സംസ്ഥാനത്ത് കോവിഡ് നിയന്ത്രണങ്ങളിൽ കൂടുതൽ ഇളവുകൾ!! ഹോട്ടലുകളിലും ബാറുകളിലും ഇരുന്ന് ഭക്ഷണം കഴിക്കാം, വാക്സിന് സര്ട്ടിഫിക്കറ്റ്, ആര്ട്ടിപിസിആര്, രോഗമുക്തി സര്ട്ടിഫിക്കറ്റ് എന്നിവ ഇനി ആവശ്യമില്ല; നീന്തല്ക്കുളങ്ങളും ഇന്ഡോര് സ്റ്റേഡിയങ്ങളും തുറക്കും
സംസ്ഥാനത്ത് കോവിഡ് മാനദണ്ഡങ്ങളിൽ സർക്കാർ കൂടുതൽ ഇളവുകൾ മുഖ്യമന്ത്രി പിണറായി വിജയന് വാര്ത്താസമ്മേളനത്തില് പ്രഖ്യാപിച്ചു. ആളുകൾക്ക് ഇനി മുതൽ ഹോട്ടലുകളില് ഇരുന്ന് ഭക്ഷണം കഴിക്കാനുള്ള അനുമതിയായി. ബാറുകളിലും ഇരുന്ന് കഴിക്കാം.
ഇതുവരെ ഹോട്ടലുകളിൽ നിന്ന് ഭക്ഷണം പാഴ്സലായി വാങ്ങാൻ മാത്രമായിരുന്നു അനുമതി നൽകിയിരുന്നത്. ഒരു ഹോട്ടലിലെ ആകെ സീറ്റുകളുടെ പകുതി ആളുകൾക്ക് മാത്രമാണ് പ്രവേശനം. സാമൂഹ്യ അകലം കൃത്യമായി പാലിക്കണം. ബാറുകളിലും സമാനമായ രീതീയിലായിരിക്കും ക്രമീകരണം.
രണ്ട് ഡോസ് വാക്സിനേഷന് സ്വീകരിച്ചവര്ക്ക് ഹോട്ടലുകള്, റസ്റ്റാറന്റുകള്, ബാറുകള് എന്നിവിടങ്ങളില് ഇരുന്ന് ഭക്ഷണം കഴിക്കാം. 18 വയസ്സിന് താഴെയുള്ളവര്ക്ക് ഇക്കാര്യങ്ങൾ ബാധകമല്ല, പകുതി സീറ്റുകളേ ക്രമീകരിക്കാവൂ.
എസി സംവിധാനം ഒഴിവാക്കണം. ജനലുകളും വാതിലുകളും തുറന്നിടണം. ഇവിടങ്ങളില് തൊഴിലാളികളും രണ്ട് ഡോസ് വാക്സീന് എടുത്തവരാകണം.നിയന്ത്രണങ്ങളുടെ ഭാഗമായി ഏര്പ്പെടുത്തിയിരുന്ന, പുറത്തിറങ്ങാനുള്ള നിബന്ധനകള് ഒഴിവാക്കി.
വാക്സിന് സര്ട്ടിഫിക്കറ്റ്, ആര്ട്ടിപിസിആര്, രോഗമുക്തി സര്ട്ടിഫിക്കറ്റ് എന്നിവ ഇനി ആവശ്യമില്ല. ഇന്ഡോര് സ്റ്റേഡിയങ്ങള്, നീന്തല്ക്കുളം എന്നിവയുടെ പ്രവര്ത്തനം അനുവദിക്കാം. ഇവിടെയും വാക്സിനേഷന് എടുത്തവരെയാകണം പ്രവേശിപ്പിക്കേണ്ടത്. ജീവനക്കാരും രണ്ട് ഡോസ് വാക്സീന് എടുത്തവരാകണമെന്നും മുഖ്യമന്ത്രി വ്യക്തമാക്കി.
https://www.facebook.com/Malayalivartha
