ബാഹുബലി തെന്നിന്ത്യന് സിനിമാ ചരിത്രത്തിലെ റെക്കോഡുകള്‍ ഭേദിച്ച് മുന്നേറുന്നു. ചിത്രം പുറത്തിറങ്ങി നാലാഴ്ച കഴിഞ്ഞപ്പോള് 500 കോടി ക്ലബിലെത്തി. ആദ്യമായാണ് ഒരു തെന്നിന്ത്യന്‍ സിനിമ 500 കോടി ക്ലബില്‍ ഇടം പിടിക്കുന്നത്.
ചിത്രം ഇപ്പോഴും തീയറ്ററുകളില്‍ നിറഞ്ഞസദസില് പ്രദര്‍ശനം തുടരുകയാണ്. ഈ സ്ഥിതി പോയാല് അമീര്ഖാന്റെ പികെ നേടിയ കളക്ഷന് റെക്കോഡ് ബാഹുബലി തകര്‍ക്കാനാണ് സാധ്യത. 754 കോടി രൂപയാണ് പികെ നേടിയിരുന്നത്. കഴിഞ്ഞ ദിവസം ബോളിവുഡ് സൂപ്പര്‍ താരം ഷാരൂഖ് ഖാന് ബാഹുബലി തനിക്ക് വലിയ പ്രചോദനമായെന്നും ഇതില്‍ പ്രവര്‍ത്തിച്ച എല്ലാവര്‍ക്കും നന്ദി പറയുന്നതായും ട്വിറ്ററില്‍ കുറിച്ചിരുന്നു. ഒരു ചുവട് മുന്നോട്ടു വയ്ക്കാന് തയാറായെങ്കില്‍ മാത്രമേ ആകാശത്തോളം ഉയരാന്‍ കഴിയുകയുള്ളെന്നും ഷാരൂഖ് ട്വിറ്ററില് പറഞ്ഞിരുന്നു.
ഇന്ത്യയില് നിര്‍മ്മിക്കപ്പെട്ട സിനിമകളില്‍ ഏറ്റവും ചെലവേറിയ ചിത്രമാണ് ബാഹുബലി. പ്രഭാസ്, റാണ ദഗ്ഗുബദി, അനുഷ്‌ക ഷെട്ടി, തമന്ന ഭാട്ടിയ എന്നിവരാണ് ചിത്രത്തിലെ പ്രധാന താരങ്ങള്. തെലുങ്ക്, തമിഴ്, മലയാളം, ഹിന്ദി എന്നീ ഭാഷകളിലാണ് ഒരേസമയം ചിത്രം പുറത്തിറങ്ങിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha