമന്ത്രി വി.എസ് ശിവകുമാര്‍. ഇതേക്കുറിച്ച് റിപ്പോര്‍ട്ട് നല്‍കാന്‍ ആരോഗ്യസെക്രട്ടറിക്ക് നിര്‍ദ്ദേശം നല്‍കിയിട്ടുണ്ടെന്നും ശിവകുമാര്‍ പറഞ്ഞു.
കൊച്ചിയിലെ ഒരു വിമാനസര്‍വ്വീസ് കമ്പനിയുമായി ഇക്കാര്യം സംസാരിച്ചിട്ടുണ്ട്. ഏതാനും ആശുപത്രികളും പദ്ധതിയില്‍ സഹകരിക്കാമെന്ന് ഉറപ്പ് നല്‍കിയിട്ടുണ്ടെന്നും ആഭ്യന്തരമന്ത്രിയുടെ സാന്നിദ്ധ്യത്തിലായിരുന്നു ചര്‍ച്ചകള്‍ നടന്നതെന്നും ശിവകുമാര്‍ വ്യക്തമാക്കി.
കൊച്ചിയില്‍ ഇന്നലെ ഹൃദയമാറ്റശസ്ത്രക്രിയയ്ക്കായി എയര്‍ ആംബുലന്‍സ് ഉപയോഗിച്ച് തിരുവനന്തപുരത്ത് നിന്നും ഹൃദയമെത്തിച്ചിരുന്നു. ഈ ദൗത്യം വിജയമായതിന്റെ പശ്ചാത്തലത്തിലാണ് ആരോഗ്യമന്ത്രിയുടെ പ്രതികരണം. മൃതസഞ്ജീവനി പദ്ധതി കൂടുതല്‍ കാര്യക്ഷമമാക്കുമെന്നും ശിവകുമാര്‍ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha