വ്യാപാരിയുടെ വീടിന് സമീപത്തെ വിറക് പുര പൊളിച്ചുനീക്കുന്നതിനിടെ പ്ലാസ്റ്റിക് കവറിൽ പൊതിഞ്ഞ നിലയിൽ മനുഷ്യന്റെ അസ്ഥികൂടങ്ങൾ കണ്ടെത്തിയ സംഭവത്തിൽ മനുഷ്യന്റെ അ​സ്ഥി​കൂ​ട​ങ്ങ​ള്‍ വൈദ്യപഠനത്തിന് ഉപയോഗിച്ചതാണെന്ന് ശാ​സ്​​ത്രീ​യ പ​രി​ശോ​ധ​ന​ഫ​ലം.

ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആശുപത്രിലെ ഫൊറന്സിക് വി​ഭാ​ഗം മേ​ധാ​വി ഡോ. രഞ്ജുവിൻ്റെ നേതൃത്വത്തിൽ ന​ട​ത്തി​യ വിശദമായ പരിശോധനയിലാണ് ഇക്കാര്യം വ്യക്തമായത്.

രണ്ട് തലയോടുകളുടെയും കൈകളുടെയും വാരിയെല്ലിന്റെയും ഭാഗങ്ങളായിരുന്നു കണ്ടെത്തിയിരുന്നത്. അസ്ഥികൾ ദ്രവിച്ചുതുടങ്ങിയ അവസ്ഥയിലായിരുന്നു. അടയാളപ്പെടുത്തലുകൾ ഉള്ളതിനാൽ വൈദ്യപഠനത്തിന് ഉപയോഗിച്ചതാണോയെന്ന് ആദ്യമേ സംശയം നിലനിന്നിരുന്നു.

ആൾത്താമസമില്ലാത്ത വീടിന് വർഷങ്ങളുടെ പഴക്കമുണ്ടായിരുന്നു. അഞ്ചിലധികം പേരുടെ ഉടമസ്ഥതയിൽ കൈമറിഞ്ഞാണ് അടുത്തിടെ കണ്ണൻ സ്ഥലവും വീടും വിലയ്ക്ക് വാങ്ങിയത്. സമീപവാസികളുടെ പരാതിയെ തുടർന്ന് ജെ.സി.ബി ഉപയോഗിച്ച് കാട് നീക്കം ചെയ്ത് വിറക് പുര പൊളിക്കുമ്പോഴാണ് അസ്ഥികൂടങ്ങൾ കണ്ടെത്തിയത്.

ഉദയാ സ്റ്റുഡിയോയിൽ സിനിമാ ചിത്രീകരണത്തിന് എത്തുന്ന അവസരങ്ങളിൽ നടിമാരായ ലളിത, പത്മിനി, രാഗിണി സഹോദരിമാർ താമസിക്കാറുള്ള വീടായിരുന്നു ഇത്.

എട്ടുവർഷം മുമ്പ് ഡോക്ടർ അടക്കമുള്ളവർ വാടകയ്ക്ക് താമസിച്ചിരുന്നു. പിന്നീട് കുറച്ചുകാലം അന്നത്തെ കെട്ടിട ഉടമയുടെ ബന്ധുക്കളായ ദമ്പതികളും താമസിച്ചിരുന്നു.

മെ​ഡി​ക്ക​ല്‍ വി​ദ്യാ​ര്‍​ഥി​ക​ള്‍ ശ​രീ​ര​ശാ​സ്​​ത്രം പ​ഠി​ക്കു​ന്ന​തി​ന്​ പ​ല മൃ​ത​ദേ​ഹ​ങ്ങ​ളി​ല്‍​ നി​ന്ന്​ ശേ​ഖ​രി​ച്ച അസ്ഥികളാണ് ഇതെന്നാണ് നിഗമനം. കാ​ല​പ്പ​ഴ​ക്കം അ​ട​ക്ക​മു​ള്ള കാ​ര്യ​ങ്ങ​ളി​ല്‍ കൂ​ടു​ത​ല്‍ വ്യ​ക്ത​ത വരുത്താൻ പോ​സ്​​റ്റു​മോ​ര്‍​ട്ടം റിപ്പോർട്ട് കിട്ടണം.

പത്ത് ദിവസത്തിനകം റിപ്പോർട്ട് കിട്ടുമെന്ന് സൗ​ത്ത്​ പോലീസ് അറിയിച്ചു. ഇതിനൊപ്പം പഴയ വീട്ടിൽ താമസിച്ചിരുന്ന ഡോക്ടർമാരുടെയും, മെഡിക്കൽ വിദ്യാർത്ഥികൾ അടക്കമുള്ളവരുടയും മൊഴിയെടുക്കും.

കേസ് എടുത്ത പോലീസ് പഴയ വീട്ടിൽ താമസിച്ചിരുന്ന ഡോക്ടർമാർ ഉൾപ്പടെയുള്ളവരുടെയും, മുൻകാല കെട്ടിടങ്ങളുടെയും വിവരങ്ങൾ ശേഖരിച്ചിരുന്നു.

കാ​ടു​പി​ടി​ച്ച സ്ഥ​ല​ത്ത് ഇ​ഴ​ജ​ന്തു​ക്ക​ളു​ടെ ശ​ല്യ​മു​ള്ള​താ​യി സ​മീ​പ​വാ​സി​ക​ളു​ടെ പ​രാ​തി​യി​ല്‍ സ്ഥ​ല​ഉ​ട​മ എ​ക്​​സ്​​ക​വേ​റ്റ​ര്‍ ഉ​പ​യോ​ഗി​ച്ച്‌ കാ​ട് നീ​ക്കു​ന്ന​തി​നി​നൊ​പ്പം ജീ​ര്‍​ണാ​വ​സ്ഥ​യി​ലാ​യ വി​റ​കു​പു​ര പൊ​ളി​ക്കു​ന്ന​തി​നി​ടെ​യാ​ണ് നഗരഹൃദയമായ ഇവിടെ നിന്ന് അസ്ഥികൂടം ലഭിച്ചത്.