കളമശ്ശേരിയില് ശൗചാലയത്തില് യുവാവിന്റെ മൃതദേഹം കത്തിക്കരിഞ്ഞ നിലയില്.... ആത്മഹത്യയാണെന്ന് പ്രാഥമിക നിഗമനം
കളമശ്ശേരിയില് ശൗചാലയത്തില് യുവാവിന്റെ മൃതദേഹം കത്തിക്കരിഞ്ഞ നിലയില്.... ആത്മഹത്യയാണെന്ന് പ്രാഥമിക നിഗമനം. . കോട്ടയം തെള്ളകം നടുത്തല വീട്ടില് മര്ക്കോസ് ജോര്ജിന്റെ (സിന്ധു സോമില് അടിച്ചിറ) മകന് ജെറിന് മാര്ക്സി(28)നെയാണ് മരിച്ച നിലയില് കണ്ടെത്തിയത്. സ്വകാര്യ ലാബിലെ ബിസിനസ് ഡെവലപ് മെന്റ്ഓഫീസറാണ് ജെറിന്.
ആത്മഹത്യയാണെന്നാണ് പോലീസിന്റെ നിഗമനം. ഇന്നലെ രാവിലെ 10.45-ഓടെയാണ് മൃതദേഹം കണ്ടെത്തിയത്. ദേശീയപാതയില് ചങ്ങമ്പുഴ നഗറിനു സമീപത്ത പതിച്ചേരില് ബില്ഡിങ്ങെന്ന മൂന്നുനില കെട്ടിടത്തിനു മുകളിലെ നിലയിലെ ശൗചാലയത്തിലാണ് മൃതദേഹം കണ്ടെത്തിയത്.
പുക ഉയരുന്നത് കണ്ടെത്തിയവര് ശൗചാലയത്തിന്റെ വാതില് ചവിട്ടിപ്പൊളിച്ച് അകത്ത് കയറിയപ്പോഴാണ് കത്തിക്കരിഞ്ഞ മൃതദേഹം കണ്ടത്. മൃതദേഹത്തിന് സമീപത്തുനിന്ന് ഒരു കാലിക്കുപ്പിയും കത്തിയ ബാഗും കണ്ടെടുത്തിട്ടുണ്ട്.
കളമശ്ശേരി പോലീസ് മേല്നടപടികള് സ്വീകരിച്ച ശേഷം മൃതദേഹം എറണാകുളം മെഡിക്കല് കോളേജ് മോര്ച്ചറിയിലേക്ക് മാറ്റി. ഫോറന്സിക് വിഭാഗവും പരിശോധന നടത്തി.
"
https://www.facebook.com/Malayalivartha