കുടുംബ കലഹത്തെത്തുടർന്ന് ഗൃഹനാഥനെ വെട്ടിക്കൊലപ്പെടുത്തിയ ഭാര്യ അറസ്റ്റിൽ. തിരുവനന്തപുരം അമ്പൂരി കുട്ടമല സ്വദേശിനി ഷീ​ബ എ​ന്ന സു​മ​ല​ത​യെ (42) ആണ് പോലീസ് അറസ്റ്റ് ചെയ്തത്. ക​ണ്ടം​തി​ട്ട ജി​ബു ഭ​വ​നി​ല്‍ സെ​ല്‍വ​മു​ത്തു​വാ​ണ്​ (52) വീ​ട്ടി​നു​ള്ളി​ല്‍ വെട്ടേറ്റ് മരിച്ചത്. സെപ്റ്റംബർ പതിനൊന്നിന് പുലർച്ചെയാണ് സെല്‍വമുത്തുവിനെ കഴുത്തിലും തലയിലും വെട്ടേറ്റ നിലയിൽ കണ്ടെത്തിയത്.

ഭര്‍ത്താവ് കിടപ്പുമുറിയില്‍ അനക്കമില്ലാതെ കിടക്കുന്നുവെന്ന് സുമലതയാണ് അയല്‍വാസികളെ വിളിച്ചറിയിച്ചത്. അയല്‍ക്കാരെത്തി പരിശോധിച്ചപ്പോള്‍ കൊലപാതകമാണെന്ന് വ്യക്തമായി. തുടർന്ന് നാട്ടുകാർ പോലീസിനെ അറിയിക്കുകയായിരുന്നു.

മാ​ന​സി​കാ​സ്വാ​സ്ഥ്യം പ​ല​പ്പോ​ഴും സു​മ​ല​ത പ്ര​ക​ടി​പ്പി​ക്കാ​റു​ണ്ടെ​ന്ന് അ​യ​ല്‍വാ​സി​ക​ള്‍ പ​റ​യു​ന്നു. പൊ​ലീ​സി​നോ​ട് ആ​ദ്യ​ഘ​ട്ട​ത്തി​ല്‍ വി​വ​ര​ങ്ങ​ള്‍ ന​ല്‍കാ​ന്‍ മ​ടി​ച്ചെ​ങ്കി​ലും പി​ന്നീ​ട്, വി​വ​ര​ങ്ങ​ള്‍ ന​ല്‍കു​ക​യും കൊ​ല്ലാ​നു​പ​യോ​ഗി​ച്ച ആ​യു​ധം വീ​ടി​നു സ​മീ​പ​ത്തു​നി​ന്ന് എ​ടു​ത്തു​ന​ല്‍കു​ക​യും ചെ​യ്തു.

ഉറങ്ങിക്കിടക്കുന്നതിനിടയിലായിരുന്നു കൊലപാത ശ്രമം അരങ്ങേറിയത്. സം​ഭ​വ ദി​വ​സ​വും ഇ​വ​ര്‍ ത​മ്മി​ല്‍ വ​ഴ​ക്കു​ണ്ടാ​യി. മൂ​ത്ത മ​ക​ന്‍ ജി​ബി​ന്‍ ​ബം​ഗ​ളൂ​രു​വി​ല്‍ ന​ഴ്‌​സി​ങ് വി​ദ്യാ​ര്‍ഥി​യാ​ണ്.

മ​ക്ക​ളാ​യ ജി​ത്തു, ജി​നു എ​ന്നി​വ​ര്‍ സം​ഭ​വ ദി​വ​സം ഒ​പ്പ​മു​ണ്ടാ​യി​രു​ന്നു. ഓ​ട്ടി​സം ബാ​ധി​ച്ച ഇ​ള​യ കു​ട്ടി പി​താ​വി​നൊ​പ്പ​മാ​യി​രു​ന്നു ഉ​റ​ങ്ങി​യി​രു​ന്ന​ത്. ത​ല​ക്കും ക​ഴു​ത്തി​നും ആ​ഴ​ത്തി​ല്‍ വെ​ട്ടേ​റ്റി​രു​ന്നു. മൃ​ത​ദേ​ഹം പോ​സ്​​റ്റ്​​മോ​ര്‍ട്ട​ത്തി​നു ശേ​ഷം ബ​ന്ധു​ക്ക​ള്‍ക്ക് വി​ട്ടു​കൊ​ടു​ത്തു.