കേരളത്തിലെ ജയിലിലെ തടവുകാര്‍ക്ക് അവയവം ദാനംചെയ്യാന്‍ അനുമതി നല്‍കി ജയില്‍ ആഭ്യന്തരമന്ത്രി രമേശ് ചെന്നിത്തല ഉത്തരവ് പുറപ്പെടുവിച്ചു.
കേരള ലീഗല്‍ സര്‍വീസസ് അതോറിറ്റിയാണ് ഇക്കാര്യത്തില്‍ ആഭ്യന്തരവകുപ്പിനോട് നിലപാട് ആരാഞ്ഞിരുന്നത്. നിയമപരമായ തടസ്സങ്ങളോ സാധ്യതകളോ വ്യക്തമാക്കാനാവശ്യപ്പെട്ട് ആഭ്യന്തരവകുപ്പ്, ഫയല്‍ നിയമവകുപ്പിനയച്ചിരുന്നു.

കണ്ണൂര്‍ സെന്‍ട്രല്‍ ജയിലില്‍ ജീവപര്യന്തം തടവ് അനുഭവിക്കുന്ന പട്ടാമ്പി പള്ളിപ്പുറത്ത് സുകുമാരന്‍ അടക്കം പത്തുപേര്‍ അവയവം ദാനംചെയ്യാന്‍ സന്നദ്ധരായിരുന്നു. എന്നാല്‍ തടവുകാര്‍ക്ക് അവയവദാനത്തിന് നിയമതടസ്സമുണ്ടെന്നായിരുന്നു ജയില്‍ അധികൃതരുടെ നിലപാട്. കണ്ണൂര്‍ ജില്ലാ ലീഗല്‍ സര്‍വീസസ് അതോറിറ്റി പ്രതിനിധികള്‍ സെന്‍ട്രല്‍ ജയിലില്‍ നടത്തിയ ലീഗല്‍ എയ്ഡ് ക്ലൂനിക്കില്‍ തടവുകാര്‍ ഈ വിഷയം ഉന്നയിച്ചിരുന്നു. അതോറിറ്റി ഇക്കാര്യം സംസ്ഥാന അതോറിറ്റിയെ അറിയിച്ചിരുന്നു. തടവുകാര്‍ക്ക് തങ്ങളുടെ ഇഷ്ടപ്രകാരം അവയവങ്ങള്‍ ദാനം ചെയ്യാമെന്ന മന്ത്രിയുടെ ഉത്തരവോടെ ഇക്കാര്യത്തിലുള്ള നിയമതടസ്സങ്ങള്‍ നീങ്ങുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha